［新手/穿越］執房嗰時搵返部Sony Ericsson推蓋手機

多謝你啊 好感動 我都會繼續寫落去！

加油呀

點解我會入左黎

好好睇 live留名

推呀
推呀
推呀

寫得幾好 如果唔知主角係廿幾歲穿越既話

好好睇呀
回憶返哂黎 加油

新舊讀者都多謝支持啊

因為我啲對話寫得太細路

輕輕一推

可以加d 廿幾歲心境點睇初中既對話，行為既內心戲，除左唔小心講左啲未來既野之外，都可以係對話中透露成熟（除非未穿越前都唔成熟啦 )

多謝巴打意見 我會加返多少少敘述

以前會為左啲朋友轉台 PCCW無朋友 轉左去人仔 好懷念

same here 但因為有一兩個friend係pccw 我又買多張電話卡

31.

才剛踏入課室，已經看見清清他們圍着我和卓行的位置，好像在討論甚麼。

「嘩，你爬上黎㗎？頭先肥仔話樓下見到你，咁鬼耐㗎。」

「佢之前整親嘛，所以我都費時等佢，自己上黎先。」

「你地一朝早傾緊咩啊？」

「講緊陸運會啊，下星期五就係喇！」

清清顯得相當興奮，她說以前小學都沒有辦陸運會，這算是人生第一次的陸運會。她加入了啦啦隊，本來我跟她一起報名的，幸好腳傷來得及時，我便推了這份吃力不討好的活。年少無知總會被學姐欺騙，啦啦隊的確很有趣，但在我的人生中試一次便足矣，我不想再失聲一星期，四肢累得不屬於自己一樣。

順帶一提，我們學校有四社，分別是紅、黃、藍、綠社。我跟清清允健都是紅社，卓行和謙少是黃社，琪姐則是綠社。

「你地三個女仔應該無報咩項目㗎啦？我同肥仔就報左三樣！」

「我報左400米同800米。」

「琪姐，睇你唔出喎。」

「咁你地報咩咁勁啊？」

「擲鐵餅，推鉛球同100米。」

「車，我地班個個男仔都報呢啲㗎啦，夠hea嘛。」

「你唔好睇小肥仔驚人嘅臂力啊！我睇好佢拎牌㗎！」

腦海中閃過卓行替我揹書包的畫面，看起來的確毫不費力，反而跑步才會考起他吧！

「咁卓行又真係幾大力嘅...」

「其實我想問好耐㗎喇，點解你近來都叫佢卓行嘅？」

謙少一問，他們都把焦點放在我身上。

「咁...你地成日嗌佢肥仔佢唔會減到肥㗎嘛。」

「關咩事，佢又無話要減肥！」

眾人向我投射刺熱的目光，一時之間我也想不出怎樣解釋。

「唔係啊，我要減啊。」

卓行一臉認真的說道，剎那間我卻看到他在偷笑。

「下？無啦啦減咩肥？」

「減定差唔多㗎喇，遲下都要溝女㗎嘛。」

五個人翻了大大的白眼。

32.

「做咩幫我解圍」

我把紙仔傳給旁邊的卓行。

「費是佢地諗多左姐」

「唔該晒haha」

「但我都想知，做咩唔再嗌我肥仔」

「我想往後回憶返，記得嘅係姚卓行，而唔係邊個都可以做嘅肥仔」

「突然咁認真@@」

「純粹覺得呢段時光好珍貴，想好好記住」

「多謝你」

人越大，便會發現能叫出你全名的人並沒有幾個。連彼此的名字都沒能記住的關係，大概連朋友也稱不上吧！生命中來來回回的人太多了，重要的人，值得你記着他的名字，叫他一聲「卓行」。

沉悶的英文課還在繼續，我和卓行之間的互動也沒有停止。我們說起台劇日劇，聊着生活的趣事，思考着午飯吃甚麼好，這一小時二十分鐘的課，被藏在grammar in use下大小不一的紙仔填滿。

