[8日7夜][多圖多字] 京都大阪獨遊之旅

DAY 7 神戶一日遊 神戶北野異人館->梅田

GOOD MORNING FUSE


今日係去神戶, 還記得我係機場買左張阪神電車一日PASS嗎?
咁今日會用左佢既, 我仲會同巴打一齊去神戶!
由於今日既行程無咁多, 所以都係比較輕鬆的

呢條就係附近既商店街(比較Local)
雖然已經10點, 但好多鋪頭都仲未開


行過MISTER DONUT, 決定入去食個早餐先
我黎日本第一餐早餐
前幾日通常都係起身就直接去D景點(都唔覺肚餓 )


我覺得右邊個DONUT好食D, 一咬落去爆CREAM
D CREAM又唔會好甜


杯咖啡可以REFILL的!


食完再買1個拎走用黎做晏就既點心


佢真係好眼訓, 全程都無開過眼


因為張阪神電車PASS要係難波或者梅田上車
所以我約左巴打係難波等, 好似係梅田有得揀坐特急
難波就只有普通車, 姐係會停多幾個站!

到左異人館街, 嗯….個風格比較歐式












本來唔諗住入D異人館到睇, 覺得有D貴
但最後都買左, 難得都黎到, 點都要入一入去睇睇
買左最平個套票, 睇3個館ONLY
我諗D館都應該係大同小異啦


待續.....

帶多件衫

今次可能計劃去啲比較要時間嘅地方
姬路城 , 嵐山 , 金閣寺 ,南禪寺 再行一次完整嘅伏見 雪景京都 我個人鐘意行古蹟 神社 城堡
可能抽半日去和歌山城
仲諗緊有咩地方
上次去京阪去左二条城

和歌山可以去一日啦, 唔洗趕頭趕命
去唔去神戶?

和歌山都預左一日 我都好hea 遊 唔想趕頭趕命
我去成個星期
都可能有啲行唔切

其實去旅行都係為左放鬆心情...
去到咁趕真係唔知為咩

係啊 所以我上次京阪都係訓到自然醒 大約10點左右 跟住慢慢食少少野 再慢慢去景點 再行到邊睇到邊 睇完 夜晚返到酒店再諗第二日去邊好

啲人話異人館麻麻

反而最估唔到係 大阪警察本部
我以為係唔知乜野博物館 因為係大阪歷史博物館對面

DAY 6 繼續

離開左CAFÉ之後行過呢到, 點解咁多女仔係到排隊既
真係全女班, 有冇人知呢間係咩黎架


再行下格仔鋪就係時間去食放題啦


個天都黑哂


約左個高登巴打朋友一齊食放題, 咁岩佢都係日本
咁我地食個間放題係大阪算好出名
相信有好多巴打都有聽過, 因為佢都幾多分店下
叫国産牛焼肉食べ放題 (可以提前1-2星期Book)
但我地無Book, 我地6點30分Walk in, 等到8點30左右先有得入座
而且係唔可以離開, 要坐係出面等, 因為我地真係好想食呢間放題
所以真係覺得無所謂啦, 凡掂之後都無行程
玩下電話吹下水好快過姐, 加上我地都攰啦
咁等緊期間, 我個大阪Host問我係唔係房
佢話佢同朋友整緊章魚燒, 想邀請我返去食
如果我係自己一個, 我一定會衝返去
難得有人邀請我, 點都會想JOIN.可惜無機會啦!

話咁快2粒鐘過左, 入座啦..
一入去佢地D員工會大叫一堆日文
類似係歡迎你, 勁好服務!


真係好鐘意食呢個海鹽豬舌
2個人ENCORE左5-6次








SORRY, 生既你地可能睇落無咁好胃口
但熟左既我靜係影左呢張…


甜品係包埋係放題SET入面的, 勁高質
呢兩杯野係香港叫都起碼要60-70蚊杯啦可




TOTAL 埋單每位3758YEN, 都係HKD250左右喳
痴撚線架! 係香港真係食唔到
我地食左2個鐘, 主動幫我地換左3-4次網
落ORDER服務態度又好, 又有禮貌…
不過真係勸下大家, 如果有BOOK到枱真係要出現
唔好NO SHOW 掉香港人架呀!

溫馨小題示 :
我食過難波店同千日前店
個人覺得千日前店個間服務比較好, 坐位都舒服D!

飲飽食醉之後就返心齋橋行街消化


SORRY 又想做ON9野




我同巴打係心齋橋觀察下D人
點解咁夜仲會有D咁短裙既女仔係街行黎行去既?
佢地有時又會同D人傾下計, 真係好得意呀!


大約夜晚11點左右啦, 係時候返去啦!
一早係APPS SEARCH定再CAP圖


我未出布施站, 就聽到有結他聲, 吸引到我
即刻衝左落去, 原來係有街頭藝人




我同呢個女仔用好簡單既英文傾左好耐計
其實佢真人真係好靚, 笑容好甜
係我影樣衰左佢 SORRY


一路傾一路聽個呀叔彈結他唱歌
佢真係唱得好好, 佢把聲有種濸桑同感傷既感覺..
我本來想聽個女仔邊彈邊唱
可惜佢話要走啦, 要趕最後一班列車
最後我應承左佢聽晚同一時間, 會黎聽佢唱歌!

