［喪屍/人性/有甜］- 屍•家•馬鞍山 9（不定時更新）

快啲殺撚左阿聰佢

Vicky係咪老強嗰次之後就冇俾主角扑過？

Chapter 590 - Dickson 的位置

「阿 Roy... Roy 哥...」我越來越覺得他的聲音令人作嘔，「依家出去，係咪肯定安全㗎？」

「我哋而家就出去，如何你唔鐘意跟住，你大可以自己留喺架車入面...」我不耐煩地答道。

「良哥，係咪行得？」我回頭向良哥示意。

「等陣...」良哥在座位旁掏出一把手槍，「雖然你未必用得著，不過橫掂有多，當做傍吓身啦...」

「多謝...」我向他道謝並接過手槍後，便轉身推門而出。

再次踏足這個地方，感覺卻有點奇怪。

四周仍躺著一具又一具的死體，但前一天圍在附近張牙舞爪的喪屍群，卻全部都消聲匿跡。

既然確認安全，我便放心往海邊走去。

「良哥，你過嚟睇吓...」我蹲伏在草叢邊，然後著良哥查看海面上的情景，「你點睇？」

「如果真係好似 Clara 姐咁講，Dickson 住咗喺遊艇上面，呢隻艇仔應該係佢哋用嚟代步嘅...」良哥分析道。

「照咁睇，Dickson 佢哋應該離開咗隻遊艇喎...」我說道，「唔通佢見啲喪屍走曬，就上返嚟搵我哋？」

「都有咁嘅可能...」阿良回應道，「上船睇吓咪知囉～」

「咪住先～」我把正要動身的良哥叫住，「但係如果佢哋啱啱先行出去，我哋應該好快追倒...」

「我睇未必...」良哥胸有成竹地答道，「佢哋至少揸走咗兩部車...」

我正要進一步詢問，他卻已經快一步答道，「我之前上岸時有留意到... 而家嗰邊有兩架車唔見咗...」他用手向我示意著。

真的，服了他們...

