［新手/穿越］執房嗰時搵返部Sony Ericsson推蓋手機

73.

晚上，母親弄了我最喜愛的豬肉蛋，整個人胃口大開，父親還買了熱騰騰的紫米露糖水，一家人分享着幸福的味道，煩惱頓時一掃而空。食物可以帶來好心情，家人就是治癒心靈的存在。

中四那年我開始到屋宛附近的琴行學結他，所以房間裡多了一部木色結他。學了一年多我便暫停了，想專注於DSE上，一直到上大學以後，才自己上網看影片繼續學，基本的掃chord勾弦也是熟練的。難得今天沒有人發短訊給我，我把心一橫關掉手機，投入音樂世界。

腦海中突然彈出一首歌，是周杰倫的《妳聽得到》，這是一個關於他與來自電波空間的聲色傳送員的愛情故事。想到這首歌，純粹是因為在電話裡頭住了人這個概念，不是跟我的情況很相似嗎？神秘人大概從每一個短訊中讀懂我跟各人的關係，為了某些目的，才把我送到不同時空。如果神秘人真的聽到，我只求他能給我一點提示，讓我在錯綜複雜的關係中找到出口。

「嘩，學咗幾個月就咁勁喇，彈到成首歌喎。」

母親站在房門聽着，讓我有點不好意思。

「哎呀，唔好聽啦，怕羞，哈哈。」

「有咩好怕羞喎，以前細細個你成日表演㗎啦，大個先嚟怕羞。」

「咁你眼甘甘望住我好怪㗎嘛。」

「咁你唔好閂門啦，等我係廳都聽到你彈。」

大概是自己待在房間裡關上門的時間越來越多，母親才會這樣說吧。

「好啦好啦，我唔閂。」

然後，我足足彈了一個多小時，手指傳來一絲疼痛感才捨得停止。母親聽見音樂停了，立刻走進來興致勃勃的誇獎我，看着樂得很，我的心情也跟着放鬆了。

直到睡前，我重開電話，一下子收到數條短訊。

來自卓行：3個新訊息
來自資逸：2個新訊息
來自殷殷：2個新訊息


從來都是，環環相扣。

Weekend話咁快就完
聽日就要回復一日一更
多謝有繼續睇故推post留名嘅大家
新讀者鍾意呢個故嘅話都可以比個正皮我 有咩意見隨便講 盡量我都會覆晒㗎
好啦 夜已深 各位晚安

之前一口氣追哂無留名
但睇睇下又忍唔住繼續追 我都覺得樓主可以保留多少少神秘感 有人估中都保持笑而不語咁 等其他無估嘅人都唔會被劇透
個故雖然平平淡淡但都幾好睇

你一日一更既話 我會幾日先入黎一次

多謝支持先 好 以後唔會劇透㗎喇

大家可以儲埋weekend追故㗎

咁...我上堂點算呀 樓主

我又睇完喇

留名

睇到有d傷感, 同埋又會諗如果係我返到以前中學年代會點

睇個故好有feel

儲埋留返下星期上堂睇
有時間就盡打

好快啊大家

我想試下喺中學過夜 扎營

唔逼樓主自爆啦
突然諗起我好朋友
中二個年要返大陸軍訓
佢跌左部sony推蓋機落屎坑 真係一條坑黎

推

今晚有無故呀？

訓前一推

74.

28號溫書得唔得？ 21:49

29 30我哋都得閒㗎 22:15

咁早瞓咗？ 22:37

我先點進卓行的對話，也猜到是相約溫習的事，大概是看我遲遲未回覆，才連續發訊息過來吧。

叮——他再傳來一則短訊。

又會咁早瞓 咁聽日再覆我啦 23:03

28號我ok啊 早啲出去霸位？ 23:04

原來你未瞓 十一點starbucks等？ 23:04

頭先熄咗電話啫haha 咁28號見 23:06

記得拎返條頸巾比我喎 23:06

心頭一顫，好像開啟了某個開關似的，記憶的開關。

知喇 有你提我點敢唔記得 23:08

資逸的名字沉重得讓人無法觸碰，所以我先打開殷殷的訊息。

同你講吖 22:04

今日我同社長出街>v< 22:05

你之前講過嗰個社長？xd 23:09

殷殷是黃社的社職，在陸運水運、平常各類運動的社際比賽等都需要幫忙預備籌劃，各社職員緊密合作關係亦變得非常要好，因此她認識到比我們大一年的藍社社長。

Yes 其實我哋係社職聚xd 23:14

車 講到單獨出街咁== 23:14

我哋有單獨嘅時間㗎^^ 23:15

幾耐先 幾秒？xd 23:16

食屎啦你-_- 佢送我返屋企啊*v* 23:17

wuuu有啲機喎 做乜要送你先B-) 23:18

同方向xd但佢送到我去屋企樓下喎
又唔係住同一棟 係咪有啲機你話xd 23:19

春心盪漾啦你xd
flirt多啲先啦 有待觀察xd 23:20

你啱你啱xd
我可以幫你八下你個師兄啲料喎B-) 23:21

haha你顧掂自己先啦 23:23

我哋講過有pool要齊齊出㗎嘛B-)
唔會扔低你xd 23:24

我們年輕時的約定，後來真的實現了，卻不代表故事一定能幸福到最後，至少我不能。雖然有些經歷變成空白，這段時期最深刻的回憶卻沒有改變。我們聊着少女心事，總是逼不及待告訴對方和心上人互動得怎樣了，一起為了收不到一則晚安短訊而傷心，小聲說大聲笑的說秘密，這些日子，熟悉而陌生。

我知道 23:30

中二軍訓又係回憶嚟 好慘豬但好好笑

sor今日咁晏先更文 又寫得唔太多 格式都搞咗好耐 聽日再打返多少少