［新手/穿越］執房嗰時搵返部Sony Ericsson推蓋手機

LM

10.

縱然閉上雙眼，我仍能感覺到今早的陽光格外刺熱，甚至有一種悶熱的感覺，鼻子也癢癢的...

「嘩！搞乜！？」

母親放大的臉把我嚇壞了，她竟然在探我的鼻息，還壓着我半邊身體，怪不得這麼熱！

「我叫左你好多次喇，一啲反應都冇，驚你死左啊！有冇唔舒服啊？」

「琴晚訓唔好姐，依家幾點？」

「七點半喇，再唔起身真係遲到㗎喇。」

我立刻起床，鏡中的少女比昨天好看多了，一頭清爽的秀髮節省了不少梳洗時間，我正式宣佈：以後可以多睡15分鐘。

8:00 a.m.
安全達陣。

踏入課室，全班看着我，鴉雀無聲，然後——

「嚇死人咩，以為係梁sir啊！」
「我未做完grammar in use啊，有邊個識做？」
「收數學簿！後面快啲傳上黎！」
「學校旅行回條傳比我啊！」

我好像從未存在過一樣，時間再次運行。

看到允健和清清一起坐，我才想起調位的事。我的新座位在中間近窗那行的第三排，同桌是全班最肥的肥仔，姚卓行。

卓行絕對不是惹人討厭的死肥仔，他是個有個性的肥仔，人稱冷面笑匠，還是個有問必答的學霸。

肉肉的雙頰是我對他最深刻的印象，絕對是一眾姨媽姑姐看到後便不能自拔、愛不釋手的臉。肥仔十分整潔，他每天都會帶體育服更換，好讓他在午息時可以盡情打籃球。更厲害的是，肥仔眼界神準，身手出奇地靈活，同學都爭着和他組隊，可謂打出了一片天。這是昨天肥仔親口告訴我，還得到前方謙少的認證。

我是很相信他說自己整潔的部分，至少昨天一整天也沒看過他大汗淋漓拿着泛黃小手巾擦汗的樣子，午息回來後依然很清爽，沒有汗味。

仔細看他的臉，會發現他的眼睛很美，外雙眼皮下偏啡色的大眼珠，好像會說故事一樣，是真誠的目光；雖然鼻頭肉感十足，卻意外地擁有高挺的鼻樑；一排亮白的牙齒藏了一對小虎牙，所以我會說他很可愛。

所謂潛力股。

我睇緊嫁 唔好比佢停

好感動 晏少少up多篇，今晚繼續寫

啲中學回憶返哂嚟 同一個年代睇得特別投入

好掛住中學時代

11.

「剪左頭髮？」

肥仔抬頭看我一眼，便繼續沉醉在他的數字世界。

「咁勁嘅，咁都留意到？」

我還以為男生永遠看不出女生髮型上的改變。

「傻嘅先會睇唔出。」

肥仔一臉無奈，我禁不住笑了。對呢，本來及腰的長髮現在只剩下一條小馬尾。

「sor，係我白痴。」

我放下書包，拿出數學簿，拍拍前面的同學，示意讓她傳出去。她向後伸出左手，卻堅持不回頭。

「都睇得出。琪姐做緊英文啊，咪搞佢啦你。」

「咁留意人做緊乜，肥仔係咪鍾意左人！」

「我夠知你剪左頭髮。」

「唔通你...都鍾意我？」

我裝作害羞，一邊把數學簿交到琪姐手中。順帶一提，陳麗琪是我們班的大家姐，很照顧同學，就是成績不太好。

「...」

我深信肥仔翻了他人生中最大的白眼。

與此同時，梁sir霸氣登場。

「遲啲秋季大旅行，六個人一組，比你地自己分組喇，第二個小息前將分組名單寫好，男班長收齊拎落教員室比我！」

全班起鬨，七嘴八舌的討論分組，用老師的話來說，就是吵得在走廊也聽到我們的叫聲。

允健和清清立刻轉過身來，我們交換了眼神，我指着身邊的肥仔和琪姐，他們點頭。

「肥仔、琪姐，同我地一組丫？」

「無所謂。」
「加埋謙少啦，你地三個嘛，啱啱好六個人。」

人稱謙少，是他在跑online的名字，剛升上綠飛鞋(順帶一提，我只是紅拖)，年紀輕輕算是混得不錯，班上等級最高就他了，全名王浚謙，琪姐的同桌。

「成交！」

我跟允健打眼色，他舉起「ok」手勢，輕鬆完成分組。

「好喇停喇，你地小息再分組，依家打開數學書Ch.5...」

不知為何，我有一點期待這個秋季大旅行。

12.

