近排情緒病發，想搵人分擔下

每日折磨緊大家

樓主加油

每日攤係床唔想出街係咩玩法

好似比疆屍咬完屍變緊
唔知幾時先變完

明 一定會咁 小事大事都好 只要令到自己唔開心就需要呻啦 有人聽你呻會好好多

點解要咁辛苦？有無得傾下解決下？

我有一個月係主要飲益力多 戈個月完全無胃口又反胃 瘦左10磅 靠益力多維生

佢係d好易燥但隔幾個鐘會好似無事發生過咁，我就要即刻講掂數戈d

ps多謝絲打

我就拖咗好多年架啦，諗起都覺得自己傻，我2010年開始唔妥，我係末代AL考生，當年好想自己一嘢考得入大學，但愈用力就愈力不從心。

然後我係拖到2016年又有事發生，先去睇醫生，咁啱嗰時搵到個朋友介紹，咁就一路醫直至而家，轉過一次醫生，因為後來覺得第一個醫生好嚴，我覺得好大壓力。

其實一直都唔妥，影響睡眠/生理，心理影響生理，生理影響心理，我覺得係唔去睇醫生會自殺/死嘅情況

我用咗睇醫生呢個方法去協助我康復。

我都試過，體重都幾反復下，試過瘦10磅。亦都試過心情好，胃口好，肥返6至8磅咁樣。

不過我比你更差，我完全無諗過飲益力多去維生

低落期，唔好逼自己出街，會有反效果

頭先約咗個外國朋友食飯，我都係對啲野食好反胃好想嘔

我拖接近18年先去睇醫生
小學個陣俾社工話我有專注力不足同情緒控制有問題
中學個陣俾同學同班耶撚恰，令我有陰影同有自殺傾向。
依家變雙失青年俾醫生確診有抑鬱症，令我想堅持食藥，唔食藥等於放棄。
依家都係靠睇醫生去幫我

戈陣係用維生心態去放野入口 番份工好需要精力 我諗益力多都幾多direct sugar俾左力量我

完全明 試過換好衫化哂妝覺得自己好樣衰飛機左朋友

有社交同出到街好現象啊

頭先有時望向屋頂就有想跳樓既念頭
個陣時真係好驚同呼吸困難

你要記住啲道大把人陪你,撐你 唔好睇唔開 有嘢拆唔掂就上嚟講 唔掂拆到掂

我釋放啲壓力出黎，但喪親之痛到依家都未能夠放得底，見朋友同見工都係頂硬上咁死頂，好想再返工賺錢但無奈地係依個時間病發

絕對明白你嘅感受
有咩想講即管講啦 等大家同你分擔下

你覺得心病食藥真係幫到咩?
老土咁講, 問題最終都係自己到, 要靠自己諗通

我嫲嫲係我八歲個陣因為cancer離開咗，當時我仲係小學生好唔捨得佢走，到佢喪禮個日我一滴眼淚都冇流過，但內心痛到好難受。記得佢在生個陣，佢成日帶我周圍去玩，又煮野俾我食。每當有親戚提起嫲嫲同俾嫲嫲張相我睇，我都會好想喊，因為我真係好掛住佢，試過係嫲嫲個碑面前好大聲咁喊，有時係度諗我地幾時會係天家再聚。
自從我嫲嫲走咗之後，我開始感覺唔到咩係開心，甚至有少少想自殺既傾向。

唔好意思，我打依篇野一路打一路忍唔住喊咗出黎

唔洗唔好意思
傷心係正常但人要往前看 我相信你嫲嫲在天都唔會想見到你咁樣所以你要振作 唔好俾個病打低

我一直以為自己已經放底咗
但其實都係未放得低
個種痛比失業、生活壓力大更加痛苦