近排情緒病發，想搵人分擔下

支持你，小弟都有啲焦慮症，食褪黑色素先瞓到，多謝你肯同我哋分享

送暖
有沒有輔導？抑鬱最好藥加輔導效果更好

輔導啦，唔係話萬能，但係幫到自己了解自己情緒，多d對生命啟發
朋友唔係個個承受到負能量

讀緊書學校有啊，再唔係上網搵出面都有

其實想問情緒病係點樣為之確診? 例如個腦有明顯病徵? 我一直懷疑自己都有，情緒起伏好大，集中唔到，一到夜晚就好抑鬱，屋企人都有病史，但唔知點。

攬攬你
雖然無確診，但我做test測到有抑鬱。每隔兩、三年就會發作，無理由無問題，但就係會無啦啦情緒低落、失眠、覺得人生無意義、孤單、無助、自己超廢。個段過程好辛苦，無人明白，同人講竟然比人笑，仲要比人唱，令自己更down。難關真係好難過，但每次行難行既路都係一個令自己更了解自己、提升自己既機會。
上次病發時望住廁所條晾衫管，諗如果係度吊頸自殺好唔好，個刻意識到自己已經有好大問題。個時好彩有朋友聽我講野，雖然佢無比咩意見我，但佢既陪伴令我好過好多。而且個時會寫下日記，分散下注意力。中午時特登去做下運動，比太陽曬下，出身汗，都有d效果。
你地既感受我好明白，其實睇呢個post時都眼濕濕，因為我都有經歷過。我成日諗，抑鬱係心理上生病，唔會斷尾，你亦唔知佢幾時再黎，比生理既病更可怕，因為你連100% sure自己有病既方法係唔存在，其實我地都只不過係病左，d人會笑我地有精神病，會歧視、忽略我地，但我地同其他人無咩分別。出於尊重，你都唔會笑一個瘸子既跛腳啦！

講咁多，都係想比你地知道，你地並唔孤單，好多人都經歷緊or經歷過，佢地會好返，你地都會，未來仲有好多美好既人事物等待你地，唔好放棄，明天總會變得更好！一切痛苦都會過去！

去APA 網check dsm5

加油

對任何事情提唔起興趣呀、失眠無胃口、無助無望等等.... 好多徵狀，但確診係要醫生，如有你自己都察覺到唔妥就快d去

仲有睇個時間持續幾耐 最主要睇你會5會影響到生活 每個人都會5開心 但如果返工返學都有影響 就要去睇下醫生

同你一樣每晚食緊安眠藥同血清素
唔知點解每年春天秋天都會情緒更唔穩定
去到夏天又會好返少少
今日醫生話我焦慮之餘仲有驚恐症
咩都好驚，好驚死又好驚唔死
每日都唔知點解好擔驚受怕
明明身邊一切如常
而家成日驚嘅時候就提自己
最多咪死，冇咩大不了
成日都提自己
諗起都有 D on9　

希望有一日我地都可以睇開
可以寬容 D 做人

https://t.me/yttt123 可以隨時搵我傾下呀巴打

我小五開始有精神分裂症
ps精神分裂唔等於人格分裂
精神分裂係有幻覺幻聽
我以前好辛苦成日想死
每個星期都要覆診
到依家病情穩定
一年大約覆三次
減左好多藥
唔同人講都唔覺我有病
同正常人冇分別
所以有情緒病困擾一定要食藥
唔食翻發會一次俾一次嚴重
希望有睇開醫生既都準時覆診食藥
慢慢就會變返正常
支持你！

下次覆診想排期睇CP
冇睇CP之後個情況時好時壞
依家失眠眼白白咁等天光
食咗安眠藥都冇用
其實每星期日都會返彌撒
但就對病情冇乜點好過

以前鍾意咗個中學同學，畢業之後間唔中都會見。
幾年前佢婚都結埋連仔都生埋，當時打擊真係好大好痛苦，好後悔冇同佢一齊。
幾年前識咗日本妹，佢都係有抑鬱症，食咗一年藥同見CP就好返，係我確診有中度抑鬱症個陣都有開解我同幫我。佢依家就黎要結婚，我再次要受到個種打擊令我好唔開心好想自殺，覺得生存係世上冇意思。

可能你對佢地抱住期望但佢地最後都各自結左婚 對你都大打擊
但呢個世界一大片森林 今次失去意味我地可以擁有更好啊 終有一日可能會搵到你另一半 只係時機未到 加油啊

俾d時間自己啦
無論藥或輔導都唔會即時見效
不過見你想死其實都危險，如果cp好耐先見一次，可以搵埋出面輔導，處理下對失去心愛的人的感受
頂住喔

好耐冇食過鎮定劑 頭先有少少唞唔到氣
食左半粒 Alprazolam (Xanax)
我覺得有啲似吸毒high high地既感覺
(冇吸過 估既)
唔想再食

我條命就爛命一條
就算死咗都唔會有人會理

依家既自己其實咩都冇哂
人又冇錢又冇人生觀都冇埋
加上要承受住好多打擊
個人唔知可以撐到幾時

人就係在乎d人地5在乎自己既人
就算人地5愛惜自己 但都要自己愛自己
我是最好的
仲有你屋企人永遠都咁支持你

其實我哋呢D外人講咩都無用, 要靠你自己, 但見到你積極幫緊自己㗎, 唔好放棄
https://www.youtube.com/watch?v=QL3T2Nzcqcs
呢首歌我自己聽完好有感覺, share互勉

⋯⋯

你地平時點去抒發負能量
我近排抑鬱發作都走去抆鼻毛，果種痛好爽，抆到上癮
不過我認為最好既抒發係講出來(前提係要有個能走入你內心世界既人)