[高中][純愛] 《如陽光伴我》 有關我和兩個女孩一隻貓的故事

好睇！加速

live咗

pish

我無語問蒼天，馬上跑離戲院，到旁邊的商店，隨便挑了一件較厚的天藍色衛衣拉鏈外套。花了大約5分鐘排隊結帳。

「先生，唔好意思，呢件無碼喎。」女店員說。
「咩叫有碼無碼啊...我要而家拎住呢件啊！」我急燥地說。

「我知，但係呢件係陳列品，非賣品嚟嫁，先生」
「喂，我喺衣架拎嫁！」

「係唔係左邊嘅衣架？」
「咁又點啊？」

「鋪頭左邊係陳列品，右邊先係可以賣嘅貨品。」
「食屎啦你，咁你又唔寫清楚！」
「先生請你自重，唔好講粗口！」

我馬上跑去右邊，拿了另一件深藍色的衛衣外套，直接跑向收銀處。
「呢到、呢到，唔該、唔該！」
「喂，排隊啦，咁無禮拜嫁！」後面一個在排隊的人鼓燥。

「我頭先排左5分鐘啦。」
「係啊係啊，我阿媽三十年前係到排緊啦。」另一個人說。

「喂，你同我做證，我頭先真係排左好耐...」我向店員說。
「我對天發誓，從來無見過你。」店員否認。
「我...」

結賬後馬上又奔回戲院內。
「等等，先生，你張戲飛呢？」小食店的售貨員叫停我。
「你啱啱先見我行出嚟㗎喎？」我反問。

「係咩？」他再反問。
「...」我痛苦地從銀包的最深處，掏出票尾向那個人展示後，連忙跑回五號院。

「喂，傻仔，你去咗邊呀？」如在漆黑中輕聲問道。
「啊，個肚有啲唔舒服。」我說：「係呀，我有件褸，你睇下嬲住佢會唔會暖啲？」我向她傳向我那全新的藍色衛衣外套。

「唔該曬啊...好彩你有帶褸。」她感激地說。
嗯，其實我沒有帶。

看見她蓋着我的衣服，因為怕冷而輕輕的靠向我身邊，心中一陣滿足。余文樂趕到機場找楊千嬅，人們看得正入神，我忽然又想起，好像帶不夠錢...

雖然電影戲票是AA制的，但我答應了請她去K-buffet...本來是應該帶夠多餘錢的，可是又意外地買了一件外套，如果要再看一套電影，等會肯定就沒錢結帳。雖然她肯定不會介意，但約會來說真的太失敗了...因為幾乎所有東西都是我提出的。

我情急心生一計。
「喂！」我低聲叫她。
「下？」

「不如咁咁咁咁。」
「下，你唔好講笑啦！」她傻笑著。

「我講真㗎，快啲趁依家行啦！」我捉住她的手，趁片尾名單仍未有開始播放，工作人員還沒有走進來的時候，彎身走出五號電影院，然後跑進四號院，找了一個較前而稍為側邊的兩個空位坐下。

播放《魔鏡魔鏡》的這個院不是很滿，但也不算很空，而且電影院內的射燈已經調暗，廣告已經開始播放，我們兩個的舉動大概不會太過顯眼。

「係咪真係得㗎？」她又擔心又興奮，好像有點哭笑不得的感覺。
「放心啦，我成日都係咁㗎。」這只是我第一次做這種事。
「俾人捉到咁點算？」她問。

「放心，我會話係你綁架我。你唔使擔心我會有事！」
「衰人！」她用力拍我的手臂。
「痛！」

這套電影的內容我比較認真看，雖然有一點奇怪，因為這本來不是我想看的電影。電影節奏明快，跟很多的迪士尼電影一樣，都是公主巫婆公主巫婆、公主王子公主王子這種情節吧，沒有甚麼特別，就只有特別多的童真和笑話。

