香港成個教師制度 都崎型

唔好講笑，愈電子化只會產生更多行政工作。
以前無電腦果障會唔會叫你分析TSA數據來回饋教學?根本計都計唔到
以前無電腦使唔使大小會議都TAKE 會議紀錄?
以前無電腦使唔使管理咁多校產要整哂BARCODE?
以前無電腦使唔使覆家長同老細WHATAPPS?
以前無電腦，老師大條道理一份NOTES用20年，而家?一班你都要整3份唔同能力!

補充少少
70 80年代窮人讀書其實大多數一樣係讀唔成書
所謂既學校只係用嚟等班細路唔好做街童入黑社會

同而家唔讀少少書根本生存唔倒係唔同既

d 老屎忽整走晒d 新人
剩翻變晒做教畜

大家得閒睇下信報程介明講野，香港教育係國際上係好有名(正面)。校本管理雖然對老師黎講係苦不堪言，但校政下放再加收生問題迫使學校不斷探索出路，競爭一D都唔細，效果上做到唔少學校百花齊放，出左唔少特色學校。當然，咩制度都有唔好既地方，但有時真係唔好太過妄自菲薄。

好多香港人硬係中意鬥慘
你覺得自己好慘呀？人地仲慘啦又乜又物
你自己食緊屎唔反抗唔爭取
人地爭取自己既權益就踩人地

有返咁上下年紀既人，只要對比下80~90年代未有校本管理時教師既工作量同而家比，唔太可能得出而家既老師係OVERPAID既言論。
當然，你都可以話80~90年代係超級OVERPAID

以前既學校躂都聽教育署，除左教書係唔使自己諗野，亦無收生問題，所以D阿SIR可以3點同學生一齊放工。有心既就留係學校同學生打波搞關係。但學生除左課外活動同讀書之外亦無好多而家有既OLE。
而家咩野STEM、境外遊、生涯規劃、工作體驗、電子學習，呢D係以前完全無既野，係邊個搞?咪就係成日比人話係教畜既老師LAW

中學其實好多SGM位
https://www.legco.gov.hk/yr18-19/chinese/panels/ed/papers/ed20181102cb4-143-1-c.pdf

覺得好做又高人工既 建議即刻入行

有D科得兩個老師既就唔好講主任唔主任啦
起碼都有三五個低grade過自己先叫主任都好正常呀
小學就真係少佐D

最恐怖係女權加教畜老女人

係教師心入面
改善教育=加教師人工
林鄭五十億=加教師人手
成功全面學位化
下一步就話行政原因要加中層
再下一步就話中學老師辛苦啲要加中學老師人工
跟住班小學老師就話同工唔同酬要再加
無限loop

好似有D小學APSM都當係主任級

如果私校無政府資助我話之佢十萬起薪
我寧願交稅去填海好過
起碼幾十年後有得住

好盤其實都專業
我放你入地盤
你就識睇圖 識落手做？
唔洗你撘棚啦 綁棚點綁你又識唔識？
泥水又識唔識溝 份量比例唔同情況又唔同
真係咁易 入去做就2000一日咩
係咁易就唔會有學徒 中工 大工啦

其實50億一方面係政府為財政預算泄洪，另一方面真係收買教育界，為將來全面赤化鋪路。
問題係，政府錢亦係市民錢，佢比教育界難道教育界唔要嗎?大家明知唔要，都係倒落咸水海(果陣仲未有明日大嶼)
當然，正面D來講可以話係為教改呢個大改革既遲來補償。

都係果句，教育又好，社會福利又好，唔係剩睇表面成本，如果唔係就只會睇到虧蝕。任何社福政策，一定係承擔左某些社會功能，從而減低左社會既成本。
比如說董建華年代大力推行既副學士一直被認為係失敗既政策，但係佢有一個非教育方面既政策效果，就係減低金融風暴及後來的SARS等經濟困境下的青少年失業率。如果任由青少年失業率上升，係會出現好多社會問題(例如黑社會、青少年吸毒、童黨ETC)，隨時要用更多錢來補救

其實老師呢行係正到不行，假期多，學生考試又大安旨意唔洗做。老老實實，呻工作量大通常係FG，因為佢地冇經驗，好多時候浪費時間做無謂野。亦因為呢行老鬼唔會帶新人，所以有好多新人五六年都唔懂精益求精，不斷重覆第一年經驗。

講真你FG又係叫GM，教左十年又係叫GM，成個制度冇層次，舊人唔會輕易指點。我做IT的，出成績表/負責自評/校網/SAMS/通告，其實一d都唔忙，只不過大家老師習慣各師各法，唔追求有效率。

好似新人話我點解改數改得咁快，其實考試局有哂唔同level的答卷sample，marking 比大家下載，只要你研究過，見到一題就會立刻知道一題改咩位。日積月累，有幾難，都唔明影壘薄上IG叫乜春，半個鐘起好貨啦，細佬。

講咁多理想野無用
我都讀過大學，仲要讀社科
而家做幾年野就知理想無用，錢最實際

我見到既就係早七八年難搵教席所以入pgde 好易
而家個個都知教席易搵人工高
個challenge 位去左入pgde 度

講咁多社會價值無意思
爲自己打算最緊
早四五年個個黃絲帶瞓哂街
到而家咪又係貪人工高走去考警察

同意如果教得耐又唔升中層，真係可以HEA。不過亦有可能出現林老師事件，上層為左推動校政/個人野心，係唔會留手咁郁D舊人。
改數學同改語文科既工作量係完全唔同，特別係中學，你講果套未必WORK。

其實睇返香港自殺紀錄個post
日日咁多人自殺
點解林老師要搞咁大件事
有啲老師仲要話要開死因庭
佢哋知唔知死因庭嘅功能係咩？
開庭要幾錢？
做老師條命值錢啲？