十七天 即影即有日本中部（名古屋、福井、金澤、高山、岐阜市）

落埋大阪好似好趕
福井市＞勝山站大約一個鐘，經巴士去恐龍博物館約二十分鐘，玩三個鐘，來回加加埋埋就六個鐘左右，你可以衡量下

我今次都坐唔到恐龍列車，應該係同一款車不過無咁多裝飾同恐龍頭

另外福井站有幾個locker放行李，好似開0700－2230

唔該晒
我之後夜晚去大阪純綷瞓覺，當晚可以完全唔使遊大阪，所以夠玩恐龍館就得

另外唔知恐龍博物館使唔使用好多時間？
假設我11:42分去到博物館，參觀再係博物館餐廳食埋lunch，跟住14:13分搭車走，總共2個半鐘應該夠時間？

第五天 乙：



係丸岡城旁邊食左份醬汁豬扒蕎麥麵，第一次食蕎麥麵伴辣味大根汁，味道唔係人人鐘意，有少少似藥水，辣味只有後勁，亦好快消失

而醬汁豬扒係福井特色，除非有某間店你特別想試，如果唔係其實總會試到一兩次。味道都係偏咸，日本豬肉就一定鬆化可口，不過都係唔習慣淋食炸物



只係三四十蚊份量足味道好，仲有前菜，香港係大家樂都無咩你揀



扯開小小話題，馬鞍山有間餐廳早幾個月賣哂廣告話轉廚師好巴閉，今日終於去試試



無郁過任何野，原原本本呈現比大家睇碟飯，大家可以估下係咩嚟，真係DLLM 邊個仆街仲話馬鞍山好多飲食選擇，同我一日三餐食呢間野再講







下一站打算去東尋坊，原本計劃係由丸岡城坐車去丸岡站再去蘆原溫泉站玩，日落再趕去東尋坊。但原來丸岡城有幾班車直接到東尋坊，二話不說就上車。



戴帽個男仔就係之前講既廣洲男，好友善，大家傾左成程車，祝佢旅途順利



其實原來計劃應該唔可行，雖然距離唔遠，但停站非常非常多，如果停蘆原溫泉再去東尋坊已經天黑。東尋坊係海邊，店鋪亦好早收，咩都睇唔到就原車走會好浪費。



東尋坊前係雄島，一望條橋就知影相公廁位，想挑戰自己創意既巴打可以早幾個站落車影下相，再行去東尋坊大約半個鐘



落車已經睇到天氣麻麻，車站旁有間食店同手信區，但行出少少已經有個縮細版既赤柱大街，有更多抵食海鮮丼同手信小食。







全部人像1：1，嚇死人







東尋坊以海旁懸崖峭壁聞名，而當中既柱狀岩塊，全世界亦只有三個地方可以見到。不過香港有世界級地質公園，希望大家有時間都去參觀下





影相還影相，好大浪，唔好咁樣衰沖左落海要人救，小心小心





東尋坊有座觀光塔，下面又係有手信賣，但又殘又舊好恐怖，咁多遊客但搞成咁，唔敢入去



有鷹會偷野食

日落後就入左間鋪頭食晚餐，價格相當平民化



份量、質素對得住個價錢，唔算好大驚喜，但值得一試









食食下發現點解執緊招牌入鋪頭，睇頭就收鋪，快快手食完就埋單。望一望廚房，原來大家係到等緊我地收工



找幾錢都未睇清楚我地就ごめんね ごめんね ごめんね咁走左去，佢地又笑笑口咁話唔洗急

最後走到車站等尾二班車走



突然見到個阿婆衝埋嚟

原來佢地找少左一千Yen，即刻趕過嚟還錢





右邊綠色個隻咩嚟

人人唔同，但唔計食飯同睇恐龍片，基本兩個鐘。
博物館內部我行左個半鐘，都有部份無仔細睇就行過，再花半個鐘多啲係博物館外邊影相

欠巴啲即影即有係用手機影定用scanner 做紀錄？

Scanner

欠巴你馬鞍山個飯真係見到都唔想食

欠欠幾時再去旅行？
好中意睇你寫遊記

啲相
