[喪屍/人性/有甜]- 屍•家•馬鞍山 9(不定時更新)

1001 回覆
59 Like 10 Dislike
2019-11-12 10:23:57
唔好再出女女女劇情得唔得
同埋男豬唔係咁都走去救佢啊
拿拿林殺撚哂佢全家搵返vicky打主線好過啦
2019-11-12 13:34:26
做乜野?
2019-11-12 16:11:12
食完人肉應該恢復能力
2019-11-16 16:47:55
2019-11-16 18:53:27
Chapter 639 - 與阿賢的談判

巧兒猶豫了一會,最後還是把縛著我的手解開。

我遵守承諾,走到男人的身邊查看。

只見他不斷抽搐,呼吸正變得越來越艱難。

「我諗,佢應該插穿咗個肺...」我用自己謹有的常識答道,「不過而家冇醫院...」

「樓下有過急救箱,應該可以幫倒手...」巧兒二話不說,已經跑到二樓裡去。

我看到那奄奄一息的男人,內心有點掙扎。

「救... 救我...」男人輕聲向我叫道。

可是,我卻有另一個想法。

更何況男人在我身上做成的傷勢,到現在仍令我感到異常痛楚。

於是我把男人的身軀稍稍扶起,嘗試進一步觀察他的傷勢。

那把剪刀正正插進了他左邊背部,雖然好像遍離主要器官,但刀鋒陷入得頗深,故鮮血仍在不斷地流出。

但這好像不足以致他於死地,於是我伸手往剪刀柄伸去,準備施以致命一擊。

「我知... 你想... 殺我...」男人喘著氣的說道,「不如... 你... 放我一馬... 好冇?」

我看到眼前的兩個女伴,覺得根本就沒有妥協的餘地。

「好... 我幫你抆返把鉸剪出嚟先吖...」我假裝把危險拔除,其實是好讓我再進一步將傷勢加深。

「咪住...」豈料他反手把我捉住,「我知你... 想點...」

「不如... 你聽吓... 我... 個提議... 先吖...」他輕聲跟我說。

我覺得他應該沒有什麼好提議,但我也儘管聽聽他有什麼要求。

「咁你講吖...」我作出提問。

「我... 唔知... 你哋想去邊...」他吃力地說道,「不過... 如果... 要你哋一齊走... 唔係咁易...」

「咁又點?」我想知道他的底牌。

「我有部貨車...」他再說道,「出面咁多... 怪物... 有車... 先出倒去...」

他說得不無道理,但這也不足以令我放他一馬。

「我仲有... 一樣嘢... 可以幫倒手...」他見我的興趣不大,便再加緊游說,「你都見過我... 我套戰術... 盔甲... 我仲有多一件...」

「你哋冒險上嚟... 都係想偷啫...」他繼續努力説著,「我... 可以比套你...」

「不過... 如果我死咗... 你一定冇可能... 開倒部車... 同搵倒副甲...」

他的眼神十分堅定,看來充滿著信心。

「好!不過我就算應承,都未必救倒你...」我把事實道出,「同埋... 我點知你會唔會反口?」

「哈哈!你同我講呢啲...」他竟然嘲笑道,「睇你比我... 打到咁... 都咁快行得走得...」

「你一定唔係... 普通人...」

他一言驚醒夢中人,為何我的身體,會像之前一樣的那麼容易復原?

難道,我的力量有所消失,但身體的復原能力仍在嗎?

「我唔係好明你講乜...」我沒有打算承認。

「嘿嘿!你唔... 唔使扮嘢喇!」他笑說道,「冇幾耐之前... 我先見倒一個... 同你好似樣嘅人...」

「我頭先仲以為我... 又見返嗰個人添...」他打量著我說道,「不過,見你冇咁好揪...」

跟我的樣貌一樣?

該不會是?

「我睇住佢... 喺啲喪屍群入面... 來去自如...」他補充,「比嘢咬都冇 L 事...」

「所以你咁 L 捱得... 會唔會係... 佢兄弟呀?」他質疑道。

「哈哈!你咁講, 會唔會太天方夜譚呀?」我努力否認。

「嘿嘿... 我嗰日見倒佢... 都唔係好相信自己對眼... 不過... 你見過就會信...」他答道。

若他真的遇見過 Keith,Keith 的行蹤便是我十分關注的地方。

「咁... 你喺邊度見到佢?」我問道。

「見你咁有興趣... 睇嚟我應該... 估 L 中咗...」他自信地答道。

「佢係... 你細佬?」他反問道,「不過佢咁 L 好揪... 點解嗰大佬反而...」

「你講夠未?」我有點不悅,「你答得我個問題未?」

「嘿嘿!想我講呀?咁唔洗我教你點做啦!」他示意我幫忙,去救治他的傷勢。
2019-11-16 22:01:08
推推推
2019-11-16 22:11:19
屌,食番舊人肉先啦
2019-11-17 01:22:09
講咁耐都唔去睇睇泫雅
2019-11-19 09:16:57
Chapter 640 - 救助阿賢

