170 Like
40 Dislike
人生的旋轉木馬
2018-10-24 03:13:26
最緊要你有睇到 聽日繼續update
咸的調味粉
2018-10-24 03:32:52
Lm
人生的旋轉木馬
2018-10-24 10:19:56
未來見
2018-10-24 12:06:29
加油
人生的旋轉木馬
2018-10-24 12:47:48
多謝支持
今晚繼續更文
你叫我啊?
2018-10-24 15:33:18
推啊推
人生的旋轉木馬
2018-10-24 18:11:08
34.
早在我跟卓行熟絡之前,Paula和他已經是級上有名的緋聞情侶。她才華洋溢,唱歌跳舞都是她的強項,學業成績也好,雖然不是典型的美女,卻是一個很有活力、氣質出眾的女生。
本來我跟Paula也不太熟悉,想不到回來了反而有機會讓我們認識。
「Hi~我叫趙寶拉,叫我Paula得喇!」
「我係芯言,之前學校旅行同Jessie一組嗰時識㗎。」
「喔...你係咪扭親腳嗰個女仔?」
「睇黎全級都知我啲瘀野,哈哈!」
三個女生聊天的時間過得特別快,Jessie和Paula都是健談外向的人,有時我只是聽着他們說話也感到很有趣。來到這裡已經一個月,早就習慣了每天和一大班人相處、玩樂。初中生的話題比較單純,不用擔心前途問題,或者是投資儲錢買樓甚麼的,每天要煩惱的只有中午吃甚麼,功課能不能趕在小息前完成,和一些戀愛八卦事。
每個階段都需要面對不同的問題,本來是final year的我,每天都想着將來要找甚麼工作,我的理想興趣又是甚麼,壓力大得喘不過氣來。從前覺得讀書的時間很漫長,卻不知學生時代也會有完結的一天。
而中學的時光,便是我二十二年來最為珍惜的。那種純粹的快樂,不知天高地厚的膽量,還有陪你捱過DSE的同班同學,一起揮灑過青春的汗水,我以為已經是無法觸及的過去,再一次重現眼前。
歷史又會被我如何改寫呢?
「芯言,就放飯喇喎,你同唔同我地一齊食啊?」
「唔喇,約左人,下次丫!」
「好啦,下次搵埋肥仔佢地!」
聽到Jessie提起卓行,心中不禁有點失落,我不太想Paula跟他認識,至少不是現在。我希望在卓行中一的回憶裡,記起的是他的同桌,而不是跟初戀相遇。
我可不可以自私一點?
人生的旋轉木馬
2018-10-24 21:38:23
35.
除了清清要留在運動場跟啦啦隊一起吃飯盒,我們一行五人決定到附近的小商場覓食。因為四社相距甚遠,足足等了十五分鐘才找到大家。正當我們準備離去的時候,我卻聽到命運的呼喚。
「喂!你地去邊食啊?」
Jessie在不遠處向我們揮手,而我只看到她身旁的Paula,像正午的陽光般刺眼。
有些緣份,不能輕易切斷。
「我地諗住去xxx商場二樓掃街啊,嗰到好多小店㗎,一唔一齊?」
謙少看到女生,馬上邀約,Jessie爽快答應,我不禁嘆氣。卓行似乎注意到我的表情,悄悄地走到我身邊,我們越走越慢,落後了一段距離。
「唔想一齊食?」
「我有咩理由唔想?」
「我都唔知,但你一見到Jessie,好似唔太高興咁。」
「你信唔信命運,或者緣份㗎?」
「姐係點?」
「人與人之間嘅相遇都係必然,因為一啲目的,某啲人先會走到你身邊,可能係陪你,可能令你成長,可能令你經歷痛苦,時間或長或短,最後都會離開,你信唔信?」
「所以...你同Jessie咩事?」
「無,無野喇。」
卓行低頭不語,樹葉被微風吹得沙沙作響,小鳥的叫聲,人群的笑聲、腳步聲,汽車的引擎聲,世界的聲音胡亂地交織着,只餘下二人沉重的呼吸聲,各懷心事。
「或者相遇係必然,但故事只可以自己編寫,人生又無劇本,我覺得有啲野係可以努力,所謂目的都係人自己賦予。」
「就好似我地做左同班同學,已經係事實,但係我地可唔可以變熟,係取決於我地,我係咁樣理解。」
我有些吃驚,想不到他在認真思考我的問題。其實我不需要答案,或者說我一早知道答案,只是懊惱着怎樣走完過程。
我正在努力改寫允健和清清的劇本,卻無法改變卓行和Paula相遇的必然。
「你又知你努力緊嘅唔係既定嘅劇本?」
「唔知㗎,但如果我努力左,得到我想要嘅野,本來係點仲重要咩?」
「咁所以你覺得,命運並唔存在?」
「命運都只係人賦予意義,唔重要。」
我陷入沉思。
Shass
2018-10-24 21:57:59
加油
人生的旋轉木馬
2018-10-24 22:20:54
多謝
晏少少可能up多篇
人生的旋轉木馬
2018-10-24 23:56:21
36.
或許正如卓行所說,所謂命運並不重要,既然知道不會按着劇本走,也不需要介懷劇本是否存在。
有時候就是想得太多,自己也糊塗了。
最後我們跟上大隊,回復嘻嘻哈哈的模樣。Paula已經跟謙少他們混熟了,一點都不見外,這大概也是她的個人魅力吧。穿梭在各式各樣的小食店,我們很快就填飽肚子,起程回到運動場。
一路上卓行和Paula亦沒有甚麼交集,最後各自回到看台,結束了他們平淡的第一次相遇。相遇不等於能相戀,在原來的故事中,卓行一定有在努力吧?
如果主角換了,又能寫出怎麼樣的故事呢?
下午的賽事正式開始,允健還參加了跳高項目,沒多久又離開看台。我們三個女生繼續聊着天南地北,意外地投契。
「芯言,你同頭先肥肥地個男仔好熟㗎?」
「坐我隔離,算係幾熟啦,做咩啊?」
「感覺佢好似好cool咁姐,唔係好敢同佢講野。」
在老掉牙的愛情小說裡,男女主角大多看對方不順眼,因誤會而了解,因好奇而相識,如果這是定律,Paula和卓行注定是個愛情故事。
「識落你就會知道,佢係一個善良嘅人,好為人着想,好細心,好真誠,係一個不可多得嘅好朋友,好得人鍾意嘅肥仔。」
「聽你講都覺得好真誠,哈哈!有機會一定會好好認識佢。」
環環相扣。
說好的冬天?
2018-10-25 00:54:45
好唔想比佢地識呀
人生的旋轉木馬
2018-10-25 01:43:46
未到結局 所有野都話唔埋嘅
哀家
2018-10-25 02:12:08
輕輕一推
每日都有入黎睇架
比心機
你叫我啊?
2018-10-25 02:18:11
今日好多文
btw到底肥仔係咪鐘意主角 係既話點解肥仔唔開口
人生的旋轉木馬
2018-10-25 02:40:28
多謝支持
有人睇係我寫落去嘅動力
素素
2018-10-25 02:42:52
好睇
人生的旋轉木馬
2018-10-25 02:44:45
人生的旋轉木馬
2018-10-25 02:46:09
多謝支持
你叫我啊?
2018-10-25 02:46:15
嗚 好可惜
唔想卓行比第二個搶走
人生的旋轉木馬
2018-10-25 02:50:28
我都唔想
你叫我啊?
2018-10-25 02:52:56
btw咁夜仲唔訓
人生的旋轉木馬
2018-10-25 02:56:05
你叫我啊?
2018-10-25 02:57:55