我想是因為那件外套，再加上我們刺激的看霸王戲，心如也沒有再叫冷，但卻輕輕的靠向我身邊，帶笑而沒有作聲。然後電影就在我不停偷看着她，她不停高聲放笑中去到尾聲。

突然，剛才那個戲院工作人員拿著電筒闖進來，像照田雞一樣尋人。
「係唔係佢知道左我地偷睇戲啊？」

「啊...呢條友有無咁憎我，今次大獲...」我低聲說。
「咁點算啊？」心如緊張的用耳語的聲線回應。

「跟住我！」我說，她捉著我的手，然後緊緊的跟隨著在我後面。
我們避開電筒的光，慢慢的繞過那個人，多年玩刺客教條的心得居然能夠應用在現實。

「就係而家！！！跑啊！！！」
一走出電影院，我就拖著心如拔足狂奔，一直跑一直跑。

那一刻，我不是想避開任何人，只是想拖著她的手，跑去一個只有我們的世界。

跑了不知多久，我們在天水圍公園附近停下來，喘著氣。
「嗄嗄...嗄嗄...」
「唔好意思啊...」要如跟我犯險，我有點過意不去。

「啊！好爽啊！」她好像聽不到我的道歉。
「爽？」

「嗯，超級開心。」她開心地說，「仲刺激過睇戲！」
「咁就好啦！」想不到她竟然會享受這種快樂。
我們笑著對望著。

過了一會兒，我們終於平伏了心情。
「啱啱套戲好睇啊可。」我說。

「最衰都係你呀！我成套戲都專心唔到，超級驚有人會嚟捉我地！」她一邊說一邊笑，回味著剛才的大冒險。

「哈，唔洗驚啦，最後真係有人捉。」
「不過講真，其實...都幾刺激。」她掩口笑著說：「有機會可以再試！」

「原來你先係大魔頭！」我說。
「快啲落返元朗啦，好肚餓！」我們並肩走到輕鐵站，坐761p線列車前往元朗。

「啱啱女主角好靚啊！」她說。
「係咩。」除了你以外，我沒有太多覺得漂亮的女孩子，我心想。

「好似叫Lily Collins，好想睇晒佢啲戲！」
「好似冇咩見過呢個人，應該冇拍過啲咩戲。」我說。

「遲吓可能會多啲呢，你仲會唔會陪我睇先？」她問。
「唔使錢嘅話未陪囉...」我會，我一定會。

好甜

Pish 仲有冇文

我們在康樂路下車，穿過馬路，走向在富達廣場的Neway。她說她訂了位置，說出名字之後，服務生就領我們到K房內，房很大，平常兩個人很少分到這麼大的房間。

「點歌啦！」她說。

我尷尬的拿起手掣，在男歌手的頁面不停地找自己那狹小的音域可以唱得到而不會走音的歌。除了很有信心，否則跟喜歡的人約會，絕對不要去K房，我想。

最後我點了幾首鄭伊健、陳小春、周柏豪，我想他們的音域應該不會跟我差太多吧，而且都是很大眾化的K歌，應該不會走太多音，應該。

心如點了一些A-lin （好像是這樣串）、梁靜茹，意外的是還有一堆陳奕迅，幸好第一首歌便隨機了她選的歌，不然我就要先唱了。

「唔准笑我，我好鐘意陳奕迅！」
「點會，話你鐘意張如城就話好笑姐。」

「邊個係張如城？」她問。
「郭富城細佬囉，你無聽過咩？」

「係唔係嫁…」
「同母異父，好慘嘅家庭故事。」

她看著選歌的清單，好像有一點感概，我不知道她腦海中想著的是否我想的事。喜歡一個永遠也不會喜歡自己的人，或是那一種明明已經拼命去抓緊，但到頭來卻必須放手的感覺，好比死去活來的那一種煎熬。

「你有冇鍾意嘅人啊？」她問。
「我？我點會有啊。」我說。
「真係冇？」

「拍拖呢啲嘢，第時先諗啦。我讀書都未搞掂，啲人話入到大學好多靚女，所以我先想搞陽光補習社姐。」我說。

「咁就好啦，我諗鍾意一個自己唔應該鐘意嘅人，感覺真係會好難受。」
「種感覺係點㗎？」我其實很清楚。

「無時無刻都想佢搵自己？但係永遠都唔夠膽做主動。」她點憂鬱地說。
「原來係咁，咁我都幾肯定我冇鍾意人。」又撒謊。明明謊言是世界上最大的罪惡，為甚麼總是要對喜歡的人說謊？

前奏響起，是她點的歌。陳奕迅的《綿綿》。
「我好鐘意呢隻歌。首歌係用亦舒一篇叫《重逢》既短篇命名嫁，綿綿係女主角，成篇都係講同前度重逢既感覺。」
「你好似未有前度住。」

