DAY 4 繼續
行完新京極後入左鴨川好出名既STARBUCKS
一路睇風景(有風景咩
) 一路嘆咖啡
SNOW PECAN NUT LATTE, 勁好飲
離開STARBUCKS, 個天都黑哂啦..係時候食晚餐啦
出發食個間好出名既蛋包飯
相信好多人都知我講緊邊間!
間野都幾隱蔽, 因為係小巷入面
如果唔跟GOOGLE行真係會搵唔到間野
終於搵到
……….....
其實我都知間野要BOOK架啦
但一心諗住試下有無得WALK IN...
但好明顯, 應該有好多人無BOOK就想衝入去食
所以個大叔先會咁寫 ( FEEL到D字有種憤怒既感覺
)
我企左係門口好耐, 諗緊要唔要入去問下…
但最後都係淆底, 唔敢入…驚比人屌走!
算! 東家唔食食西家
係條街行左好耐路
見到呢間拉面店好似價錢OKAY WOR..就入左去食
呢間野真係勁正, 絕對值得推介(又平又飽肚)
我揀左1080YEN個SET
任揀一個MENU上面既拉面 + 5件炸雞 + 6隻餃子 + 薯仔沙律菜 + 一碗白飯 (ARE YOU SURE呢個係一人SET?
)
拉面味道正常, 反而係個炸雞同餃子好有水準, 好JUICY
食完我真係飽到上喉嚨
大家如果下次去, 可以試下食…
不過我覺得一男一女仔會岩岩好..食完再食其他野..
好似我食完已經食唔落任何野了…
食完就行下街消化下先
無啦啦去左夾公仔
最後夾左呢隻, 好靚女
9點幾了…返歸
返到去食埋琴日未食完既士多啤梨
唔算甜但食得出好FRESH
題外話!
話說係我入去鴨川STARBUCKS之前經過一條小路
咁路邊有好多棵好矮既樹啦, 之後我見到樹上面無啦啦有條充電線掛左係到
咁我無理到啦...只係CONFUSE有條電話充電線掛左係樹上面咁奇怪
之後入左STARBUCKS先發現我帶黎日本個2條電話線
一條爛左一條爆左頭, 2條都充唔到電
但好在個電話仲有7X%電, 打算離開STARBUCKS去買條新線算…
然後行返回頭路, 再經過個棵樹先醒起 係WOR…個條係充電線黎架WOR
話唔定係IPHONE線…結果我就一野扯左落黎, 又真係IPHONE線WOR
於是, 我就帶左佢返去…而家條線仲用緊.. 凡事冥冥中自有安排
DAY 4 完
500YEN