之後佢走左之後, 我又口痕去左M記買朱古力批食
UM….話就話係黑朱古力…但都幾甜下


比大家睇下我間房啦, 一個人住都夠啦!


房既景




房出面有個小露台, 但可以行過去人地間房出面


訓啦~

DAY 6 完

巴打，間民宿有無linkshare
airbnb搵唔到,thanks

This
https://www.airbnb.com.hk/rooms/14846978
你打算自己去?
利申:間airbnb有個缺點係隔音差

嗯，講隔音差之前係東京果間直頭聽隔離房對強國情侶啲啪啪啪聲
唔該巴打

DAY 7 繼續

第一個係英國館


入場有得揀套衫著
呢D ON9野岩哂我, 我又點會放過呢個機會
(其實我無咁肥, 只係入面著得多衫姐 )


館入面:








又做ON9野


唔知做乜鳩


第二個係洋館長屋












第三個係ベンの家




好萌








水邊一隻牛 草邊一隻牛 牛公牛乸牛生牛


意氣風發既眼神




隻貓會發出聲音, 有冇人知點解佢受左傷既?
ARE YOU OKAY?


3個異人館話咁快就睇完, 其實我覺得都夠架啦
睇到有D悶, 定係其實我MISS左其他精彩既館?

待續.....

帶多件衫

今次可能計劃去啲比較要時間嘅地方
姬路城 , 嵐山 , 金閣寺 ,南禪寺 再行一次完整嘅伏見 雪景京都 我個人鐘意行古蹟 神社 城堡
可能抽半日去和歌山城
仲諗緊有咩地方
上次去京阪去左二条城

和歌山可以去一日啦, 唔洗趕頭趕命
去唔去神戶?

和歌山都預左一日 我都好hea 遊 唔想趕頭趕命
我去成個星期
都可能有啲行唔切

其實去旅行都係為左放鬆心情...
去到咁趕真係唔知為咩

係啊 所以我上次京阪都係訓到自然醒 大約10點左右 跟住慢慢食少少野 再慢慢去景點 再行到邊睇到邊 睇完 夜晚返到酒店再諗第二日去邊好

呢D先叫旅行架MA

啲人話異人館麻麻

反而最估唔到係 大阪警察本部
我以為係唔知乜野博物館 因為係大阪歷史博物館對面

真心覺得麻麻 但一場黎到, 點都要入場睇下既....
有咩睇架個大阪警察本部?

利申:間airbnb有個缺點係隔音差

嗯，講隔音差之前係東京果間直頭聽隔離房對強國情侶啲啪啪啪聲
唔該巴打

我個2晚隔離房係2個台灣姐姐
但佢地三更半夜唔訓教係到傾計囉
都傾得幾大聲下, 阻住我訓教

Live...好正阿

啲人話異人館麻麻

反而最估唔到係 大阪警察本部
我以為係唔知乜野博物館 因為係大阪歷史博物館對面

真心覺得麻麻 但一場黎到, 點都要入場睇下既....
有咩睇架個大阪警察本部?

冇架 座野幾靚

白色係警察本部 啡色果座係歷史博物館

DAY 7 繼續

睇完3個館就GOGOGO出發食神戶牛


係街睇左好多間, 價錢都幾貴
杜如風話, 如果想食神戶牛, 又比唔起咁高價錢
最好就係食LUNCH SET, 分分鐘平一半架

最後我地入左呢間, 係神戶三宮車站附近
神戸たん龍


好似攞好多獎WOR間野


鐡板料理












我叫左個SET 好似80G A5神戶牛 SET + 一杯啤
個SET有沙律, 飯, 味噌湯等等 好似3350YEN


其實食完我覺得無咩特別 可能我食開D粗野食唔慣
我叫左MEDIUM RARE, 但都覺得佢煮熟左D
之前係美國叫MEDIUM RARE, 就真係比MEDIUM RARE你
我覺得佢煮到已經接近MEDIUM WELL, 但都係有肉汁同肉質都比較嫩
但無咩牛味, 反而係琴晚食個餐放題D牛有牛味D, 但無呢個咁嫩
美國牛有牛味, 但肉質比較粗 (我鐘意牛味重D)
所以真係咸魚白菜各有所愛, 每個人鐘意既都唔同!
所以呢餐我覺得一般啦, 大約HKD230左右一個LUNCH SET
抵唔抵就見人見智啦, 但我覺得試下無妨, 人一世物一世

待續.....

啲人話異人館麻麻

反而最估唔到係 大阪警察本部
我以為係唔知乜野博物館 因為係大阪歷史博物館對面

真心覺得麻麻 但一場黎到, 點都要入場睇下既....
有咩睇架個大阪警察本部?

