[高中][純愛] 《如陽光伴我》 有關我和兩個女孩一隻貓的故事

仲有無

其實我自己都係咁諗，只係覺得咁樣好似大眾化d？但又唔想破壞故事個結構，所以就咁樣不倫不類

即到！

我著晴坐在飯桌旁的木椅子上，我則坐在她前面的地下，因為不想她走光，叫她撓起雙腳。

「嘻，變態佬懶正義。」
「係啊係啊。」我從袋中抽出一塊綿花。
「你屋企點解有包紮用既野既？」

「佢囉。百厭鬼，以前成日周圍走，而家唔敢啦！」我指著橙。
「喵～」她知我鬧她，嗲嗲的叫了一聲。

「係啦大哥哥，呢個結他就係你sing con既時候，自彈自唱比心如聽用既木結他？」她小心的研究著淺啡色的木結他。

「呢個唔係。嗰個結他…我一完左比賽，就隨手掉左。」

我用綿花沾上一些消毒火酒，然後用右手輕輕的抬起她的腿，左手拿著綿花輕輕的印在她白稚的腿上。她長得不高，腿修長，瘦得來一點也沒有不健康或營養不夠的感覺，又有一種淡淡的清香。我禁不住在幫她洗傷口時偷望了幾眼。

「…嗯。」綿花碰到傷口，晴輕輕的呻吟。
「痛？」

「嗯…不過唔緊要，我可以分散自己注意力。」詩晴稍為彈了幾下手上的結他，調了一下音。

很久沒有人彈過這結他了。
在她離開之後就沒有。
只有她一個。

「大哥哥，有無聽過小小戀歌啊！我識少少日文嫁，我彈同唱比你聽好唔好啊？」晴興奮的問。

「吾...」

「你唔想聽呢首？」她有點失落的說。
「對唔住。我唔係唔想聽，只係...」
「係唔想我彈呢個結他。」
「...」

「...嘻，唔緊要啊，我明喎！」她雖然笑著，我看到她眼帶有淚光的，不知道是因為痛，還是我說的話。

也沒有過多一會，晴就說要先走了。
「我都差唔多要走啦！要煮飯比屋企個靚女。」
「我送你？」
「唔洗啊！你好好休息啦...」

「我...」
「真係唔係啊！真係唔緊要！」
「嗯...再見。」
「再見。」

對不起。

詩晴條線唔好sad end得唔得

樓主我屌你

留名

我可以講既係，
兩條線都唔會係好sad既end
雖然我知道無人care心如

sor

詩晴好女仔嚟
開後宮我都唔介意
btw 有故睇就開心 樓主隨心寫啦~

晚上睡不了。輾轉反側的整晚都睡不了，吞了一粒醫生處方的安眠藥還是沒有用。我打開電話，晴沒有找我。這也難怪，做錯的是我，該主動道歉的也是我。我決定主動打給她。

「喂？晴？」
「唔…嗯…大哥哥？」
「係啊，你訓左？」

「嗯嗯，凌晨三點啦。」
「啊，對唔住…我唔記得左。」
「唔好再講對唔住啦。」

「我真係要道歉。」
「嗯，你係要道歉啊！」
「你唔嬲我？」

「少少啦，要罰你啊！」
「再多三個願望？」
「嘻，我無咁矛。」

「咁你想我為你做咩？」
「吾…你大獲啦！要請我食十次吉野家！」
「就係咁？」

「嗯嗯，就係咁。」
「多謝你。」
「我多謝你啊吉野家老闆！」

「夜啦，你快去訓啦。」
「我本身訓緊嫁！比個蠢材嘈醒喳！」
「對…」

「你再道歉就要食多十餐！」
「好啦好啦。唔講。」
「乖。」

「咁早抖啦，夜啦。」
「早抖…豪。」
「唔？做咩無啦啦叫我個名？」

「有個故事話，如果訓教之前有人叫自己個名，就唔怕比鬼捉左去。」
「啊…我覺得有人叫自己個名先恐怖。邊個講嫁？」
「哼！你咪理啦！」

「早抖啦…豪。」
「早抖。」

晴。
我沉沉的睡著了。

多謝支持 寫故識到一樣都係好慘既阿迷

我中意心如多過詩晴喎

心如竟然有支持者！！！
多謝

推

那天之後，我的病就漸漸好起來了。往後很長的時間，補習都在晴的家進行，因為臨近考試，亦有每星期一次變成兩次。

雖然她一直嚷着要見橙，又說要我煮飯給她吃，但我堅持不讓她花這麼多時間坐車去錦上路。大考雖說與公開試成績沒有關係，但也算是中五課程的一個總結，我說。

有時候補習完了，我也會像第一次去她家一樣留下吃飯。嫲嫲除了偶爾拿我和晴的關係開玩笑外，絲毫不會讓我覺得尷尬或者陌生。起初也是有一點難為情，後來也逐漸習慣和她們兩個一起吃飯，這種關係讓我覺得好溫馨，就好像多了兩個家人一樣，沒有血緣關係，但是比真正的親人更加親密。

倒是詩晴的爸爸真的是一直沒有回來過，甚至連電話都沒有。我還真的是有一點佩服她們兩個女的可以如此堅強而且樂觀的活着。

當然，爸爸也不一定是一種好的產物。

大考過後，進入試後活動的時間。詩晴說沒興趣參加這些東西，反而寧願蹺課，也要求繼續補習。她也終於得償所願見到她想見的「橘子」，橙與她好像比頭幾次見面的時候更加親密。

我開始有點不明白到底她們是如何和怎麼樣建立關係。大概詩晴懂得說貓語，她們兩個一定是每次見面都在說我的壞話。

然後進入暑假，我們開始會在補習以外的時間見面，她要我陪她夾公仔、逛街、看電影。

「雖然比較忙，又好似要好成熟咁樣，不過其實我都只係一個16歲嘅女仔嚟咋！」她說。

我沒有拒絕她，基本上和她在一起的時候，我也能夠感受到一些放鬆。有了新的趣味，生活好像不再只是「複製」和「貼上」，這是我幾年來都從來沒有感受過的。

七月份盛夏的季節，她向我許了第二個願。
她向我遞上一張兩個月前的學校通告。

「你睇下。」她說。
「咩嚟架？」我問。
「你睇吓先啦！」

是一張東京遊學團的通告，為期七天。七月十日開始到十六日。

「所以你嗰幾日唔可以補習？」我不解。
「所以我要許第二個願望。」

「下？」
「我想你陪我去。」她堅定地說。

「唔係幼稚園家庭活動喎。」我說。
「去遊學團啲人好多我都唔識嘅。好悶架。你都知我喺學校無咩朋友嫁啦！」

「係姐...同埋你啲節目應該安排好晒。」

「可以行開嘅啫，或者你喺目的地等我囉！七日咁長，總會有啲自由活動時間掛！」她說。

「...咁...」
「你係咪想唔遵守承諾！」

「唔係啊！」我有點緊張的說。
「機會好難得㗎，唔好諗咁多，快啲買機票！再遲啲買就貴㗎啦！」她調皮的說。

就這樣，我買了暑假前往東京的機票。

（第三十一章 來自過去的那些信物 完）

下一集再一次回到過去

今日打既文睇返我自己都唔太滿意，唉
好多野煩 頭先打左幾千字又無鬼左

聽日心如篇

加油

心如嘅出場機會仲多唔多？其實佢都好慘，遇著個未生性嘅男主角

推

好好睇

加速希望唔好sad end

我都係死阿狗

心如呢個角色太常係愛情故出現