我對他的脅迫深感不快,心裡亦忐忑不安,只好衡量著利害。

雖然我大概估計到 Keith 的目的地在哪,但他一直生死未卜,令我想儘早知道他的行蹤。

「好... 你要我點幫你?」我下定決心。

「唔得呀!你諗住放過佢?」豈料,泫雅突然衝了過來,「我要殺咗佢!」

她表現得十分激動,令我不得不趨前把她阻止。

「放開我!唔好阻住我!」泫雅歇斯底里般大叫著。

我立刻把泫雅的雙手捉緊,以防她進一步攻擊他。

而此刻的 Carey,亦已經復原並走了過來。

「Carey 幫幫我,帶返泫雅落樓下先...」我向 Carey 請求道。

Carey 猶豫了一下,便走到了泫雅的身旁。

「泫雅姐,不如...」Carey 正打算要泫雅冷靜一點。

「走開呀!我一定要殺咗個衰人!」可是泫雅卻沒有打算罷休。

「泫雅... 泫雅... 妳聽我講...」我努力去說服她,「呢個人,可以幫我哋安全去到目的地...」

「咁又點呀?我一定要殺死佢!」泫雅聽後仍然非常激動,「我要殺咗佢!剁成肉醬餵狗!」

「啪!」大家正在糾纏之際,巧兒突然從梯間衝出,賞了泫雅一個耳光。

「八婆,妳打我?」泫雅的憤怒,轉眼投射到巧兒的身上。

「喂!妳冷靜啲!」巧兒捉著她的手叫道,「妳咁樣有用咩?妳殺咗佢又真係有用咩?」

「不如妳積極啲,諗吓點樣可以生存落去仲好啦!」巧兒吼叫著。

「唔好唔記得,男人可以保護我哋,所以佢哋條命好緊要!」巧兒續說,「為咗生存,比人屌吓又有乜所謂吖?」

泫雅正想反駁,但又突然停了下來。

「妳都係帶佢走先啦!」巧兒看著 Carey 說道。

只見泫雅突然怒視了我一眼,便乖乖的跟隨 Carey 離去。

「阿賢,你點呀?」巧兒走近他身邊問道。

「嗯... 呼吸順返啲... 應該冇傷倒主要器官...」男子回答道。

「我叫巧兒,呢個係阿賢,你叫咩名?」巧兒主動地問道。

「叫我阿 Roy...」我亦乖乖地回答。

因為我這一刻的視線,只注意到她那性感睡衣裡面,那若隱若現的驕人身材。

看來,剛才她已乘空檔,換上了新的一條睡裙。

「喂!唔好掛住望啦!」豈料我的狼相被她看到,「救咗阿賢先啦!」

有點尷尬的我,只好立刻趨前幫忙。

「我應該點做?」我向巧兒問道。

「個傷口都好深,不過應該冇插倒重要器官...」巧兒打量阿賢的傷勢後說道,「呢度冇手術嘢,唯有冒險搏一搏...」

「妳係醫生?」我好奇問道。

「哈哈!梗係唔係啦!」巧兒笑說道,「我只不過係一個註冊護士...」

「但我以前係需要喺手術室入面做嘢,所以都叫學倒少少嘢啦!」她一邊說著,一邊已經示意我去幫忙。

「阿 Roy,幫我捉住呢度...」我聽從巧兒的話,緊握著剪刀。

「好... 而家同我慢... 慢咁拉返佢出嚟...」巧兒進一步要求道,「記住,我叫停,就要即刻停...」

「嗯...」她的話,令我感到有點緊張。

我小心翼翼的把剪刀拔出,看到鮮血不停地在傷口滲出。

「停!」聽到巧兒的叫喊,我亦隨即把動作停止。

我的額頭,已經沾滿了因緊張而冒起的汗水。

「繼續...」在巧兒的要求下,我再次慢慢的把剪刀拔出。

鮮血又再從傷口滲出,阿賢的抽搐亦變得越來越嚴重。

而隨著剪刀的完全褪出,傷口的滲血情況亦變得一發不可收拾。

「吱~」巧兒拿著一小瓶噴劑,往傷口噴射了一遍,但滲血的情況卻沒有多大改善。

「用佢,㩒實個傷口!」巧兒遞來了一塊止血紗布,著我把阿賢的傷口緊緊的按住。

一塊紗布完全染濕染血,然後又是另一塊...

眼看紗布快要用完,可是滲血的情況卻仍是依舊...
2019-11-19 10:13:15
死得了
2019-11-19 20:09:04
2019-11-20 01:23:50
救到?
2019-11-20 09:24:36
Lm
2019-11-23 01:33:48
2019-11-23 13:14:02
儲一個月文一次過睇,感覺唔錯
2019-11-23 15:09:30
速龍套裝?
2019-11-23 20:22:48
更新未
2019-11-24 10:43:40
投票啦喂
2019-11-24 11:49:04
樓主冇事嗎?
2019-11-25 01:38:55
更新喇
2019-11-25 15:48:55
2019-11-25 21:46:10
樓主冇事嗎?
2019-11-25 22:28:32
樓主上黎報個平安可以嗎
2019-11-26 06:53:37
樓主呢
2019-11-26 11:50:43
樓主
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