十七天 即影即有日本中部（名古屋、福井、金澤、高山、岐阜市）

下站金澤，放相再寫

留名正評推post!

冬天自駕驚變獎門人，坐車睇下書穩陣

有相都唔推對唔住欠巴

正post留名推

上個月都去左名古屋
落雪既兼六園比想像中靚好多

可能擦身而過
我去個陣融緊雪，想像到鋪滿雪有幾靚

第七天 甲：



對兩老嚟講踏入金澤先係旅程正式開始，因為商場、食肆、景點又多又集中，而最重要訂到三晚附有自助早餐既酒店，有好多北陸特色小食

ANA Crowne Plaza Kanazawa

https://www.agoda.com/zh-hk/ana-crowne-plaza-kanazawa/hotel/kanazawa-jp.html




約七百／晚。



不過未咁快到金澤住，離開福井前仲有少少時間，決定行埋鄉土歷史博物館同養浩館庭園。前者雖然細，但展品好有水準值得一覽









上火車前係福井火車站買左盒遠近馳名，被日本人選為三大便當既越前蟹便當，打開蟹造形硬盒就見到滿滿蟹肉

不過其實好普通無咩特別，唔知加熱會唔會好啲









便當仔就唔飽肚，係車站補多個早餐先走，呢間就高質，尤其有兜堅果蓉，平衡返紅豆甜度











酒店就係金澤火車站前面，雙床房再加床，有Hand Cream送。講起真係要帶多少少Cream，整個行程手腳乾到痴線，而佢枝Cream仲靚過我自己帶去個枝





窗外就係金澤火車站。



係酒店休息左陣就出去行個圈。金澤同名古屋、福井分別好大，因為遊客真係非常多，亦難怪旅遊配套充足咁多。相信係因為台北、幾個東南亞國家都有直航到金澤原故



上網有介紹近江町市場，可以試到各式各樣新鮮海鮮，但經過幾日研究，最抵食其實係金澤車站旁，百番街既《魚菜屋》





兩老好鐘意食魚，第一份餐有三種煮法既魚，汁煮、燒、刺身



第二份餐係海鮮天婦羅，配上刺身、魚頭等等小食



第三份亦係刺身丼，專誠為金澤名物黑喉魚而試
刺身份量之多，食完成碗飯都未食哂啲魚



埋單四百幾，好少聽兩老話搵日食多次，可想而知幾吸引幾抵食

今次出文咁多嘢食 攪到好肚餓

利申:未放工嘅小薯

我都餓，坐車出大埔食飯先

好free 嘅生活

帶兩老去睇啲博物館 佢哋唔會厭悶咩

其實幾有趣，幾層樓高既恐龍同花多眼亂既寶石

雖然話廢老，但我都係廿幾歲，佢地唔係好老

近江町好似好正

可以去參觀，但食海鮮丼我都係建議魚菜屋

福井恐龍係幾好睇

唔正
凡係旅遊書有介紹嘅旅遊景點市場，十間都九間都係劏客市場

咁一定嘅，第一次去明知劏客都會去行個圈
唐戸市場、黒門市場、近江町市場、築地市場、古川市場、函館朝市、三角市場、二条市場
除咗青森個古川市場OK抵食之外，其他全撚部都係劏客嘅

真係又正又抵又新鮮通常都又遠又唔出名

第八天 甲：



食完非常豐富既早餐就出發去車站買金澤一日用車票，500Yen一張，包三款車，頭兩款路線一樣，經過市內全部景點，只係方向相反，第三條以兼六園為主。唔買一日票，每程車劃一200Yen。另外車票係21世紀美術館買入場卷有折



另外有個活動叫「百万石の鮨」，我無參加，以3800Yen買張卷可以係指定一堆壽司店試試10貫套餐，應該就係平時講開既Omakase



http://ishikawa-sushi.com/outline/


雖然係福井見過雪，但真係望到漫天風雪就係今日









坐車第一站係茶屋街，老街都見過唔少，所以一落車就行左上街後既卯辰山公園、山野草園。






上面公園比市區建築高一節，俯瞰落去見過佈滿積雪既屋頂









上落基本上可以行樓梯，如果貪方便行車路會非常危險﹐因為好滑，我試過車路落真係步步驚心

臨瞓先出post
睇完先瞓

第八天 乙：



緊接下一個景點係金澤城，前一晚非常大雪，金澤城積雪有近一米深，職員仲整左幾個雪人仔



係金澤城停留唔短時間，但主要玩雪，可以參觀既地方唔多







幾凍都要飲可樂





金澤除左出名落雨所以叫雨都，另一方面睇佢個名都知同金有關，金箔係特產之一。我就無試800Yen一杯既金箔雪糕喇。



不過就買左個金箔雪糕鎖匙扣



回程順便兜埋尾山神社，相當特別既一座神社，和洋式建風格，神社拱門門用教堂式花窗玻璃裝飾，夜晚開燈真係不得了，可惜放低左腳架影唔到即影即有







晚餐係金澤站附近試左間主打吉列能登豬



三個人叫兩份厚切一份芝心豬…雖然豬肉爽軟多汁又唔油，但真係太大塊…飽到頂上心口，建議三個人最多一份厚切，另外個位叫個普通餐就夠

但呢種豬肉既質素香港真係Royal級，一般人食唔到





菜單如下：

https://kiwa-group.co.jp/wp5/wp-content/uploads/2017/05/171211_tomikinton_kanazawa_m01.pdf

鋪住雪嘅城真係好靚

一早起身有文睇 邊有唔推嘅理由

呢篇遊記值得更多正皮