轉數快推出一月爆漏洞 影身份證搵工被轉走10萬銀行存款

金管局上月正式推出「轉數快」服務，標榜毋須親身到銀行辦理手續，於網上即時為電子錢包增值及轉賬，懷疑成為騙徒工具。有市民於網上應徵工作時提供身份證照片及銀行賬戶號碼，當日即被轉走賬戶存款，損失由1萬多元到近10萬元不等，有受害者表示難以置信，「完全冇諗過轉數快嘅認證咁兒戲」，亦批評銀行卸責，「點解一次過咁多筆交易，銀行可以一次提示都冇？好明顯係銀行失責。」金管局回覆指，相關電子直接扣賬授權服務已暫停，事件已轉交警方調查，至今共接獲3宗投訴。

徐小姐本月初在WhatsApp收到朋友轉發的一份派傳單散工招聘，遂聯絡該名「僱主」應徵，對方要求她提供銀行賬戶號碼及身份證照片，以確認身份及出糧戶口，徐小姐不虞有詐，便提供了恆生銀行賬戶號碼，對方卻指要中國銀行戶口，她亦跟從指示。

翌日早晨，徐小姐以網上銀行瀏覽個人紀錄時，發現其恆生銀行賬戶一晚之內被轉走9萬7千元，遂即時到分行查詢，銀行職員指是她本人發出的指令，分18次將款項以轉數快形式增值至支付寶賬戶，「但我冇做過，本身都冇支付寶、亦冇開轉數快，完全唔知佢點開到」。徐小姐遂嘗試以提款卡號碼開設支付寶賬戶，卻發現已被別人佔用。

一星期後，徐小姐收到中銀寄給她的信件，指確認其建立自動轉賬的通知，「我冇開過」，她指幸好中銀賬戶內本身只有400元存款，「可能係太少錢佢哋冇興趣」。徐小姐對銀行的處理手法十分不滿，「中銀封信成七日後先寄嚟，都遲晒啦，唔係應該打電話嚟確認㗎咩？恆生就一個通知都冇，點解唔使本人、唔使密碼都可以開到自動轉賬？點解一次過咁多筆交易，銀行可以一次提示都冇？好明顯係銀行失責。」

徐小姐指已向金管局投訴，及向警察報案，「警察唔知查成點，而家好徬徨，都唔知點算好」，而恆行銀行則指個案正在調查中，「真係好危險，完全冇諗過轉數快嘅認證咁兒戲」。
另一名苦主陳小姐（化名）同於本月初在Facebook散工群組應徵一份文職，並按對方要求提供匯豐銀行賬戶號碼及身份證照片，對方再要求她提供中銀戶口，並要求她在中銀網上銀行開設轉數快服務，她應要求照做，豈料當晚匯豐及中銀戶口分別多次被轉走共9千元及3千元。

陳小姐翌日到匯豐及中銀分行查詢，銀行職員均指有關轉賬指示由她個人發出，以電子錢包「拍住賞（Tap & Go）」用轉數快方式增值，「我收唔到交易提示，冇電郵、冇短訊，畀人過咗錢，如果唔係我自己睇網上銀行，我完全唔知發生乜事」。

陳小姐表示，她曾三次到警署報案，惟被警察質疑她「自編自導自演」，「佢哋話你點證明人哋係騙徒？」要求她向銀行索取「非銀行系統出錯的異常交易」證明，銀行亦指有關交易已確認其身份，她反駁「見工畀個人資料好正常，同埋如果有人唔見咗銀包咁點算？銀行同警察都想卸責！」

陳小姐後來嘗試開設拍住賞及八達通O!ePay服務，發現均不知情下被人以她的身份申請了賬戶，惟該賬戶的登記電話號碼並不屬她。

記者日前開設八達通O!ePay賬戶，其頁面均顯示以「電子直接付款授權服務」現已暫停；支付寶則顯示「銀行賬戶綁定服務暫停」；而拍住賞則指需兩日確認賬戶。

金管局回覆指，相關電子直接扣賬授權服務已暫停，事件已轉交警方調查，至今共接獲3宗投訴。各大銀行、各電子錢包服務提供者及警方至截稿前未有回覆。

香港搞fintech

咁以前搵工交嘅資料咪

rip

掃地雜工執到已經可以

其實轉數快未必係問源頭喎
由恒生轉帳, 要本身登入到恒生個銀行 ac 先
即係本身個 ac 都可能比人盜用, 咁樣就算唔經轉數快都可以轉走d錢啦

寧宜家咁撚多呢啲
alipay、支付寶、wechat、payme、轉數快、tapngo、oepay

睇撚到頭都大埋

愈方便就愈易比人hack

而家唔係你唔用就會冇事，人地憑張身份證嘅相同個户口號碼就可以㩒走你d錢，都真係幾恐怖下

中銀唔login ebanking 可以登記轉數快？

唔關轉數快事啊，要入到ebanking 先用到fps喎

似係用受害者張身份證相去實名電子錢包，跟住用電子錢包申請eDDA,銀行批左就轉錢走

點會得身份證同銀行戶口就轉到錢啊？
佢ebanking用身份證做密碼 ？

我都諗唔明點樣用身份證副本就可以轉錢走

我都諗唔明，正常申請要入bank account 認證

洗唔洗幫你捉埋賊帶到差館呀on99死差佬

應該係用eDDA

電子直接付款授權服務　用戶可綁定多間主要銀行的銀行卡
用戶可透過電子直接付款授權服務（eDDA）直接綁定來自本地多間主要銀行的銀行卡，進行實時支付及為錢包進行線上增值，為日常生活如購物、餐飲、交通和速遞服務等方面帶來更便利的體驗。

肯定又有IT 要問責了

唔洗登入ebanking都用到？

咁你申請普通DDA又駛唔駛去銀行搞

用得大陸閪APP都預左有今日