十七天 即影即有日本中部（名古屋、福井、金澤、高山、岐阜市）

後悔緊 早知去多日 因為睇完你po 想搵日住高山 家下十五十六 諗緊一係一落機去高山 第日先去名古屋 定三日都住名古屋之後高山一日遊

名古屋真係冇乜嘢好做
落機夠時間嘅話就直接去高山啦

一日高山都趕，落機夠高踩去高山住兩晚都好既。名古屋唔係無野玩，不過旅遊氣氛係無高山咁好

如果名古屋真係無野玩
15/3 2:30 落機>
16/3高山 >白鄉村>高山
17/3高山>名古屋
18/3名古屋>東京
會唔會好
但又想去下legoland

唔知三月中白鄉村仲有冇雪 仲值唔值得去

三月白川鄉仲有雪

但如果你本身好想去Legoland，又得三日，第一日仲要剛落機，我建議留返係名屋古會比較好

中間一日去Legoland，前後夾個大須、榮、水族館、動物園

咁唔洗去legoland 但高山坐車去白川鄉 洗唔洗預約車果d 如果唔洗就留係高山住算 因為我左睇右睇名古屋d 行程都好似無乜特別

高山去白川鄉有分可預訂同即場排隊上，後者車比較多。

我去個日預訂位早個幾星期已經無哂，不過排隊車位好密，我開車前廿分鐘去都有位，就算上唔到下班車都係等多半個鐘，好少話三班都上唔到。

新po 留名

通常高山白川鄉即場排隊就得

推

第十二天 乙：



1020車離開高山，早上行左陣宮川朝市，一般旅遊區著墨就唔太重，多地攤多小食多商鋪，旁邊條河落雪好靚





走前係老街搵到間手作飯團，兩個飯團製作約十分鐘，時間換來係非常美味、材料豐富既飯團，每粒米亦軟糯香滑，即刻補多幾個飯團，前一日新穗高個飯團真係相形見絀



唔洗一個鐘就到白川鄉，巴士方面#308有講，排隊就可以。如果你無訂住宿就係巴士站比錢人幫你看行李



先行到街尾望望今晚間合掌屋 老闆娘打掃緊房間，我地放低行李就離開左 對面係八幡神社



想慢慢影相，同兩老分道揚鑣。白川鄉有好多私人土地，欄都欄唔哂，有部份無遊客會行入去，所以積雪又高又深…我幾乎陷左十次落積雪，好似游水咁游返出嚟，兩部相機真係幾捱得



影倒影既時候遇到一對阿根庭既情侶對部FP-1好好奇，傾左陣計，佢地計劃六月嚟香港，唔知到時有冇機會撞返佢地

原本好多地方係田地，上面係積雪下面可能係濕泥地，鐘意周圍走去影相既你記緊記緊請著一對高身防水鞋佢



聽講有部份居民態度會好差，因為太多遊客，香港人唔洗解釋都明，大家自己小心，佢地連日本本地遊客都唔鐘意







行左陣同佢地會合食午餐，千幾Yen有份飛驒牛餐加條魚，而煮法係岐阜縣特色「朴葉味噌飛驒牛」。最特別係夾係葉同牛肉中間既味噌醬，酸酸甜甜中和牛肉油膩感







價錢差唔多應該叫哂牛而唔係叫份菜



如果同樣係白川鄉留宿唔想兩餐食同一樣野，可以選擇其他餐廳比如しらおぎ。





食飽飽就行上展望台望望，可能比錢坐車上去，行都係十五分鐘內，如果驚冰太滑就坐車



要影人地啲童話式世界，請帶枝長蕉鏡，山路沿途亦有唔少位置適合影相



展望台後方幾座山都好靚，鐘意影自然風景都可以行埋過去，不過後面係車路，多加小心



比起合掌屋，我比較鍾意呢張山相

推

食飯前推吓

早晨

朴葉味噌正

晏晝啦Ching

第十二天 丙：



今晚共有11位客人，一對中國廣洲夫婦帶住小朋友，太太識日文；一個應該係台灣家庭，帶住個廿歲左右既女；一對日本情侶。今晚難得滿座。



早餐晚餐個個都遲到，住客好唔乖 不過佢地遲到我地都多左時間係飯廳周圍影相

晚餐都係朴葉味噌，加幾件天婦羅、多款前菜，一個已去皮甜橙，個橙真係甜得好恐怖

每家人有一筒飯可以自己增，淨係味噌醬可以送幾碗飯



對面對日本情侶魚都無食過，房門咁薄咁早返房都做唔到啲乜 可能因為十點就要熜燈，其他房客都爭住沖涼。

食飽返房姨姨已經鋪好床，暖爐熱氈都有時間限制，幾個鐘要重開一次，不過有熱氈真係訓得好好

欠巴啲相真係...

應該差不多兩年

難得BOOK到白川住

都好早去訂，仲要唔係點燈日，估唔到都滿哂

推吓先

推