十七天 即影即有日本中部（名古屋、福井、金澤、高山、岐阜市）

終於有文收工推下先

5月2應該冇晒預約飛

因為…已經賣曬？ 定係果日無得預約

果然周圍都老人

第十四天 丙：



見到個西式招牌，附近原來有個規模唔細既主題樂園，「養老Land」。



對養老市本身無太大研究，可能假期好多本地人嚟玩，但今日所見，本地遊客大概只有幾十人，而買票入遊樂場相信唔夠三成。



除左摩天輪，仲有十幾款機動遊戲、狗場等等，遊樂場比想像中大好多，不過時間唔多，無入去玩。

https://www.yourou-land.com/

https://www.youtube.com/watch?v=BeiS4mp-tbg





沿車路行上山其實比較長同辛苦，錯信Google Map



招募廢青入住招牌



著名既養老溫泉，相信有本地人嚟渡假。



行到上山腰。



唔洗幾耐就到停車場，下面係養老瀑布，山頂要行另一條路再上。有個停車場姨姨好有心教我地行去瀑布，佢都好驚訝有幾個外國傻仔由車路行上山



然後講講呢位先生，雖然車路拉長左唔會太斜，但由我地係山腳開始行到上嚟約45分鐘，佢已經上落踩左5個圈，養老車神



車站旁有個好似荒廢左既滑雪纜車（？）話唔定以前係滑雪勝地，而下面就有間渡假屋。睇返資料，養老開放月份唔包括冬天，可能春夏秋天樹景先係主打。



轉個彎就見到個陽春路牌。



到達養老瀑布，旁邊石堆住少少積雪，係幾靚



外國遊客，今日除左我地，就得幾個應該係泰國既青年，到底佢地點搵到嚟就唔知喇，起碼唔係好似我咁想掉低兩個廢老係到



影左幾張相就沿樓梯落返去，真係好行好多。



比較可惜既係無去「天命反轉地」，詳細可以睇：

http://tc.tabirai.net/sightseeing/article/gifu-yoro-park/

落少少有幾間鋪頭，傳統裝潢，但賣既野真係老土少少，仲有塵



好老派既水浸汽水。呢到有款特產「養老汽水」，其實就類似波子汽水。



冬天，好多鋪頭都無開門。



對葫蘆確實無太大興趣，要比錢睇葫蘆…不了





行左咁耐，搵左間鋪頭坐低食少少野，估唔到發現新大陸。



350Yen既飛驒牛餅…完完全全揪贏高山、白川鄉，起碼我真係食到淡淡牛肉，仲平過你



睇過包裝係一家岐卑市見過既牛肉店「馬喰一代」出品，品質真係無話可說

轉自網上：馬喰一代的本店在岐阜市，在日本共有五家，其中三家在岐阜市，另外兩家分別在名古屋市中心與東京銀座。飛驒牛一頭家的由來是來自店家買入一整頭頂級A5飛驒牛，除了有午間套餐以外，晚上也有供應燒肉。



然後飲左杯暖粒粒既甘甘酒，濃厚可口。



最後當然叫返枝養老汽水。

我都估唔到一個市會以「老」做主題，本來以為只係年號

都幾狗 26號公布3月1 開賣 我25號睇仲係講緊早一個月

成功book 到3號 唔該曬

推推推

正，嚟緊六月頭都諗住8日7夜大阪入，行立山黑部，名古屋出咁玩。lm

坐cx?

LCC入大阪，CX 換單程名古屋返

推

第十五天 甲：



早上食左幾塊麵包、退房，就行左去岐阜城。



之前提及過岐阜城係少有建於山頂既城堡，可以坐纜車上，或者沿登山徑上。







好多本地人，無論行山上定坐纜車。另外有一團法國女人，唔知點解淨係得女人，仲有個好靚既五、六十路 同埋一個《Eternal Sunshine》



織田信長曾經統治過。



車站旁有個好細既松鼠園，好多小朋友入去玩老鼠。興趣不大就無入去。





岐阜城本身都無上去，不過過左旁邊觀景台睇風景，好難得係咁高無遮擋望落一個日本城市



同時亦開始落雪，無諗過市區會落咁大雪，繼白川鄉之後最大雪係今次





行一個圈大約半個鐘內，纜車落返山腳，行山真係幾危險



如果留多晚應該又成地積雪。







坐巴士由岐阜城返車站，車站旁有幾個餐應，包括人間美食薩莉亞，不過香港有就唔浪費Quota去食，轉食對面蕎麥麵，亦係裡面試左漬魷魚，唔肯定係唔係傳說中既螢光魷魚。

我第一眼望個堆嘢真係唔知佢係魷魚

第十五天 乙：



又返到名古屋，今晚間酒店揀得幾好，就係正大須觀音前面，阿貝斯特酒店 - 大須觀音站前 (Hotel Abest Osu Kannon Ekimae)，三個人連稅港幣八百蚊一晚。