一天易過又食lunch，今天我們還叫上肥仔、琪姐和謙少，老地方權記，談一談我們的秋季大旅行。

「其實我地去邊？」

謙少抓抓他自然捲的短髮，我好像沒有說過，他長了一張小狗的臉。

「F.1近近地，去大棠燒野食啊！你有冇簽回條㗎？」

琪姐一手拿起六對筷子，放進熱茶裡清洗，還白了謙少一眼。

「一睇就知佢琴晚掛住跑，冇睇過通告啦！芯姐，你地真係要搵佢入組？」

「你地唔係波友黎㗎咩，謙少，肥仔要拋棄你喇！」

「我地最佳拍檔，佢點捨得。咁我地分組黎做乜姐，要買燒烤野食嗰啲？」

「蠢唔晒。」

肥仔為謙少留下了相當友善的評價。

「唔一定嘅，野餐都得，一人整一樣野食囉！」

「允健你識整野食？」

清清臉上寫上「崇拜」二字，看來戀愛的幼苗已經開始萌芽。他們該好好感謝我成熟的靈魂，這棵幼苗就由我來守護吧！

「唔太識喇，要阿媽幫手，整啲簡單嘅就得...」

「咁都係燒野食啦，旅行前一日約埋去買野食咪得！」

「我by琪姐，秋天燒野食最開心，我地分開三組，允健同清清買蔬菜同丸類，我同肥仔買肉類，琪姐同謙少買其他燒野食要用嘅立雜野﹑燒烤叉嗰啲，OK?」

「K，就咁啦，男仔做咕喱，女仔諗下買咩，唔好買太多，費是食唔晒。」

此時，餐桌上放着六碟干炒牛河，本日精選學生餐包熱飲只需$25，凍飲加$2，另外送六碗湯，青紅蘿蔔煲瘦肉，雖然只是味精湯，還是便宜到不行。

肥仔已經忍不住開動了。

「肥仔，你有無諗過減下肥，我睇好你㗎！」

「你有無諗過增下高，我都睇好你㗎！」

「我會高到161㗎！」

「你又知？」

「我...估我會。」

我心跳加速，還被口水嗆到了，咳了兩聲，差點就說錯話！

「你睇你，講完自己都心虛啦！」

「車！食野啦你，肥死你啊！」

肥仔專注於眼前的牛河，有一秒，我看到他靦腆一笑。

Lm

風間巴 我有睇你之前寫嗰個純愛故

我果個好悶 你呢個精彩d
快d 寫

多謝支持 我會堅持日日update㗎 應該會寫得幾長 希望有人繼續睇

13.

終於來到秋季旅行的大日子，這也是我們1A班第一次班活動。同學們很早就來到班房，圍了不同的圈子聊天，談論彼此的衣着，難得一天可以穿便服，看得出大家都花了不少心思打扮。

允健和清清一早來到，允健穿了藍白間長袖T-shirt，配上黑色長牛仔褲，比穿卡通Tee的男同學多了幾分成熟感；清清則穿了白色淨色T-shirt，有蕾絲花邊作點綴，配上淺藍色運動長褲，十分可愛。

他們說起昨天買食材的事，說得眉飛色舞。

「琴日佢係咁夾啲丸，好似唔洗錢咁，唔係我阻止佢，大家今日食丸飽。」

「咩喎，人地唔知預幾多嘛！」

「所以，我幾重要呢你話。」

「係喇，無左你唔得添啦！」

清清的聲線比平常高了兩度，亳無疑問，她在撒嬌。才一個星期，我已經感受到他們之間流動着一股旁人無法進入的氣場，看來他們渡過了一個愉快的週末。

「咁芯言呢？你同肥仔買成點？」

「無啊，原來肥仔同我住同一個屋苑，去左附近個街市，好快買完啦！」

「唔見你拎野返黎嘅？」

「我講左話一人拎一袋㗎，係肥仔話佢拎就得。」

「Wuuuuuuuu」
「Wuuuuuuuu」

「Wuuu晨早流流有咩八！講埋比我地知啦！」

謙少一蹦一跳的走過來，圍着我的枱，一臉興奮。

「你就唔啱啦，咩都比晒琪姐拎，學下你好兄弟man啲先得㗎嘛！」

「清清此言差矣啊，琪姐有人車返學，我先叫佢拎咋，我住得遠嘛。」

「琪姐你屋企好有錢㗎？」

「唔係啦，老豆知我今日學校旅行，返工順便車埋我咋嘛。」

「都話我無辜㗎啦！」

他們幾個打打鬧鬧，我則把電話放入櫃筒裡偷偷發信息給肥仔，對了，他也是人仔台。

「肥仔訓醒未？洗唔洗落黎幫你拎野啊」

「唔洗啦，嗰少少野==」

「去到邊啊咁XD」

「就到」

「9點50分喇，行快啲啦」

「-_-」

「到未姐？」

「1分鐘可以行幾遠啊小姐？」

「都叫你減肥㗎啦XD」

「你增高我咪減肥」

「=3=」

「」

秒覆。

如果可以出多啲文就好

會想我一次過出多幾篇定每日出一兩篇啊
聽日後日我都有野做 一得閒我就會寫文㗎喇
不過有人追緊故好開心

好 加速寫緊㗎喇 多謝支持

等緊你個故架

可以比下意見我㗎 另一個好重要嘅角色都未出現 敬請期待

我覺得還好 個flow岩岩好啊

好 星期六我就好得閒寫野喇

通常逢星期幾更新一次?

寫左兩日咋其實 本來想日更 但我發現真係有啲難度 盡寫