十七天 即影即有日本中部（名古屋、福井、金澤、高山、岐阜市）

普通車四五小時不如搭巴士

咁一係富山，長野

唔搭特急就唔洗俾自由席費
你喺yahoo jp路線搵，可以揀唔搭有料特急

高山本線嘅車位應該唔係MTR嗰種
而係兩個兩個前向行嗰種

係咪有jp pass先會咁玩

有jp pass一定搭特急啦

推

即影相方面已經去到要影就影到lv
繼續追先

同撕拉片相遇就好似初戀一樣，錯既時間遇上合適既人
係搵到下一部適合既旅行相機之前，只會去相近國家旅行

始於未掌握到Instax既性質，對於自然風景仲未有能力用Instax影得好

但唔係喎 你啲相好正
我就真係掌握得唔好
可能十張搵張睇得吓嘅都無
唔知幾時先可以脫離燒相紙階段

Imgur真係會間中死圖要Click入去，轉GDrive應該會大好多

第十一天 甲：



一覺訓醒出面鋪滿白雪





早餐都未食就出返去高山站買新穗高纜車套票，5250Yen包巴士來回、兩款覽車來回、小食、平湯大浴場入場票。有另一款貴票係小食轉午餐。但注意，套票唔係時時有得買



纜車方面，共有兩段，後段為雙層纜車，分開買就2900Yen全程來回，所以唔洗點考慮直接買套票。一般比較難玩埋大浴場，但可以係平湯落車換小食。車程中有一個景點係鍾乳洞，只見一對日本小情侶落車參觀，不過評價唔錯。









話咁快跳到新穗高巴士站，因為未食早餐，打算係入口食埋先上去，呢個係全個行程一個重大錯誤，下面餐廳又貴份量少又難食



搵唔到肉既飛驒牛咖哩，搵唔到肉既飛驒牛飯團，同埋公仔麵 最差一餐，唔值得用咁大幅圖。





是日能見度非常差





第一程纜車同纜車站好少人停留，有一個展覽館，同浸腳池，但係一個好位置影下段雙層纜車







兩款纜車都係隔30分鐘一班，等候第二程纜車時可以係車站暖暖火，間中有伐伐伐伐伐木工劈木







上到頂先參觀紀念品店，有塊日本百名山布，行哂其實唔難，有冇巴打想同我一齊去



門口有個郵筒，平時風和日麗會擺係室外。係到寄左張明信片去賣撕拉片比我既台灣妹妹





山頂站有間大餐廳，食物選擇多，味道睇落都唔錯，建議上嚟先食，我就叫左杯500Yen，印有纜車圖案綿花糖既熱朱



山頂有幾大雪，可見：



好可愛既雪人





山頂車站有幾層，最底層有小路行出去，係整個行程最寒最多雪既地方，影左陣相手指就快斷



車站門口。



雪高過人，利申金鐘仔身高



唔係好多遊客知道可以行出嚟，始於好大風雪，亦唔多人行得太出，係山頂有咩意外都幾麻煩 上面張相雪已經堆到米五有多，前面仲有勇士行緊



再行落去真係要有充足裝備，見到一家日本人有齊釘鞋雪杖全套裝備行完返嚟，滿身雪好有型 但單拖真係唔好亂嚟，雪深近米七、米八，廢事上蘋果。

隨時雪跌落黎都夠冚住你

出口啲雪已經兩米幾高
用腳架吉吉地下積雪應該過米六

啲人行雪山真係唔簡單

會好趕下

第十一天 乙：



好快落返巴士站等車，順便係附近買左隻100Yen溫泉蛋。



坐巴士離開新穗高途經平湯落車參觀左一個鐘，本來送小食既店鋪關左門，旁邊既小賣店比我地揀枝飲品同蛋糕替代



平湯巴士站旁有個浸腳池。



沿路行落去有幾間大型溫泉酒店，不過商鋪食店都唔多。



背後風景怡人







返到高山站已經六點，行到上一晚既「味蔵天国」，雖然都有人龍，但比之前少好多，大概一個鐘之後就可以入座



上網搵返張餐牌，今次叫左最貴既餐 8980Yen，另加三碗飯，想加牛舌可惜已經沾清。雖然佢寫2－3人份量，但2人食好難食哂如此重油份既牛肉，好難想像5080Yen跟豬肉既3－4人份量有幾飽











味道真係好好，入口即溶等等唔多講，不過咁油既野一星期食一次就夠。埋單為起港幣七百幾，係香港買一半肉都無左



食飽飽行過一間舊相鋪，同老闆傾左陣計，言語不通，靠指手劃腳同一部即影即有相機大家都傾得好開心





最後一晚係高山，買左枝梅酒同梳打水就返酒店浸溫泉

推

飛驒牛

咁既21可以唔洗買飛，兼六園唔入都得

終於講到白川鄉，先放相，食完晚飯返嚟再寫









日本妹

巴打最後影左幾多張

250張

牛好肥美

第十二天 甲：



買機票時其實無諗去邊，只係想搵個地方繼續逃避
大概上年七月，剛剛離開日本，失望地睇唔到富士山，就想一月去睇下雪



搜尋「名古屋景點」，最吸引點景自然就係白川鄉。

白川鄉地方相當細，成為旅遊區後確實為居民帶來些少壞影響，最近當局決定點燈日子要限制人流，除非行路入去訓街邊，否則飛的、巴士、自駕通通要抽籤。



我亦有搶點燈住宿、巴士票，最後落空而回，後期先知香港有得買點燈即日來回車票，不過亦因為咁而揀左係點燈以外日子住一晚



鄉內最大特色就係世界文化遺產之一既合掌屋，其他資料都係睇wiki學，唔係到班門弄斧。



村內可供住宿既合掌屋只有廿幾間，而且每間提供服務日子都唔同。你可以經「白川鄉觀光協會」訂住宿，係佢名單上選十間你心目中想住既合掌屋，再根據你選既日子、人數等等，分配一間合掌屋比你。



我分配到既係近白川鄉街尾既Nodaniya (のだにや)。

9000Yen + 700Yen（冬天暖爐附加費）一位，一泊二食。比較難搞係退房時間，0900…退房後無得寄存行李，要攞返出巴士站比錢寄存

住宿旁係八幡神社前，轉彎係攝影公廁位三小屋「忠兵衛」

飲食方面後面會提到，但白川鄉內有間餐廳都提供類似款式套餐



全屋共四間客房，每間應該可以住三至四人，無門鎖，晚上有個長眼白滑台妹唔小心打開左我對門

早餐0700，午餐1800，沖涼1700－2000。只有一個浴室，我住個晚共11個客，我地飯前就沖涼，唔洗同人爭



屋主姨姨唔識英文，其實好多合掌屋屋主都唔識英文，亦係要依賴協會從中幫助既原因。但指手劃腳，大家都可以傾得好開心

推