[高中][純愛] 《如陽光伴我》 有關我和兩個女孩一隻貓的故事

多謝大家支持，呢幾日多左人留言同多左新面孔
好開心！多謝大家幫手推post 比多d人見到

起身一推

再推!!!!!!!!!!!!!

要胃痛嘅開始？！

求good ending

看台和舞台的距離

瘋狂再留名

好快有 二十九章 你將一直掛在我的心內

預告：到訪詩晴屋企

詩晴

二十九，你將一直掛在我的心內

從晴的學校回去地鐵站這段路好像比去程的時候來得短一些。

「咁而家去邊啊阿哥？」
「食啲嘢跟住補習？」
「吾...呢度附近有間吉野家...」她想了想，說。

「你除咗吉野家係咪唔食其他嘢...」我有啲無奈。
「咁不如去食壽司！呢度有間板長！」
「都好過吉野家...」我說。

我們在壽司店坐下，店員著我們用平板電腦點菜，我們各自點了一個壽司拼盤午餐。
「呢度附近有冇合適補習嘅地方？」我問。
「你屋企囉。」

「呢度附近。你唔係諗住特登搭去錦上路再搭返返嚟掛？」
「咁就我屋企啦！」她提議，我真不想她的兩句說話被旁邊的顧客聽到，我怕他們會報警。

「唔驚阻住你嫲嫲休息？」我問。
「唔會啊，呢個時間佢通常喺公園同其他婆婆吹水。」
「你又話佢病咗。」

「前排係，不過今日好返啦！」
「你成日誇大十倍...」
「嘻，我同你講咗既話，你今日點會陪我去家長日喎！」她笑著說。

「你再亂咁講大話我就唔理你。」我說。
「你唔捨得嘅！」她托着頭望着我。
「係，好唔捨得有個人成日係我耳邊講廢話。」我說，她對我做鬼臉。

食物的質素和價錢有點不成比例。我們隨便吃個午餐後，便乘著雨走去詩晴的家。詩晴住在調景嶺一個環境不錯的私人屋苑，看來即使她的爸爸失了蹤，多年來努力從海中心捕來的收獲，早就換成一塊塊磚頭，因此晴和祖母也尚能在財政上安枕無憂。

這是很多香港家庭的故事。對供樓的那個人來說，畢生的努力換來的這間屋，又是他最大的夢想嗎？

「當自己屋企得㗎啦！要唔要飲啲嘢？」她問。
「一杯水就得啦唔該。」她把水倒了給我，有一陣淡淡的檸檬香。

「你想喺房定係喺餐桌呢到補？」她問。
「呢度啦，房好似唔係幾好。」我說。

「白癡，你驚我食咗你咩！咁你等我一陣，我入房拎返啲書出嚟，順便換套衫！」她說，我無聊的坐在飯桌旁邊，四周看着。

她的家大約400呎左右，現在只有兩個人住算是足夠有餘，前廳有一個窗花，對著一望無際的大海，我開始有點能明白她的父親對於海有多執着。

至於其他的佈置，也是非常典型的私人單位設計，晴把家中打掃得一塵不染、整潔得很。傢俬看起來也非常新淨，看得出來是新買的。

加速加速

「咔嚓！」突然聽到這樣的一聲。

我回過神來，原來晴拿著即影即有相機對著我拍了張照。
「你做咩？」我有點愕然。

「影相囉！我會幫每個嚟過我屋企嘅訪客影一張相，然後貼係我間房既牆紙上面。記低同佢嘅回憶。上得我屋企都係好好好好既朋友！」她穿着在家穿的鬆身白色短tee和運動短褲。

「世界上所有既關係永遠都唔會長久。過去左之後睇返，唔會好失落咩？」我問。

「♩如過客來來回回，誰又碰上誰，似是無鳥的鳥居... ♩」她用甜美的聲線哼著，接着說：「會有少少㗎，好似明明曾經係最要好嘅朋友，但係居然可以變成完全冇嘢講嘅陌生人，仲要可能只係一瞬間嘅事，不過我明喎...人生係咁㗎啦！邊有話邊個人一定要陪住邊個人一世，如果你好想一個人永遠留喺自己身邊，你係唔係又比到佢想要嘅嘢佢？」

