十七天 即影即有日本中部（名古屋、福井、金澤、高山、岐阜市）

聽朋友講差過名古屋個間

Follow咗

第三天 乙：

開始多相



買套票遊犬山一般如下，犬山遊園站落車，沿河邊行15分鐘左右到犬山城，城下有兩個色彩斑斕既神社可以先參觀。犬山城對出有條老街，行到盡頭可以轉返出去經犬山站離開





犬山遊園站附近有條橋可以影到火車往來，過去就係新鵜沼。要去桃太郎神社唔洗過橋，沿山路行過去就可以。





老街好多商鋪，其中幾間可以租和服著







犬山城外觀就好似二撇雞咁



比起犬山城，下面既三光稻荷神社對我嚟講就吸引好多
而佢亦係其中一間著名結緣神社，不過對連登仔幫助應該不大



老街有個位集中幾間食店，可以食下飛驒牛小丸子、串燒、雞翼、拉麵等等，味道就真係一般

大概三至四個鐘都玩完，老街仲有博物館展示犬山節山車、機械人偶等，不過1600就關門，趕唔切去睇。有興趣可以揀犬山祭去參觀





因為早午餐都係食小食，晚餐決定返名古屋試試蟹放題，每位3880Yen，另外有豬牛雞菜等等可以叫。肉對得住個價錢，雞既質素係幾款肉中最高，蟹就一般般，記得唔好貪快，煮耐少少離殼先好食



整體覺得食得幾趕，雖然日本周圍放題都係食90分鐘，但佢開爐甩甩漏漏搞左15分鐘 全店得我地一台客都計到好足由入門口開始計90分鐘就停單 唔洗補返15分鐘比我地，但早15分鐘提一提話Last Order都好

同師兄一樣 都係自駕 我就諗住福井住一日 經過金澤睇景點 之後 富山一日 高山兩日（都係用一日去白川鄉） 下呂一日 之後直落中部機場 唔知咁樣順唔順 最後個日可以夜晚五點先還車

第四天 甲：



今日正式出發去福井，因為大部份行程住宿交通都未有計劃，大前晚係兩老酒店大堂坐低大家傾左陣，決定福井分開住。三人通常要住四人房，加床都係金澤搵到間大酒店先有，福井住宿方面比較貴，選擇亦唔多。

後面再講



隨便食左個熱狗，執好行李，就出發去名古屋站買巴士飛去福井，全架車連司機唔夠十個人，點訓都得，真係坐得幾舒服



中途停一個站休息15分鐘，叫賤岳





好快就到福井市，以恐龍聞名既地方，福井縣勝山市有大量恐龍化石，政府就順勢將福井縣轉型為「恐龍縣」，過兩日再講恐龍。福井縣本身好大好大，今次去既地方集中係東北方向





落車望到下面呢座野以為係大型商場，原來係一堆補習社



巴士站旁就係火車站，非常方便。月台開放式，架車好似會飛出嚟咁



美中不足係連日係福井市內都落雨





兩老住個間酒店好普通無咩介紹，不過勝在夠就腳，落巴士馬路都唔洗過…就係面前，即係火車站都係旁邊

旁邊有條小小小型商店街，有24小時餐廳唔怕肚餓



然後就到我住個間，即係自己一個住大間既晚上
不過原來1600先開始Check-In，1500去到摸門釘





唯有食左午餐先，因為落大雨唔方便周圍走。日本人好有型，做早市午市晚午每段兩個鐘，其他時間就休息，搵野食都唔易，反而有間居酒屋由朝開到晚





味道就真係好好，尤其個紅薑，但佐酒小食做午餐唔係幾掂，食左幾串野口乾又咸…好快就埋單走人



車站旁邊有個超市，裡面有著名既蟹飯便當，後面會講，今次講燒鯖魚壽司。因為居酒屋食唔飽，打算係超市買啲野食，加上我住個到有廚房，都想煮下野食。入左間鋪，佢知道我係香港遊客，同我講左幾句廣東話



旅行習慣，如果你同我講 nei5 hou2 唔係 nin3 hao3，你賣姨媽巾我都會幫襯你買包

條魚放係敏感位想點

size差唔多比條魚見識下

第四天 乙：



民宿名叫SAMMIE'S，左手邊戴綠帽就係老闆娘SAMMIE ，中間得個影既係佢個女，右邊就係職員姐姐



呢隻即影即有叫撕拉片，影完撕開張相紙，會得到兩張滿佈藥水既相紙，一邊彩色一邊負片。成日見人fing張即影即有，其實就係由呢種相紙演變出嚟，新既即影即有就唔需要再fing。呢種相紙色彩表現非常好，層次高亦分明，係好多人既心頭好，可惜富士已經停產

