[高中][純愛] 《如陽光伴我》 有關我和兩個女孩一隻貓的故事

自推

「夢見你喎，我驚我唔捨得起身返學喳！」她說：「你有無聽過巴黎有塊愛牆？我覺得呢個idea幾好，不過叫愛牆好俗啊！我叫我間房呢面牆叫幸福牆，牆上面全部係我既幸福。你成日問我點解可以咁樂觀，如果你有咁多幸福既話，你一定都可以好似我咁成日笑。」

「但佢地大部分都已經唔再係你身邊。」

「你要記住啊，就算唔係身邊，唔代表佢地唔存在，更加唔代表你同佢地過去既回憶係假既。無任何人可以奪走任何人既回憶，呢份回憶永遠都係只屬於你既幸福。知道嗎？」

她輕輕的按著我胸口，突然我身一陣發熱，是很久沒有過的溫暖觸感。我那一秒真的很想捉緊她的手，但又自覺這樣感覺有點奇怪，很快便打消了這個念頭。只是呆呆的看著她，她呆著的把手停在我的胸前，好像感覺到我心跳聲，除了我們的臉變得愈來愈紅之外，整個畫面仿佛像定格了一樣。

在那短短數十秒，我和晴好像進入了另外一個的世界一樣。
一個只有我們的世界。

「...蠢材…知道啦。」我打破沉默。

久違了感覺。
心跳的感覺。

「你就蠢啊，就算以前無唔緊要。而家將我地既合照好好收起，等我做你既第一份幸福。咁你以後就唔洗苦瓜咁既衰樣啊！」

「嘿，點解苦瓜個樣係衰？」
「因為同你生得似樣啊！」她笑著說。

我小心翼翼把寶麗來放進銀包，然後跟她回到廳內補習。補習差不多完結時，晴的嫲嫲回來了。我好像一個有點奇怪的存在，但也禮貌的向她點點頭，只是她好像沒有留意到。

「嫲嫲！」晴熱情的向嫲嫲叫着，然後替她拿手上的東西，說：「嫲嫲啊，我買左餸啦，你做咩又買啊！」

「唔夠食嫁晴晴，你唔係話今晚會有朋友仔喺到食飯咩？」她的嫲嫲看起來已經有80多歲，但絲毫不會讓人覺得是一個不風雅的老人。

「嫲嫲啊！」她尷尬地說。
「你有朋友嚟食飯？」我問。

「唔係呀... 係呀，唔係呀我唔記得問你，本身諗住叫你留低食餐便飯，不過如果你忙，你可以走先。」晴說。
「唔係，我冇嘢做。」

「我諗住你難得咁遠水路過嚟，同埋你上次都冇食到我煮餐飯。」她說。

就是上次橙不見了的那次，我也在那次之後對晴產生了不一樣的感覺。有很長的時間我覺得那是因為我太寂寞而產生的虛假感情，是單純的情感依賴，但剛在那一刻，我卻又確確實實的感覺到那份情的存在。

good End
happy end
好想睇男主同晴喺埋一齊
成件事好溫暖

Sweet到

點解可以咁好睇

「可以啊！咁做埋呢條數，你去煮飯？」
「唔係我去煮啊，係一齊煮！」
「我？」
「係呀你呀，唔通嫲嫲咩！」

做完最後一條數學題之後，晴著我跟她到廚房。
「整咩餸？」我問。

「鱷魚肉川貝煲豬骨湯，今朝煲落左！仲有涼瓜炆火腩啦、西蘭花炒牛肉、同埋蕃茄炒蛋！」她說：「係咪好熟口面呢，就係你上次冇食嗰啲呀！」

「對唔住啊，上次我唔係有心。」我說。
「緊你知你唔想啦，傻嫁咩，如果怪你就唔會再煮野比你食啦！」她說。

「咁我要負責做啲咩？」
「切野，牛肉苦瓜西蘭花，仲有蒜蓉同埋蔥花！牛肉要切細塊少少，老人家唔可以食咁大塊。我灼下啲蕃茄，同埋準備腌料先。」

我們各自分工，晴有點不放心的在背後看着我，我努力向她證明其實我是懂得煮飯的。

「睇你切野，你平時自己真係肯做飯嫁喎。」
「係，詠謙教我。」
「不過佢肯定冇教你浪漫。」她笑我。

我把東西切完之後，基本上都是讓她做其他準備，下鍋炒和下調味料。
自己屋企始終都自己慣啲，下次你再煮返俾我食啦，她說。一言為定，我說。

她的手勢非常熟手，左右手都靈活得很，不用三兩下手勢就把菜完全炒好，而且菜式賣相都很不錯，正如她所說，我很久沒有食這種所謂住家飯，弄得我有點垂涎欲滴的感覺。結果吃起來，味道真的跟外表一樣無懈可擊。

「好好味...」我說。
「係呀，我個孫女真係唔錯㗎。」嫲嫲說。
「嫲嫲啊！」詩晴著她住口。

「做咩喎，男朋友仔都生得幾靚仔呀。」她說，我尷尬地微笑。
「唔係男朋友呀，係補習老師！」詩晴臉都紅了。

「嫲嫲聽唔到啊，你話係寶貝呀...哦...呢啲稱呼唔使同嫲嫲講嘅，你哋後生仔留返自己啦，嘻。」她高興地笑着說，這次我也有點臉紅。

詩晴的嫲嫲很健談，也是一個歡樂的老人，開始有點明白為甚麼晴可以如此堅強的快樂生活。她很疼愛這個唯一的家人，而這個唯一的家人也非常的疼愛她。即使有多難過，要不令老人家擔心，堅強也是唯一的途徑。