「你又笑我！故事入面，女主角去到28歲都無人要，但係就重新認識曾經愛過既男主角。吾...我諗可能我都會無人要。」
「你點會無人要啊？」

「唔知嫁。又可能我無28歲咁長命呢。」
「你個樣…至少50歲。」我說。

「你識睇相？」她笑著問。
「唔係啊，不過我曾經夢見你幾十年後都活得安好。」

「我都夢見過，《綿綿》會係我同一生中最愛既人既點滴。」她說。
「少女情懷總是詩，似唔似亦舒會寫既野？」我問，她沒有回應，開始唱著歌。

「♪和你也許不會再相擁
大概你的體重 會抱我造夢
從前為了不想失約 連病都不敢痛
到哪一天 才回想起 我蠢♪」

她唱歌的聲線像外表一樣甜美，只是那個一生中最愛不會是我，我當然知道。如果有一天，妳願意為我唱這樣的一首歌，我想我連天上的星星也可以為妳摘下來。

「♪和你也許不會再通宵
坐到咖啡酸了 喝也喝不掉
從前為你捨得無聊 寧願休息不要
談論連場大雨你窗台漏水 不得了♪」

如果妳告訴我，妳的窗台漏水，那麼我肯定是第一個時間想要幫妳修好。妳每一個困難，我都想解決，妳每一份傷感，都要分給我。因為世界上不會有人比我更加愛妳和珍惜妳，我很想妳知道這件事。

「♪從來未愛你 綿綿
可惜我愛懷念 尤其是代我傷心的唱片
從來未愛你 但永遠為任何人奉獻
從來沒細心數清楚 一個夏雨天
一次愉快的睡眠 斷多少髮線♪」

如果可以選擇，我大概只想永遠為妳奉獻。

多謝你！
多謝你地每位，同心如一樣都係我嘅啦啦隊

加油

留名再加速!!!!!!!!!

原來綿綿係咁命名
聽咗咁多年都唔知

Push

她只唱了首三段，侍應就敲門進來，暫停了心如美妙的歌聲，真不懂選時間...今次的工作人員都老是破壞良辰美景。

「一杯熱檸茶、一杯熱檸蜜。」
「嗯？我叫凍檸蜜喎。」心如好奇的說。

「我知啊，我頭先幫你改嫁，雯話你唔舒服，唔好飲凍飲啊！」我說。
「嘿傻仔！唔該曬。」

談笑間心如的電話突然響起，她說了不夠一分鐘就掛線了，是甚麼人呢？肯定是Jayden吧。

「吾...我有啲肚餓，出去拎嘢食先！」她放下電話對我說。對了，時間已經八時多，說起來我也有一點餓。
「我等你。」

我等你，我說。

我隨便唱了幾首歌，陳小春的《一句到尾》、鄭伊健的《動地驚天愛戀過》，然後接著是《極速》...奇怪，她還沒有回來。

「含完又再奶，龜頭損曬...」
我大叫：「不想放大只想放大被放大！！！

突然幾個人大力踢門沖進來，我整個彈起來。
「嘩！！！」

「Happy birthday to you! Happy birthday to you! Happy birthday to 鄭伊健! Happy birthday to you!」

「喂你知唔知我地幾個喺出面忍笑好辛苦...」邦說，傑笑得眼水都標出來。

「你開concert 啊伊健，做咩唔請我地啊！」琳笑得彎著身咀巴不能合攏。

「Surprise！係咪好驚喜呢？係啊邦諗嫁！」雯說。
「真係好驚...」我還是沉醉在自己的演唱會，有一點來不及反應。

「我地仲有禮物嫁。」傑說，拉著在門外的俊進來：「阿俊本來係大家既細佬，而家佢歸你，係你專屬既弟弟！」

「多謝曬喎...乜咁客氣。」我摸摸俊的頭，他笑著說：「唔好以為你生日我就唔會告發你地校園欺凌...」

「最衰都係我，今日有個地理 field trip要去，差啲唔成事，好彩我地有最佳女主角，燈！燈！燈！橙！黎心如！」琳做出歡迎的手勢，心如拿著蛋糕走出來。

「係啊！要係咁拖時間唔係咁易嫁！不過Surprise好成功！嘿，仲有演唱會聽！」她可愛的伸出舌頭說。

「我真係完全估唔到...」對了，下月頭5月3日是我的生日，我完全忘記，自己快要十七歲了。

「無論如何，多謝你地。」

「無咩論如何啊！你應該話你好開心先係！」琳生氣地說。

「快啲許願啦！壽星仔！」心如向我遞上蛋糕，蠟燭的光在紛暗的燈光下閃爍，我許了一個願。

希望我們幾個永遠也是最要好的一伙。

我吹熄蠟燭，眾人歡呼，背後的卡啦OK傳來容祖兒珊珊來遲的生日歌，我們渡過了高中裡最快樂的一晚。

（第二十六章 那麼瘋癲過那麼珍惜過 完）

發現自己又打錯左題號單雙咁重要嘅故事犯左幾次呢個錯，sorry

二十七章 預告 同詩晴展開意想不到嘅一天

甜

PISH

甜

留名

唔想令大家失望
本身寫[純愛] 就係唔想好似呃人入嚟咁，
事實呢個故事係有甜嘅情節，
不過係喺故事嘅好後期，而家仲未有住，

Live

LM 好好睇