商店街、大須觀音、大須站，包圍住酒店，有少少後悔一開始住名古屋站附近。酒店有浴池，古怪既係男女浴池早晚會調轉，入錯就…



酒店另外搞左間「富士溶岩石牛扒」餐廳，早餐包你一塊牛肩扒同白飯沙律飲品任添，塊扒就唔係肥美和牛，一分錢一分貨

唯一差既就係wifi，因為維修緊要落地下上網



家母一直想試年輪蛋糕，一買買左一圈返嚟
面頭層糖真係好大件事，甜到嘔，但裡面又香又軟熟，送咖啡唔錯。

男女湯早晚調轉好奇怪咩？我去過好多間都係咁

住過十幾次第一次見
今次行程有四間有湯都係得佢要調

我去親嗰啲八成都會調
因為啲旅館橫掂都要整兩個池，就分別整兩個唔同主題或者唔同設計，甚至有時候連泉質都唔同嘅溫泉，然後早晚對調

有次朝早浸緊溫泉，有兩個鬼妹唔知轉場行咗入嚟
可惜未除衫就俾啲員工衝入嚟請走咗

留低酒店名撞下鬼妹

欠巴有野請教一下你
預計1635落機，大約1830到名古屋站附近酒店check in。打算殺落去鶴舞公園影下夜櫻先，影完2100-2130左右。

除左栄町之外，仲有冇咩地方可以行下同食下野？ 大須商店街係咪收得七七八八？

第十五天 丙：



講返，岐阜城有個好靚景既公廁。





因為岐阜市食唔到河豚，今晚返到名古屋搵左間河豚專門店。
最近睇新聞天水園有人唔知有意定無意毒煮河豚到老婆半死，危險野都係搵返間專門店穩陣

河豚專門店「玄品」引以為傲既虎河豚被稱為河豚中最高級既…廣告唔係到賣



今次叫既係「醍醐」餐，加錢轉厚切河豚刺身，再加一份「白子」，後面會講。如果一台四個客叫一個餐，另外三位會補少少錢，會多返一份頭盤，其他野照舊。



首先係頭盤涼拌河豚皮，混入生蔥、明太子、帶柚子酸既汁，好清爽但被酸味蓋過魚皮味道，或者魚皮本身係無味。



然後上厚切刺身，口咬近似墨魚，但無渣，比較軟身同爽口，好難搵到同口感既魚肉



轉厚切只係加200Yen，更能夠試到其獨特口感



接住係河豚火鍋，無咩細骨，似魚頭。以用紙火鍋形式上，高一級版本好似有兜河豚膠原蛋白（加金箔）倒埋入去做湯底。熟河豚肉口感似再實淨身少少既龍躉。



另外有碗非常濃味既汁，近似頭盤所用既汁，比你配火鍋，食真係太酸太咸，會蓋過魚味



食完火鍋會用白米煮個粥你食。



然後到炸河豚，時間控制得好，外面帶薄薄焦脆咸香，裡面仲保持到水份，諗起好多年前食過既魚頭煲





要特別講既係外加既「白子」，即係河豚精囊。表面輕輕燒過，旁邊曬鹽，放入細碗再加熱。裡面又滑又香，味道極濃郁，係唔帶腥臭既雞子，但口感似朱古力醬般黏稠順滑，外面又帶焦香，可以送一碗飯



「白子」可謂整餐飯精髓，係一般魚類菜式好少感受既口感同味道，一次過體驗到。外加大概二千yen，值得一試。

最後甜品以雪糕作結，味道都唔錯。好似有得經網上買套票去食，自己參考下價錢。

栄至大須沿路都有唔少開到好夜既食肆，行到大須再坐車返去都可以

行街就難啲，榮我夜晚去留意唔到太多鋪頭開燈，甚至有啲網上介紹夜景都無開燈

幾晚行出大須商店街都真係好清靜，你去到應該十點幾十一點，可能真係無野行。

栄八點後可以行嘅鋪頭應該淨係得驚安之殿堂
上個月去完名古屋 發覺啲鋪頭真係好早閂
建議食完嘢都係返酒店瞓吧啦