然後，捱過了漫長的上課天，來到陸運會的大日了。陸運會分開兩天舉行，我們學校特意安排在星期五和一，好讓同學中間有兩天休息時間，十分體貼。

啦啦隊員一早就來到運動場更衣準備，紅色V領毛衣配上黑色百摺短裙，黑色及膝長襪上有兩條紅間作點綴，女生們束起高高的馬尾，戴上紅色蝴蝶結頭飾，可愛之餘帶一點小性感。

允健看着清清，視線已經離不開。

「眼甘甘咁望住我，我着得好怪啊？」

清清雙頰泛紅，用嬌嗲的聲線詢問允健，他卻說不出話來，完全是當機狀態。

「你睇佢嗰樣就知，係比你嘅美貌驚呆左啦！」

「係...啊唔係！唔係唔係！你咁着好好睇啊，唔怪唔怪！」

清清禁不住大笑，語塞的允健的確少見，還有他不知所措的樣子，少男心事早已藏不住。

「知喇知喇！完左再同你地影相，我要落去練習喇。」

「啊...係啊，我今朝沖左蜜糖水比你，仲暖㗎，驚你嗌到沙聲啊...」

紅色的保溫瓶，滿滿的愛意。

「真係比我㗎？多謝你啊允健，我一定飲晒佢！」

從清清輕快的小跳步可以看得出，她很幸福。

我和允健坐在看台較高的位置，整個運動場都看得一清二楚。因為我們要分社坐的關係，大概要等到午飯時間才能跟卓行他們會合。

經過一輪校長致辭、唱校歌的時間，陸運會終於開始。擲鐵餅和推鉛球的場地都在看台對面，唯有在徑賽項目替他們加油吧！既然未有賽事觀看，我和允健便聊起來。

「上次你咪話同清清表白嘅，諗成點啊？」

「我本來諗住約佢平安夜出街，但佢話唔得...」

「竟然？點解啊？」

「太夜屋企唔比。不過，佢話聖誕節日頭可以出黎！」

「係到賣關子，今次得米啦，正日都肯同你出！」

「但我仲未諗到買咩禮物啊，女仔鍾意咩㗎？」

「你知唔知你比起其他男仔優勝嘅地方係咩？」

「唔知喎...」

「係你嘅心思，你識得沖蜜糖水比清清，我相信你都會諗到送咩。」

允健似懂非懂的點頭，我的手機亦震動了一下。我打開背包，裝作找東西，偷偷查看電話。

「好悶啊-_-」

睇完頭兩章見到「他媽的」同「幹」都知唔洗睇落去

唔係台灣用語嗰啲黎咩 不過純粹係嗰刻打到 無乜研究呢啲字眼 如果令你睇得唔舒服 唔好意思 不過之後都係劇情為主

輕輕一推

多謝支持 晏啲更多篇

顧好自己生活先呀

33.

黃社在最左邊，我們紅社在最右邊，這意味着我和卓行此刻相隔最遙遠的距離。

「同謙少吹下水嘛」

「佢煩住我咋==」

「咁又係，佢啲爛gag真係好難頂- -」

「你明㗎啦」

「咁你又唔怕我煩」

「呢啲野相對㗎姐」

「車，咁我同允健吹水囉bye~」

「哦！你唔怕清清呷醋啊」

「清清先無咁小器- -定係你呷醋咋」

「I am not gay」

我不禁失笑，惹來允健側目，我便把手機放到他的背包裡讓他看。

「乜我鍾意清清嘅事...咁明顯咩...」

「大家心照不宣姐。」

「不過呢，其實你係咪有少少鍾意左卓行？」

「嘩轉話題轉得咁快，唔係啦...」

我想不是吧，其實我自己也不太清楚。人有很強的依賴性，當你習慣了某人的存在，習慣了對方對你好，慢慢就會開始依賴對方，但這不等於喜歡，不一定是愛情。我不希望因為一時的錯覺，而破壞我們現在甚至將來的關係。

有些人，輸不起。

「只係感覺卓行好關心你，而你又好在意佢咁...」

「佢係嗰啲好重視朋友，默默對人好嘅人黎，所以佢唔止係關心我，其實佢對個個都好好。」

「你好似好熟佢咁喎。」

「係觀察入微姐，哈哈！」

「你話無野就無野啦，有時個心自然會話你知答案。」

「嗯...或者係啦...」

然後，一百米的賽事開始集合，卓行也沒有回覆了。初賽人數眾多，跑完一場又一場，我也分不出哪些是我們認識的同學。直到我看見一個落後很多的身影，用跑長跑的速度跑一百米。

「你係行緊一百米定跑緊一百米」

大概十五分鐘後，電話再次傳來震動。

「你有睇？」

「唔小心見到有人落後太多~」

「跑步唔係我強項姐- -諗住拎下參與分」

「咁一陣田賽無藉口唔攞牌啦^^」

「拎個銅牌都唔成問題嘅」

「咁大口氣，仲有中二嘅人可能好勁呢haha」

「我都唔弱㗎」

「攞牌請食飯啊下」

「一言為定」

今天主要進行徑賽初賽和田賽，星期一的決賽、班接、社接和師生接力才是看點。後來允健也要參加800和1500米賽事，看台上只剩下我一人。

陸運會上沒有同社的朋友，是一件非常孤單的事。

我左看右看，嘗試尋找認識的人，就讓我看到Jessie！我立刻移動到下幾行的位置，跟Jessie打招呼，她知道我只有一個人便示意我坐下來。她旁邊還有一個很眼熟的女生，但我一時之間也想不起來。

「佢係Paula，我小學同學，D班㗎！」

對了，Paula就是卓行的初戀女友。

今晚好似好靜局 有咩意見感受記得講我知啊

係到 今日遲左黎搵你