欠巴做咗好多資料搜集

可能四月尾／五月

期待吓都好
睇咗當去咗

第六天 甲：



福井車站內有間非常抵食既立食麵檔，最平三幾百yen有交易，但唔好試天婦羅，浸爛哂…



福井恐龍景點總共有三個，博物館後面既勝山恐龍公園、比小朋友玩掘化石既野外博物館，同重點恐龍博物館，三個地方分開收費，一般只去博物館。



跟住恐龍腳印排隊。

火車站有得買恐龍博物館套票，買越前鐵道一日票，博物館入場票，勝山市巴士票。唔好彩既係佢地無講到原來落雪，全勝山市停開巴士



好似上面巴打講，唔係一定有恐龍火車，即係普通車加恐龍頭



50分鐘左右到勝山市，轉恐龍館專巴25分鐘左右到恐龍館。









去到恐龍館見到滿佈白雪 咁大個人其實第一次親手摸到雪 係館外已經玩左十幾分鐘



恐龍博物館旁邊有個恐龍遊樂場，你見到上面有個好大既恐龍頭，係一條好長既滑梯最後會sir左入佢個口。條滑梯本身積左一晚雪，我無理到就sir左落去，然後濕住屎忽幾個鐘行博物館





子宮形狀既恐龍博物館一共有四層，頂層有紀念品店、餐廳同影院，其實坐電梯落去應該由地下玩起，有語音導覽借…無人同我地講



博物館內容非常豐富，有幾層樓高、1：1既恐龍模形， 史前化石，獨特礦石寶石，參觀職員現場清理化石等等。電影院唔入都得，因為係播National Geographic恐龍片再配日本



場內大部份係倒模賅骨，但有小部份實物，比如大腿骨可以摸下



生物出現年厝





正清理化石



當年用Canon同Olympus記錄發挖過程



你要操操對腳



非常珍貴既蟲珀。無記錯係昆蟲或者其他生物食樹脂既時候意外被樹脂掩蓋而死，經過一段時間結成琥珀。根據蟲珀大小、昆蟲品種、色澤等釐定價格，但市場好多假貨，係緬甸街邊推車仔阿伯都賣緊假蟲珀







博物館外有條小路行上博物館上蓋，滿佈雪既天台好靚，要去影返幾張相

搵到滿意既旅行相機就會去長途旅行

樓主真風趣

唔會去日本呀話？如果係就撞正日本超級長假期，多人到爆

咁遲下再決定

馬鞍山嗰間係咪迎濤灣地下間魚蛋粉
食過一次好難食

Lm

係，唔知要換幾多次廚師

推咗先
未得閒住
留名一陣睇

巴打，我下個月都會去名古屋，跟住去買白川鄉富山金澤，呢兩日先開始認真平，想問少少野

1 名古屋我主要係去市中心，大須同埋榮，得2日唔夠？
2 高山去白川鄉係咪都好近？兩度加埋建議Stay幾多日？
3 見到你話去岐阜市，有咩玩？
4 如果富山唔去美術館仲有咩好去

唔該你先

1：兩日係有一整日留係名古屋？榮無咩睇，大須觀音轉個圈唔洗十分鐘，大須商店街就可以行大半日。

2：車程一個鐘左右，白川鄉可以留一晚。高山都係好似之前咁講，留一晚太趕唔值得，留兩晚以上就可以作中心點去新穗高、上高地、平湯、飛驒古川。

3：岐阜市古時係大城，現代就變左名古屋衛星市，但其實都有唔少景點。比如有岐阜城、川原町、暑秋有鸕鶿捕魚等等，車站附近食店商場都齊備。坐遠少少可以去群上八幡同我今次專誠加既養老公園。加上回程唔想住太多晚名古屋，留左兩晚比岐阜市。

4：立山黑部開返可以去。富岩運河環水公園有間被喻為日本最靚既星巴克，係背景靚，間野無咩特別，仲要天氣好先靚。而天氣好睇到「立山連峰」就全個富山都咁靚。旁邊係高岡可以參觀多啦A夢故鄉。

你要操操對腳