杜汶澤串鳩程美段

原來是因Kiwi向記者表示，1月23日參與《為何深夜總是餓》的拍攝，合共9千元騷錢，直至周五（4月26日）也尚未收到。及後記者向阿澤求證時，阿澤卻表示該筆款項已經過數，只是沒有通知她，才讓她誤會阿澤尚出糧。
From hk01

呢壇嘢唔好入港獨派，呢排因為韓國瑜已經反哂面 睇杜生嗰啲觀眾留言，佢地嘅口吻似仇斯達班益友多啲喎

好似係遲左出糧？本來應該4號出 點知變到24號先過數比隻雞？
https://www.facebook.com/100007898138695/posts/2282732995333283?s=100000179235025&v=i&sfns=xmwa

隻雞facebook有timeline睇

放低一句先
呢D唔叫拖糧，係遲找數 (應該唔係僱傭關係)
杜生係唔岩既，但係條女搵記者真係純為搞事
freelance presenter幾千蚊一集差唔多啦

遲左成半個月先入比人

諗唔撚明隻雞佢有杜文澤電話 收唔到錢係咪應該直接問杜文澤 而唔係問佢條o靚

杜生係連登真係唔屌得

佢話係所有集數喎，定所有集數係指一集？

因為一路係佢條o靚負責呢啲嘢囉

佢同Dr.Protein(馮盈盈)可謂瑜亮一時

係遲出糧就遲出糧啦
做乜撚野咁大條道理好似條女錯
事實就係事實
杜狗咁撚講言論自由
依家小小野就咁撚小氣

唔知有乜好撐
人地問左咁撚多次都冇覆
同d判頭拖糧一鳩樣

開頭睇貝依霖係對波，不過佢係有腦既，同阿澤都有chemistry
反而肥雪有時唔係好對到嘴，個氣氛有d怪

就杜汶澤先生Facebook疑問一事，我都想解釋一個清楚，當中我可能有處理不當，所世上所有事，都離唔開「人之常情」四個字。

以下係事件嘅Timeline

2019年1月22號，我到LateShow進行所有集數拍攝

2019年4月4號，第一次whatspp一直同我聯絡嘅豪仔，查詢有關payment嘅update

對方〈豪仔〉一直無應機。

2019年4月6號，我再追問一次

對方〈豪仔〉維持無應機。

直到2019年4月10號，豪仔回覆口訊，內容大概：10號當日會開票俾我，想拎我銀行抬頭。

我4月10日已俾所有資料

2019年4月14日，我離開香港前再問一次豪仔，但無回覆。

期間記者電話向我update最近工作狀態，我將最近動向，嚟緊會有乜嘢計劃，連同現在手上幾間有做嘢但仲未出到糧，回覆又慢嘅工作都有向記者交代。

因為由4月4號開始，我向豪仔查詢嘅所有事，都只係得到一次回覆，僅有嘅一次。

豪仔係LateShow重員，忙碌係人之常情。工作太多，有時揀whatsapp去覆都係人之常情。
但我都係一個要不斷接Job去生活嘅小藝人，如果長達兩個星期入面嘅查詢只係得到一次回覆，焦慮都係一個人之常情。

故事繼續，

今日見到杜生Facebook對我嘅留言，然後同時收到豪仔whatsapp回覆。回覆入面有入數紙嘅相，我見到個日子，係2019年4月4號入數，再睇返杜生指4號已入數，我立即睇返自己銀行紀錄，筆錢係4月24號到帳。

但我見入數紙上日期，怕中間有咩差錯，所以再一次求証豪仔入數日期，豪仔回覆入數時間係4月24號。而入數字上面個2字唔知點解顯示唔到，所以有錯覺係4號。

所以成個Timeline就係：

4月4號，到15號所有對payment嘅查問只有一次回覆。

4月中，我離開香港。

4月24號，LateShow出糧俾我〈豪仔無通知，我亦無check〉

4月26號，我向記者交代所有近況，包括所有仲未收到錢嘅工作。

4月27號，杜生Facebook發文表示入左數俾我，記者轉述杜生話4號已經入數俾我〈如圖6〉，但我戶口係顯示24號先到數〈如圖5〉

交代完畢

最後回應杜生話，我有佢電話一事。一直同我聯絡嘅係豪仔，我諗唔到原因要直接搵杜生去講，就如之前所講，我向記者所交代嘅近況係包括所有動向，呢一次嘅事只係屬於其中之一，我無必要刻意唔講，由一月到今日已三個月我亦無刻意張揚。

就好似杜生以為4號就已經入左數俾我，但其實我24號先收到，世界上所有嘅事都可以辯白，如果係我錯，我可以向任何人道歉。

------------------------我是分隔線--------------------------

寫到呢度，見到杜生回應蘋果嘅新聞，
喺呢篇報導入面，杜生都有透露之前有意簽我做佢旗下，但我婉拒咗。
如果我要用杜生搏見報，以佢當紅程度，
佢想簽我呢類係人都可以一腳踩死嘅小藝人，呢單大嘢就唔會係由杜生自己向蘋果記者講，而係我周圍同人講嚟自抬身價。

藝人同記者嘅關係，杜生應該比我更清楚。如果我等足三個月都未收到錢，仲長期比對方已讀不回，咁都叫搏見報，咁我程美段道歉，係我多口向記者講，抱歉，對唔住。

至於我前經理人陳生，杜生可以先去睇睇佢份CV，再去認真考慮佢所講嘅說話。因為喺記者問完佢料後，佢都有msg我，但轉頭自己又del咗。〈如圖7,8〉

交代到呢度為止，所有記者我都唔會私下回覆，以我Facebook平台嘅回應作實。

即係杜生講大話啦

咪係，駛差你9000蚊，啊澤呢d 大生意嚟

係鬼拖糧
成班閱讀理解係唔係攞2
徐偉強係話啲手足出完糧冇通知到人啊

你公司遲左幾日出糧，你係咪唔會問下公司咩事，直接搵勞記？ on9

呢鋪好明顯係杜汶澤唔啱喎 仲咁多人撐佢?
你地老細遲出糧比你幾日都打上去勞工處啦屌

去勞工署都正常
搵記者真係