只是如果有一天，再也支撐不了，我願意再把我的肩膊借給她。

「今晚打攪晒。」我們邊說邊走去地鐵站，她堅持要送我。
「傻啦，你都有幫手煮飯同埋洗碗，而且一切都係我提議嘅。」
「多謝你。」

「今日你扮我哥哥，我都欠你一個人情。」
「又唔使，上次你嬲我嗰件事無數就得。」
「咁又唔得喎，上次係上次，今次係今次，你仲要滿足我兩個願望！」她輕佻帶點蠱惑的說。
「啊...」

「係啦，有件事我未同你講。」我說。
「嗯？」

「橙返咗嚟，係我喺沖繩返香港之後嘅事。」
「下！真嫁？點解咁大件事你而家先同我講！」她很高興，然後有點裝着生氣的說。

「我同你講左嘅話，你今日一定會堅持浪費兩個鐘頭去我屋企補習。」
「咁樣又點會係浪費！嬲你呀！」她扁嘴。

我們走到地鐵站入閘機的前面。是分別的時候。
「Bye bye啦小妹妹，我哋下星期再見。」我說。
「Bye bye啦大哥哥，你記住要WhatsApp我嫁！」
「知啦長氣...」

「喂，點都好...有咩即刻搵我。」
嗯嗯，她甜笑著點頭。

我掐了一下她的臉蛋，轉身想要走向月台，卻又忍不著想回頭看一下她，她揮著手，跟我暫別。

這一晚，我真的很想把晴掛上我的幸福牆。
如果那面牆真的存在的話。如果我還能愛的話。

（第二十九章 你將一直掛在我的心內 完）

多謝大家琴日同埋過去每日既支持你地喜歡我寫既情節，我都會努力寫落去同埋改進落去！
請大家唔好吝嗇大家推post既能力
請大家有任何意見都可以寫低

結局係同邊個一齊 或者一唔一齊我唔可以講嫁但我答應一定會係一個最合晴合如既結局！

摩牙

好甜

LM

加速!!!!!!!!!!!!

推啊啊啊啊

pish

pish！！

我起身啦

一陣好快就有三十章
心如篇：期盼有天跟你再一起

雖然知道大家已經完全咁迷戀詩晴
但要有埋心如先係整個完整既故事希望大家耐心睇埋心如篇

Push

等收工+等出文

三十，期盼有天跟你再一起

學年的最後一個上課月，大家都在因大考而努力。回想起來那些因為校內考試而牽動的情緒是有點不切實際，反正那些成績分數多好多壞也是完全沒相幹。

就算你在高中每個測驗都是全級第一，只要你在公開試的那天得了腸胃炎、又或者在前一晚失眠至凌晨四點，三年來的努力，統統也不過是泡影。

在準備這次期末考試的期間，我總是不能集中。每次電話響起，我也奢望和懇求是心如的短訊。當然，其實她本來就很少做主動。這種單方面的關係，真的很累人。

我仍是有偷看她的instagram，有時候她還是會像從前一樣偷偷凌晨更新，內容都是模糊不清、撲朔迷離，但大多都是她隱隱作痛的近況。

她從來沒有說過和教練Jayden的關係，又或者他們根本就沒有關係，但是我不敢問，也不敢想像知道結果後自己的感受。當然，就算沒關係都好，也不等於我和她就會有普通朋友之上的發展。這種事，最好停留在薛丁格的貓的階段，永遠不打開，永遠都不用知道殘酷的現實。

六月第二個星期四，最後一個上課天。

陽光補習社如常運作，琳分別WhatsApp我們，說想我們六個原成員可以在這學年最後的集會露露臉。我明白她的好意，大概想傑和邦可以見個面，好好談談。也想我有機會可以跟心如再說一些話。

自從俊他們順利接手主要事務之後，我基本上都沒有去過陽光補習社，大本營也搬了去5D班。放學後我拉着正要走的傑。

「喂，琳話今日想見面喎。」
「唔啦，我唔得閒。約咗班friend踢波。」傑說。
「我哋唔係friend咩？」
「…我都唔知。」他說罷便急步下了樓梯。
「...」

我走到5D班班房，很多學會的會員在認真的討論功課，琳正在畫黑板，她想好好裝飾一下這個中五最後的派對。

「喂。」我說。
「師兄！傑哥呢？」她期待的問。
我搖搖頭。

「唉，你哋男仔有時仲麻煩過我哋啲女仔呀！有咩都收埋收埋，粒聲唔出就走左去。」她生氣地說，好像連我也一併在鬧，俊在旁邊奸笑著。

邦和雯也隨後來到。
「琳琳豬！」雯說。
「你啦，掛住拍拖。重色輕友就係你呢啲！」琳說。

「對唔住啦，錫返你！」
「唔要啊，錫過臭口邦既。」雯作勢親過去，琳笑著掩著她的口。

「估唔到你個冇用鬼都搞到學會有聲有色喎！」邦對俊說。
「駛乜講，我唔會丟你地架既。」俊得戚的說。