「不如咁，我哋快快趣趣過去望望，冇嘢就通知 Clara 姐繼續行？」良哥提議著。

「Okay... 出發！」我一馬當先，衝往小艇的方向。

「Roy 哥，等埋我！」阿聰亦立刻緊跟著。

「哼！你唔係話驚嘅咩？」我也差不多把他忘記，「快啲啦！」

轉眼間，我們已經登上了小艇，慢慢地往遊艇進發。

我們小心翼翼地登上遊艇，然後往四周搜索。

「你哋有冇發現？」搜尋了一輪，也沒有發現任何人的影蹤。

「冇... 不過睇嚟，佢哋真係走咗冇幾耐...」阿良打量著船艙說道。

「咁我哋即刻去搵佢哋啦！」我比較擔心 Carey 的情況。

「好！不過我哋返去同 Clara 姐講聲先，睇吓佢有咩部署...」良哥答道。

我沒有反對，因為我相信，Clara 應該有方法得知 Dickson 的去向。

我們回到陸上，Clara 跟其他人已經早在那裏等待。

「點呀？冇發現呀？」Clara 向剛上岸的我們問道。

良哥隨即向她報告剛才的情況。

而那過膽小鬼阿聰，卻已經好像在死裡逃生一樣，撲過去 Vicky 那兒尋求慰藉。

「阿 Roy，你點睇？」想不到 Clara 竟也詢問起我的意見來，「你覺得 Dickson 會走去邊？」

「嗯... 呢度可以揀嘅選擇唔多，既然佢哋冇去大網仔嗰邊，咁一係就去咗馬鞍山，一係就過去西貢市附近...」我分析道。

「嗯... 不過佢應該會同我哋會合先，唔會咁快離開西貢住...」Clara 答道。

「但係西貢話大唔大，話細唔細，要搵幾個周圍匿嘅人，應該唔係咁易...」因為我心裡覺得，Dickson 好像不會主動跟我們會合。

「阿 Roy，你快啲睇吓嗰邊！」Aki 突然拍著我的肩膀叫道，「好大煙...」

「嗰邊係市中心方向...」Clara 觀察後說道，「應該有事發生咗...」

「會唔會係 Dickson 佢哋？」我提問道，「有可能佢哋用啲煙做訊號...」

「唔...」Clara 卻搖頭道，「佢哋應該唔會咁張揚，去暴露自己嘅位置...」

可是，我卻不是這樣想。

「不過既然呢度搵唔倒 Dickson，我哋去市中心睇吓都好嘅...」Clara 深思後說道。

「咁好啦！我哋照頭先咁分兩部車出發！」Clara 續說，「不過，今次就由我去打頭陣...」

「阿良，一陣記住跟喺我哋後面...」她向良哥命令道，「千祈，唔好跟甩...」

個故太撚長
睇過第一第二個po
都唔知點撚樣追
長到唔想睇

push

長都唔係問題
探險->有新女->屌女->唔見左d女->搵女呢個loop太多

老豆幾時再出場

其實樓主可唔可以講下仲有幾耐完

係

仲有carey三個夠數

第一批讀者

Chapter 591 - 良哥的忠誠

一股強烈的不安感，突然從內心深處湧出。

但，現在我也無法說出是什麼。

車子亦隨即出發，良哥亦跟從着 Clara 的指示，把車緊貼在她們後面。

「良哥，其實你有冇覺得 Clara 好 mean 呀？」我打探道。

「點解你會咁諗？」良哥反問道。

「冇... 我見佢對你嘅要求好高，成日呼呼喝喝...」我答道。

「我完全唔覺得喎！」良哥認真地答道，「佢都係為我哋好...」

「事實證明，唔聽佢講就命都冇埋...」很明顯，他所說的事光哥的遭遇。

「但係... 佢都唔洗咁嘅態度㗎～」我還是替他不值，「你又點肯定佢嘅決定係啱？又或者，佢自己嘅私心呢？」

「點都好啦！我淨係知道自己應該相信，同執行上級嘅命令...」良哥自信地答道，「我哋知道嘅，只係成個大局嘅一少部分...」

「所以我哋根本冇資格同理由，去質疑上級嘅決定！」他的表情十分堅決，完全沒有露出絲毫的動搖。

車廂內，又再次沈寂了起來...

「不過...」良哥面向著前面說，「點解你會覺得 Clara 姐有私心？」

果然，他意會到我言下之意。

「嗯... 應該點講呢？」其實，我有意令他作出提問，讓我得以進一步試探，「如果... 我話如果 Clara 佢唔再忠於你個組織，你仲願唔願意幫佢？」

「冇可能！」良哥斬釘截鐵地答道，「我哋每個人都宣過誓會絕對效忠，絕對唔會存在任何背叛！」

他的表情，又再認真了起來。

「但係如果要答你嗰個假設性問題...」他細想了一下後回應，「我可以答你，我哋宣誓效忠嘅係國家，係組織，唔係任何一個人...」

他的回應，簡單而直接。

若然昨晚 Clara 開的不是玩笑，那即是代表她一旦幫我自立門戶，良哥他們並不會支持。

「唧...」車子突然跟隨前車急速停下，差點令我撞到前面的擋風玻璃上。

「嘩！咩... 咩事呀？」我摸著頭說道。

良哥沒有哼聲，只是注視著遠處。

「砰砰砰砰...」隔著車窗，我也能聽到密集的槍聲。

「阿良！」Clara 從前車伸出頭來，指示良哥駛往另一方向。

車子再次移動，這才令我看得到，眼前發生著的事情。

「嘩... 咁多... 咁多喪屍嘅？」久未發聲的阿聰，突然大叫了出來。

放眼望去，那些發了狂的喪屍，正鋪天蓋地般的，往運動場作出猛烈攻擊。

而運動場附近有著數輛正焚燒著的汽車，使現場濃煙密佈。

「喂！良哥你做咩呀？」阿聰再次大叫，因為車子正出乎預料的，往喪屍群的方向駛去。

我沒有打算阻止，因為我知道這是 Clara 的指示。

怎樣說，由我們打頭陣的風險，遠比她們來得少。

只是，我攪不清楚為何 Clara 想要踏進這淌渾水之中。

「Roy 哥，佢要衝埋啲喪屍度呀！你仲唔阻止佢！」說罷，他已經伸出手臂要把良哥的脖子勒住。

「嗚...」良哥只是強忍著，卻繼續專注駕駛。

「放手！」說話的同時，我已經把槍口指在阿聰的太陽穴上。

「Roy 哥...」阿聰只能報以驚訝的神情，但手臂已經明顯放鬆。

「即刻放手！」我喝罵著，阿聰只能放手跌坐在座位上。

「阿 Roy，捉穩！」良哥大叫道，我便立刻重新坐好，手裡緊握著頭頂上的把手。

「呼...」車子不斷加速往喪屍群衝去，直至跟第一隻喪屍碰上。

「碰、嘭...」數之不盡的喪屍被撞飛，也有一些被拋撞到擋風玻璃上，為玻璃造成了一道又一道的裂痕。

「唧～～～」撞上的喪屍越來越多，車輪亦終於被地上的死體卡住而空轉。

「鏘～～～」事不湊巧，擋風玻璃亦被喪屍撞碎。

「阿 Roy、阿聰、即刻出去！」良哥一聲令下，我們亦毫不猶豫地開門離開車箱。

「吼...」背靠在私家車旁的三人，頓時成了成千上萬喪屍的目標...

明白，不過個故嘅結果未必如大家預期。
已經開始鋪排結局的走向，但我不想匆匆收尾，所以還是需要一點時間才完結。

其實我都係由開始追到現在的讀者，開頭間中俾D甜我覺得唔錯，但都後來開始越來越重甜，原本的迷團越來越多，出的女角(主要俾主角)多到唔記得，其實若可以主要講番多些個主線，收窄番出場角色，我估會更加好……純個人意見，不要介意，當中若有不對請諒。

樓豬加油
好多人想睇結局

點都支持您既 只係有啲位loop太多
都好多謝您個故陪左大家咁耐
加油

辛苦樓主篇故陪伴左我好多朝早既番工車程

點都會支持到結局

支持

加油

樓主加油 我由大學睇到出黎做野都仲追緊
Ps: 2016年 第一批讀者

個故2017先開始