呢個旅行係舊年12月既事, 突然有衝動想記錄同分享下
呢次係我第二次去關西, 咁我一直都想試下自己一個去旅行, 所以又揀左日本作為我既第一次!
因為我已經裸辭左, 所以更加促使左我去旅行既決心
咁岩HK EXPRESS做緊PROMOTION, 機票 + 20KG來回, 都係HKD 1200
住方面我BOOK左2間AIRBNB, 5晚京都SHARED ROOM BUNK BED + 2晚大阪 PRIVATE ROOM, 加埋大約HKD 1500
咁講返個行程啦, 因為唔係第一次去關西, 所以上一次有去過既景點唔去, 去上次想去但無去到既景點
成個TRIP (機票 + 住宿 + 食野 + 搭車 + 買手信) 大約用左HKD 6000 (但我去之前係帶左19萬YEN, 唔知做乜鳩
)我唱錢其實唱左13萬YEN, 但我上次去完返黎仲有6萬YEN淨, 我老豆話以防萬一, 叫我都係帶哂去啦!
如是者, 我就帶左19萬YEN去, 但最後都無咩點買野, 因為獨撚一個又有咩好買WOR
原諒我會係呢個遊記有好多廢噏, 因為我真係好鐘意分享!
我全程係用IPHONE影相, 我唔識構圖同執相, 所以有好多相都斜斜地, 影得唔好, 請見諒!
BTW 我都知我有D朋友都有上開連登, 唔該唔好同我相認PLEASE!
好, 出發!
DAY 1 香港->關西機場->京都住宿
朝早10:35機->關西機場14:55
(搭過2次HK EXPRESS, 2次都係DELAY左30分鐘左右)
一早去到機場, 嘆返杯STARBUCKS, 食件MR GINGER, 扮下中產等上機 (扮中產但搭廉航
)我鐘意揀窗口位, 因為可以睇下風景, 加上我又唔洗成日去廁所, 4個鐘姐, 好快就到日本
終於到左關西機場, 大約日本時間3點幾就黎4點, 一出門口FEEL到陣涼意
第一件事, 因為事先有做過功課, 所以即刻去買IC卡+套票去京都同之後幾日要用既PASS(我上次去係無買過任何PASS), 所以用多左好多錢
佢係地下有個RECEPTION有得買到大部份PASS, 所以可以買定先, 到時想去D景點唔洗專登走去買, 節省好多時間
京阪電車一日PASS (500YEN)
阪神電車一日PASS(700YEN)
張阿童木IC卡係特別版, 會送好多優惠(但我今次去一次都無用過
), 張卡好似要3000YEN(500YEN按金+2500YEN可以用)今次我住個間AIRBNB係JR西大路, 我到JR西大路已經天黑哂
(大約6點鐘)
