尋羊冒險記
2019-06-10 23:14:53
聖誕節假期前的幾天,我正好收到了在科隆一間大學的入學通知書,是千辛萬苦才找到,在德國會用英語授課的商科學位。收到通知後,便第一時間致電給心如,從電話聽起來,她的狀態有點轉差。大概是因為快要回約克的老家吧,她一直討厭那裡。
「收到學校通知,四月可以去準備入學。夏季開始讀起,有機會可以轉返香港既credit過去,如無意外兩年半左右就可以畢業啦。」
「實在係太好啦。」她說,即使從聲音感到她帶有一絲喜悅,但也只是僅此而已,疲倦的感覺蓋過了其他的一切。
「你有無事啊?」
「我ok啊。」她說。
「你有咩都可以同我講嫁。」我緊張的說。
「嗯。我知道。」
有時失意地掛線了,我不喜歡這感覺,整個聖誕的內心都隱隱作痛。
我很記得那年心如12月29日的生日,我如常的早上去補習、學德文,晚上去馬會當接線生,好像好幾十小時也沒有睡過覺了。整個人累得可以馬上倒在地上沉睡。
我要撐著、撐著,去到3月底的時候就可以離開香港,前往歐洲。已經好幾天沒有機會跟心如通電話了,就算找她,她心情應該也不會太好吧。不知道她這年的生日過怎樣呢?
這個晚上的馬會接線廳份外冷清,就算人多與少也好,對我來說都是一樣孤獨。不,心如說只要是兩個人相愛著想念著,這種感覺就不會是孤獨。
不會是孤獨。
「鈴、鈴、鈴…」
電話響起,又要重新工作了,努力向前行吧。
「喂,馬會。」我說。
「喂?」一把熟悉而且溫柔的聲音。在聽到那聲線的時候,我的淚就像決堤一樣瀉下。
「喂?」她重覆。
「…我好掛住你。」
「傻仔,我都係啊,所以我打左50次長途電話先搵到你啊。」
「點解你唔用Skype打比我?」
「傻,你要返工嘛,我知你返工好辛苦嫁...所以想比個驚喜。」她細心的說。
我聽到她這樣說,禁不住低聲抽泣著,努力的想不要讓她聽見和擔心我。
「做咩啊,傻仔,你做咩喊啊?呢幾日有野唔開心?」
「…無,唔係…」
只是太開心啊。
「我愛你啊。」她第一次這樣主動地說。
「我愛你...仲有,生日快樂。」
「嘻,多謝你。」
「要講多次我愛你先係。」
「貪心!我愛你啦。」
除夕的那晚,我們倒數了兩次。一次是香港時候,另一次是八個小時後的英國時間。我特意把鬧鐘調到早上七時多,起來跟她一起過新年。
「終於一齊踏入2014年啦。」我睡眼惺忪地說,「如果你聖誕唔想再返屋企既話,下年既聖誕、你既生日同埋除夕,我地都可以一齊過。」
「真係可以咩?」她帶疑惑的問。
「下年你都考完A-Level啦,如果唔想再用屋企人既錢,可以搬去德國同我住。我會努力搵多啲錢,一切都會係我諗既咁樣行!」
「嗯。」
「一定可以!」我說。
尋羊冒險記
2019-06-13 04:26:05
我係到!多謝大家...我好感動,但同時覺得好難過。
香港已經變到隨時會唔見左一個人都唔知咩事。
唔好意思...要大家擔心,特別係成日會刷留言自推既我消失左。
已經好似兩日無訓過教咁...好辛苦,抑鬱好似返曬黎咁。
呢幾日心力交瘁,我實在無辦法寫文,其實文係有,但我實在唔想阻住吹水台有關社會運動最重要既資訊。
就好似之前講既咁,我答應大家一定唔會放棄呢個故事。
但大家有兩樣野都唔可以放棄:
一,我地既屋企
二,你地既安全
即使touch wood我會有咩事,詩晴都有齊結局篇既原稿,佢一定會幫我貼上黎比大家睇,一定會貼完佢。堅持到底。
呢一個月,大家好似我既朋友同屋企人咁陪住我,你地驚我有事,同樣地,我唔想你地會發生咩事,總之,量力而為。唔一定要勇武,唔一定要上頭排,但嘗試同未知既人講下發生咩事,都已經係對社會好好既支持。
做自己認為正確既事,但一定要保護自己同埋身邊愛既人。
我愛大家。
保重。