［新手/穿越］執房嗰時搵返部Sony Ericsson推蓋手機

係 成日爆瘡 攤下唔好碌電話喇 咁早起好辛苦 絲打加油

輕輕一推

推

好睇呀 支持支持

多謝支持

比負皮嘅巴絲可唔可以比啲意見我啊 等我寫好啲

37.

大概是卓行忙着比賽，臨近陸運會完結，他才發了一個短訊給我。

「快啲上黎！」

沿着看台樓梯走到盡頭，只有一條長長的通道，難道——

「你過黎做乜啊？比prefect擇名㗎！」

我跑上樓梯，看到卓行躲在石柱後，由下面看上來不會被人輕易發現的位置。這條通道連結了所有看台，可以讓四社的人來回走動。不過學校正是看穿了我們學生的詭計，這裡不時都有prefect和老師巡邏，捉拿違規學生。

「比賽完無聊嘛，你睇下！」

卓行伸出右手，他的手指意外地修長，一塊獎牌躺在他厚大的掌心上。

「嘩！你真係攞左牌！」

「推鉛球拎到銅牌，擲鐵餅得第四，差少少咋！」

「已經好勁啦！下年你一定可以攞金牌！」

我拿起他手上的獎牌端詳許久。本來我在運動方面就很弱，直到有一年我在長跑項目中得了最後一名，我便知道自己是個運動白痴，努力也沒有用吧！從前還是有點羨慕同學能在陸運和水運取得大大小小的獎牌，畢竟自己辦不到。

「我都係咁諗，下星期餐晏，我嘅！」

「多謝姚選手，咁我唔同你客氣㗎喇！」

「想食乜啊咁？」

「雞蛋仔、格仔餅、冷麵、章魚燒...」

在我們聊得興起之際，遠方的prefect似乎注意到一抹黃色的身影，正在朝這邊走來。

「喂快啲走啦你，prefect黎緊！」

「一陣等埋我返去啦，門口等。」

看着他匆匆離去，內心有種異樣的感覺，一次比一次強烈。

一入黎就有文

晏啲再update

好啊

又有文啦

38.

陸運會暫時完結，大家各自踏上歸途。允健立刻找清清，幫忙她收拾物資，並送上午息時特意買的蜂蜜雪梨水；Jessie跟Paula結伴回家，原來她們從小就是鄰居，關係親密得像姊妹一樣；謙少趕着到網吧玩跑online，琪姐居然陪他一起瘋，果然是好同桌。

而我，站在運動場出口，等待他。

人群中，我一眼就認出他笨拙的身影，藍色背包帶跟黃色運動服不太相襯，光滑白皙而粗壯的雙腿正在急步走來我的方向，

「Sor，等左好耐啊？」

「我都係早你兩分鐘姐，行啦。」

我學他一樣撒謊了，因為我想起那段一起上學的日子，還他一個十五分鐘吧。

「去食個tea？有啲餓。」

「你真係，成日掛住食！」

「做完運動特別餓㗎嘛！行啦，去屋企樓下間車仔麵。」

我們走到車站，已經有一大群學生聚集，看來會是漫長的等待。

「話時話，我覺得你呢排，瘦左少少。」

「真係？」

「塊面無咁包，整體望落感覺無咁腫囉。」

「我每晚都有落街跑步嘛。」

「做乜咁神心，日日跑？」

「又係你叫我減肥嘅。」

「咁你真係聽我講？」

卓行輕拍我的頭，一股電流直搗心臟，我有點吃驚，卻還是裝作鎮定，無視他溫柔的舉動。

沒有回應，或者他的行為就是一種回應。

他自顧自說起其他事，有點刻意的轉移話題。我不會追問，免得自討沒趣，這一點我還是很清楚他。

然後我發現，對他，好像怎樣也還不清。

好好睇

多謝支持

睇到我想讀多次中學 雖然我係讀女校

中學真係好青春 好奇一問 讀女校會唔會同男校有啲聯校活動咁

好青春
睇到好懷念中學個陣

聖誕個陣su會搞聯校Christmas ball 但啲質素通常都

希望大家睇完個故都會諗起美好嘅回憶

快d出多幾篇黎頂下癮先啦

原來如此 其實男女校嘅質素都 不過一班人係好玩得好開心嘅

一陣出多篇 希望可以每日出到三篇

有用過一定會明
我都想知 跪求比負皮嘅巴絲比意見我