十七天 即影即有日本中部（名古屋、福井、金澤、高山、岐阜市）

先謝謝解答
另外請問你有冇買pass？如果有，買左邊隻？

你有冇睇恐龍片？日文聽唔明應該唔使浪費時間去睇？

富山一日票，包全富山叮叮，巴士

睇左5分鐘走左，完全唔明無字幕

咁都係唔好浪費時間去睇了

名古屋直去富山要4小時車幾辛苦下

3月跟機
由名古屋去金澤玩返去大阪

第六天 乙：



準備離開博物館既時候先知原來因為落雪，勝山市內無哂巴士，只有博物館至勝山站接駁車，唯有坐返勝山站再決定下一步。當然落雪全市停巴士聽到我一頭霧水，一來其實係前一晚落雪，二來應該都習以為常點解會緊張到停巴士



其實仲有平泉寺、勝山城想去，唯有走去問下站長有咩解決方法。佢建議飛的，然後拎左本簿出嚟，寫哂飛的去景點既收費，衡量過三個人都算合理，就由飛的去越前大佛作第一站，然後行去勝山城，再去平泉寺，最後行返勝山站，總行程花左五小時左右。雖然每個景點都好似好近，但超過六公里路，仲有段山啊來回平泉寺。



的士幾分鐘就飛左去第一站越前大佛，大佛係計劃以外，行左一陣就決定離開，轉去最顯眼既勝山城，不過日本屋矮，勝山又多農地，望落近其實都幾遠，打算食個飯先，打開旅行恩物之一既Google Map，搵到附近兩間餐廳…真係珍貴到，一個仲要係賣小食，行到第二間門口，唔係Google Map有寫真係唔知有間餐廳係到，亦係旅程中其中一個大驚喜



講起近代改變旅行方式既發明，Google Map、數碼相機真係穩佔頭兩位



餐廳午市做三個鐘，晚市做兩個鐘，整個午市相信得我地一台食客



勝山市 幸福駅

https://tabelog.com/tw/fukui/A1804/A180401/18003103/

門口奇貌不揚，估唔到裡面係傳統日劇見到既典雅西式風格裝修。中間長吧台晚上比客人坐低飲幾杯，同老闆傾兩句。旁邊幾個木書櫃放滿漫畫，早上飲杯咖啡睇下書







叫左兩份牛肉飯，佢無特別標明係咩牛肉，本來以為係吉野家個種肥牛飯，意外地煎左幾片Medium肥美牛肉放係軟糯米飯上面，跟餐送湯、沙律以外，仲有兩款甜品，紅豆綠茶蛋糕同布丁。全部都認真製作，好難理解咁少人客，點可以保持到食物咁新鮮既質素

佢另外有鐵板餐、咖哩餐等，睇過日本人意見就一般。





無計劃漫無目的咁行，雖然有時會浪費時間，但有時候就係期待呢種驚喜



沿農地邊走，好快就到勝山城。勝山城已經改建成一間博物館，考慮過平泉寺仲要上山，回程落山驚天黑危險，決定係門口買杯雪糕食就走，希望有機會再嚟。



勝山城係連日來其中一座比較特別既城，因為城牆刻有幾條巨形石龍

係唔係cx機有package？我聽過幾位香港遊客都係咁玩，睇過佢地行程都趕得好緊要

坐鐵好似3.5hrs，自駕就辛苦少少

我想攻哂櫻花同北陸 買ANA大阪飛去名古屋開始玩返轉頭 12日

我都研究緊邊到睇櫻花好

我29/3-8/4行哂大本個中部

咁請問你名古屋去福井、金澤嗰啲係咪jr？有冇用pass？

唔該

晨早推一推

彫U

無，一開始有講

第六天 丙：



離開勝山城就行去平泉寺，大半個鐘路程，雖然附近積滿雪，但行起上嚟都一身汗，沿途都唔少車，注意安全，唔好太夜落山



途路積雪好靚，不過小心雪下暗藏危機





見到山上村落大概仲有十幾分鐘路程，屋頂仲有少少積雪









唔知咩生物既腳印







平泉寺有千幾年歷史，以「綠」為主題，杉木間滿地青苔



平泉寺範圍好多石頭砌成石級，融雪期間好滑好危險請小心





趁未天黑就落返山腳，穿過民居行返勝山站，行到已經天黑



沿途有個大公園，有啲勝山青年係到浦





兩層樓咁高既滑梯



回程車1819，站外伸手不見五指





返到福井站，係商店街食左親平民飯，隻醬汁豬排真係周圍都食到







呢一晚職員姐姐話返嚟陪我唔洗再驚 仲有一位日本姐姐新住客
另外仲有一對法國男客人，好靜，除左打招呼都唔講野，可能唔識英文

左擁右抱真開心

請問相紙呢到用到幾銀

特急都幾辛苦

20包Fuji Wide $990
5包Fp - 100c $1300

個五包100c賣家係一位台灣妹妹，做左朋友寄左張相當Postcard比佢