彩色個張送左比佢地，負片就帶返香港。因為女女郁來郁去搞到得返個影，睇到相係到笑



比小妹妹自己攞住個搖控影張相

因為天氣凍，影完會放落炬燵下面暖暖佢，炬燵即係好似茶几既日式暖爐，小妹妹自拍完又好醒目放張相落炬燵好好笑



小妹妹俾人制止玩垃圾桶



最後一位係職員姐姐，平時都會係到過夜睇住間屋，不過第一晚有事要返屋企，所以得返我一個



間屋分兩層，上層有一半裝修緊，另一半有間雙人房同職員房



下層有男／女四人床位，一個洗手間同一個浴室，兩個洗手盆，有廚房可以煮下飯
洗手間得一個，如果住滿客應該有啲麻煩，今次就無煮飯，因為附近餐廳都開得幾夜



上年去河口湖就煮左幾晚飯，因為一入夜就收哂鋪，附近又有間大超市，七點鐘開始大減價，好多靚牛肉



同佢地傾左陣計就出去搵埋屋企人係附近一間24小時餐廳食左餐便飯，講開又講，日本真係隨便叫個白飯烏冬都係咁好食



食飽返去老闆佢地已經走哂，帶兩老入去影左陣相佢地都走埋，得返我一個…





呢間民宿俾我既感覺就好似返左自己屋企，不過有間靚啲既屋，同友善啲既家人

小妹妹好可愛

欠巴呢次旅行有無帶數碼相機去？

家父帶左部DC仔 Sony HX99

仲以為桃太郎係岡山先有

桃太郎故事本身好似發生岡山

欠巴今日有無文呢？

yes，所以估唔到犬山都有

第五天 甲：



今日本來係去恐龍博物館，但考慮今日天氣唔錯，食食下早餐就決定安排轉全戶外觀光，丸岡城、東尋坊



早餐係車站旁一間法國名麵包店享用，日本人無論做Blended Coffe定Blended Whisky都真係好高質，飲得好舒服





36號巴士直到，巴士兜好耐，自駕會快好多。丸岡城前有得買套票，包括丸岡城門票、歷史民俗資料館門票、一筆啓上 日本一短い手紙の館門票。



如果對日本歷史或者建築唔大興趣，可能去多幾個城就開始悶。留意到第一張相上面有個《日本100名城》印，係日本為左推廣旅遊，選出100座城比遊客參觀，另外推出一本書可以比你儲名城印，我就無買到，網上搵左張相



追日本100座城都算輕鬆，聽講佢地仲出左歐洲100古堡



資料館細細間唔太特別，係有個以城主作藍本既公仔，整到咁城主泉下有知應該會好傷心










留意套票送左張布織書籤，係咁多日行程最靚既套票，因為其中一站係一筆啓上 日本一短い手紙の館，亦係三站最有趣既地方。大概資料唔肯定有冇記錯，應該係一個有錢人捐左間屋做「一短い手紙」展覽館，亦有舉辦比賽。而所謂「一短い手紙」，應該係短詩、短信，唔知係唔係邪留丸成日作嗰啲



丸岡城周圍都有展示唔少作品，通常以一首詩配上一幅圖畫作為一個完整作品



一短い手紙の館樓高三層，最頂有個細細既觀景台可以望到丸岡城，樓梯每個轉角都有個位可以坐低睇下詩睇下書，另外有部升降機係中間。



好快插爆香港



固定展以多媒體方式作互動，亦有位置比大家寫下信，提供既紙都好靚



可以即場寫幾句經大電視播放。



雖然唔識睇日文，但仍然感受到每份作品背後既幽默、動人。就好似聽八十年代日文歌，每隻字都唔明，但仍然令人動容

城主個公仔

日本好多地方都爭論自己係桃太郎故事既發源地

得一個中國插咗旗，真係完全冇中國人會去
幅圖竟然有曱甴，好似真既一樣

本身少人去福井，就算有都都可能留一晚去恐龍博物館就走，去丸岡城之餘再去呢個展覽館真係少之有少

不過會自由行既中國遊客已經比大媽高質素，會專誠安排去比較小眾既旅遊景觀更加係當中清泉。

今次旅程中就遇到一個廣州男仔，講流利英文廣東話，初時唔知仲以為佢係新加坡人。因為一篇每個中國小學生都會讀既魯迅文章《藤野先生》，專誠去福井搵魯迅恩師藤野嚴九郎既故居

我之後都打算去恐龍博物館，打算一早由金澤酒店check out就去福井，去完博物館就行下福井城食埋晚飯就直去大阪酒店check in，應該夠時間玩？

我見恐龍博物館個官網寫住9:48由福井開出既越前鐵道係恐龍列車：
https://www.dinosaur.pref.fukui.jp/guide/access.html
但再㩒入越前鐵道個官網度又寫住恐龍列車係2018年4月-8月運行：
http://www.echizen-tetudo.co.jp/special/dinosaur_express/
咁係咪即係而家已經冇咗恐龍列車？

另外仲想問吓福井站係咪有locker放大行李？唔該晒