「更何況，無論大哥哥你再喺唔喺我既身邊，我都會一直掛住你，珍惜同你既記憶。」

「係唔係類似『最美麗長髮未留在我手，我也開心飲過酒。』既意境？」我讀出林夕的歌詞。

「我唔鍾意呢句，點解最美麗嘅就一定要係長髮，唔可以係短髮！」她說出這句話的時候，看看自己那帶啡的短髮。

「喂，啱啱張相一定好核突，如果要貼既話快啲影多張。」我說，想要把她手中的相搶過來。

「影多張緊係得啦，但係呢張相我冇話俾你喎。」她坐在旁邊，把頭貼近我，然後「咔嚓」一聲又影了一張相。

她謹慎地搖着手中的即影即有，拉着我的手說：「過嚟啦，快啲同我一齊貼上牆！」

我走進她的房間，有一陣少女的幽香。房間基本構成的顏色就只有粉紅和白色。那張牆上的照片不少，她的朋友也不是一直只有小貓三四隻。

「轉校之前我有朋友嫁！」她笑著說，像能讀心一樣。
「轉校？」

「係啊，未同你講過老竇買左樓既。以前住喺香港仔嫁，舊時好多漁民都住嗰頭。所以你睇下好多張相都係喺香港仔屋企影嫁！不過老竇退休後就搬左去調景嶺。其實唔止我啦，嫲嫲都要識過曬班朋友嫁，不過佢順利過我姐。」她自嘲。

香港仔和調景嶺的分別對我而言只是名字，我想。

今朝比較忙 sor！
多謝大家既留言
會努力

push

咁勤力

她穿着在家穿的鬆身白色短tee和運動短褲。

香港仔好過調景嶺啦，個人覺得

香港仔舊區始終人情味多啲，調景嶺好似好冰冷咁

推爆佢

繼續推

以前唔知
但而家好認同 香港仔係好有特色
tko區基本上都係商場商場商場

推正負皮就快上40

樓主比心機

「你而家班同學...點解恰你？」
「好恰掛，傻更更咁。恰人可能係開心，俾人恰真係可以無原因嫁，特別係轉校生。」她傻笑。

「你好樂觀。」
「喊住生活唔使過咩，呢一年我學識左要好珍惜我仲擁有既野。」

「對唔住，我先前唔係有心唔搵你，只係我...」我說。

「我明啊，無事啦！我對唔住就真啦，無啦啦寫信俾你發脾氣...喂！好尷尬啊！唔準再提！」她臉紅地說。

「快啲貼埋張相要補習啦！我仲有唔夠半個月要考大考啦！」竟然是由她先提出要補習。

「點解無你男朋友？」牆上清一色是女生。
「係前男友啊，佢就想上我屋企！咸濕佬！」她有點生氣。

「…多謝你。」我很感激她那完全不合邏輯的信任。
「嗯嗯？」她聽不見。
「無野。」

她把我的那張醜陋的即影即有貼在床邊的那牆壁上，然後把合照遞給我。
「你唔好唔見呢張啊！」
「哦。」

「另一張就…吾，就咁啦，我放你喺薇薇、阿糖同埋曉敏身邊，有三個靚女陪你。佢地同我由小學開始玩到中四嫁！」

她指著其他幾張照片說，晴也在她們當中，她笑得很甜，長相亦是最美。

「阿糖最癲，成日周圍跑黎跑去無時停，係一個運動建將，不過升左上中學之後就愈黎愈肥；至於曉敏…佢係中國舞公主，身體好柔軟，而且個樣好有中國風，先前都同你講過啦，我地成日為左陪佢全港18區都去過曬，不過一諗起去元朗個次就嬲啦…」

她興奮地訴說著過去的一切，可想而知這些人對她的童年來說有多重要。

「仲有薇薇，而家已經係跳繩港隊啦！至於我都唔差嫁，你唔好睇我咁瘦，小學既時候有打排球，不過大個就無啦…喂，定係你覺得我好肥！」她雀躍地說著，要遠離那個她長大的地方肯定是一樣很困難的事。

「薇薇、阿糖、曉敏仲有阿晴。」我重複著。
「喂，你唔好諗住去香港仔溝我班好姐妹喎。」

「唔會，我連香港仔係邊到都唔知道。」
「你蝦佢地，我打死你嫁會！」她扁咀。
「我點會。」
「嘻，信住你少少少少先！」

「但你肯定你想要貼我嗰張相喺間房？...我驚你發惡夢。」我說。