冇架 座野幾靚

白色係警察本部 啡色果座係歷史博物館

好似都無咩特別喳wor

上次自己去京都 十幾個一間房
整係得班呀叔同我傾計
去到最尾個日先識到個後生台仔

係大阪仲慘 間房無人咁濟 個個早出晚歸

利申： 住hostel

留名

好似都無咩特別喳wor

第一下聯想唔到係警署姐

DAY 7 繼續

咁食完神戶牛之後就決定返去梅田行街
本來想去睇好出名既鐵人28號 紀念人像
但因為我張PASS好似去唔到個到...
如果要去就要另外洗錢坐車去, 咁身為窮撚
有得唔用錢就唔用啦, 所以就返去梅田啦!

到左梅田之後, 行左陣街....
巴打突然身體唔舒服, 所以佢就返左民宿到休息下
然後我就自己係梅田行街




專登去呢個牌子既專門店睇銀包
鐘意左好耐, 但真係貴到仆街
睇中左個SILVER GREY, 特別色要HKD8000
最後都係買唔落手, 等我呀...


之後一出商場門口有3個學生妹表演
我就緊係停低欣賞啦


大家Click入去欣賞下
https://youtu.be/XIBdzkqCOyM

右邊條女唔錯, 我的菜
https://youtu.be/zA65XS9ilIE

https://youtu.be/0-57Mf7grzQ

https://youtu.be/u4BrCKAPlGE
有冇巴打知道佢地唱緊咩歌?

其實自己一個人行街, 真係無咩好行
買野又無人比到意見我, 所以我都係返民宿附近算
呢個時候, 巴打WHATSAPP我, 佢已經好返好多了
真係兒子生性病母倍感安慰

返到去FUSE, 周圍搵下有咩野食醫肚先, 但都睇唔岩
最後走左去食松屋, 個SET好似650YEN
韓式豆腐湯MIX日式牛+溫泉蛋
味道好食過吉野家同第一日食既牛丼


食完都無野做, 時間仲早.....
又未到約定時間見面(我約左個日本妹聽佢唱歌 )
於是我上網搵下附近有咩錢湯
一直都好想試下得本地人去既錢湯(好想學日劇咁拎個盤去沖涼 )
果然呢區係多本地人住, 有2個錢湯係附近

我揀左個錢湯叫第二壽湯
係民宿行過去都係10MIN左右, 好近喳!


入面唔影得相, 呢張係我冒住生命危險偷影的


入場比錢 400YEN, 借毛巾40YEN
出面換衫, 入面沖涼+泡湯
同浸溫泉個程序其實差唔多, 只係呢個比較有人情味
我係臨時臨急先決定會泡湯, 但係個大叔勁好人
借哂洗頭水, 護髮素同埋沐浴露比我

我發現呢間都幾多日本黑道同D老人家係到浸, 好多紋身佬…
尤其係我入桑拿房個時........
本來有兩個大佬討論得好熱烈, 見我一入去就即刻唔出聲
我都係彈返出去算啦, 留返個空間比佢地討論機密算..
之後入面有個湯比較特別就係電湯, 每10秒就會流D電出黎電你身體
真係好搞笑, 個種感覺好無力…又好驚會比佢電死..

浸完成個人舒服哂, 但其實我知我已經就黎遲到啦
急急腳跑返去約定地點


去到果然! TIME WAITS FOR NO ONE
佢已經走左啦 (對唔住呀, 我遲到 )

唉…遺憾呀.....
見唔到佢最後一面, 聽唔到佢既歌聲….
希望佢以後成為一位成功既歌星啦, 加油

我仲一早買左布丁打算請佢食Tim…
而家唯有自己食


返到民宿大約12點幾....
又係唔沖涼直接訓教!

DAY 7 完

Live...好正阿

上次自己去京都 十幾個一間房
整係得班呀叔同我傾計
去到最尾個日先識到個後生台仔

係大阪仲慘 間房無人咁濟 個個早出晚歸

利申： 住hostel

住Hostel都咁
但有人陪傾計都好啦...唔理後生定老
我去8日有5晚都係得自己一個

好似都無咩特別喳wor

第一下聯想唔到係警署姐

不過真係唔會諗到係警署

其實會唔會同hostel d人一齊出去玩?

繼續

留名
睇你個 post 諗番起上年又係自己去京都大阪
好正 隨心所欲
但巴打行程精彩好多
同埋巴打都好外向 成日撩人傾計
利申：毒撚淨係得阿婆同我講嘢

其實會唔會同hostel d人一齊出去玩?

我無 我諗其實都應該好難開口啦
食檸檬咪好尷尬

留名
睇你個 post 諗番起上年又係自己去京都大阪
好正 隨心所欲
但巴打行程精彩好多
同埋巴打都好外向 成日撩人傾計
利申：毒撚淨係得阿婆同我講嘢

多謝你呀
我都算外向既, 唔會怕同陌生人講野
有阿婆也不錯呀