Q:最多可以幾多人一齊打?
A: 兩個
Q:神社啲綠色生物點稱呼?
A:KERORO
By 暴走梳乎厘
Q:搵KERORO有咩用
A:每次拜神d藥佢至比一個下限數你
初頭係三個
即係你上次用哂d藥死左
出返黎佢會比個你 呢個下限數有得加
上網話每搵到5隻keroro加一個
忍者技都好似有得加
By病蜘蛛
Q:幾時應該換武器?
A:攻擊系數有更高的就換
升盡熟練度會有武技點
所以唔建議用死一把
武器唔同防裝, 防裝個效果靚的話, 差10防都唔太大分別
武器的效果再靚, 都唔及高1x~20攻的
By btw=between
Q:第一章怨靈鬼(鐵波佬) 點打呀
A:ph1:你係正面望佢佢會用鐵球正面打你(通常)
所以要係佢前面引佢用鐵球打
你一係佢背就向後閃兩下 唔係佢就會轉身打你/360轉
ph2:掉鐵球睇準左右閃就得 你知佢去執球個以打佢一兩下既
但唔好太貪
佢細跳打佢一下會轉身
佢大跳訓係地下就打多幾下(佢無端端轉身360就係大跳)
係佢常勢圈入面打小心好易無氣 常勢拔除到就拔
拔唔到拉佢走開個圈都ok
By叛逆的斯奧
Q:飛妖女點打?
A:我用太刀中段打既 我都係斬兩刀兩擊脫離type 。
打之前裝定麻針,俾人定到會俾佢連,變數大好多,所以一俾人定身就要即刻禁麻針
俾啲小小距離打,俾番2,3個身位,唔好真係貼臉打,可能會反應唔到
地上時:
佢將翼收埋=放麻醉波,佢會叫「woo!哇」 woo完左/右閃就得,但我怕佢會出之後啲技我唔會上去打
佢行過黎=有可能出踢擊/傘擊/放麻醉波,踢擊一定兩下起,有可能追加多下cut down,到時補刀就得。 傘擊好似固定兩下,到時都係補刀。
佢跑過黎=佢鳩轉,轉完會出常世,中左有可能麻醉,呢招我閃唔到,因為難閃 我自己保持2,3個身位就係咁解 所以佢跑過黎果陣㩒擋,擋晒兩下跟手斬兩刀。有時間既話殘心埋搞走個常世去
飛起:
得三招。拉得太遠佢會追你
固定放波先,都係同上面一樣閃法。
跟手會放針,固定射兩次。射完有可能追加多下波
完左上面兩招之後會衝落黎,呢招真係睇你想點打。
想補刀:放完針之後跑去佢前方大遠距離,佢衝既距離好似係固定,到差唔多衝到你身邊閃一閃就可以,跟住補刀。
安全唔想受傷害:企係佢正下方,唔做任何野都唔會有傷害。
Stage2會多招吸血,攬住你跟住吸。但保持2,3個身位佢唔會吸到,除非你向前行啦
希望個打法幫到巴打你,我呢個只係自己打法,應該好多缺點。 祝你早啲破關
By伐木工
Q:雷狗點打呀?
A:打雷狗其實有個我自己覺好狗既打法 ,如果你係講緊第三關果隻既話 ,因為無打好多。我 全程都係斬兩刀走。我用既係太刀中段。
一入場你唔好衝去佢到打,佢會放雷打落自己到。
佢向上天叫:有4道雷打落你到,唔洗每下都閃,4下都係跑走就得,跑到第三道雷打完就陣你要差唔多係雷狗旁邊,係佢旁邊斬兩刀,跟住碌走。因為佢有可能跟手打兩巴/360轉,都係好痛既。
前面180度噴雷:佢永遠都係由佢既左邊噴到右邊,所以打果陣都盡量企係佢既右手邊 佢射雷果陣係唔會斷招,你跑到佢隻爪旁邊斬兩刀跟住走就得,因為佢有可能再接360度轉/打兩巴。
佢自己碌走: 都係跑就得。記得佢出呢招唔好追佢打,因為佢碌完跟手會有雷打落佢碌過既地方。
佢衝過黎跟住仆街:落手斬 斬佢老母 佢仆街仲唔斬等幾時斬
打你兩巴:佢第二巴會有小小delay,最好唔好食呢招,因為中左第一巴好大機會打埋你第二巴,如果你中左第二巴佢都會有機率接碌碌碌。加上我反應慢,難避。 所以我都係保持一段距離打,同埋睇下係咪出上邊講既招
我聽人講話會有一招係打雷落自己到,但我未遇過。可能我唔係太長時間近身打。希望有巴打講番呢招點破
By伐木工