一人一個深切感受到自己窮嘅時刻

記得細個有段時間屋企長期冇人煮飯
每晚都會俾30蚊我同呀哥落樓下大家樂2個人食一份焗豬扒飯
有一日呀爸番到屋企話今晚冇錢俾
我同呀哥就用平日儲起既散紙
去7-11買左個8蚊既撈麵
2份食 幾啖就食完
我同呀哥講 好肚餓呀
佢話 冇計啦 呀爸自己都冇錢食飯 仲點問佢攞

嗰陣屋企人有事
借咗銀行錢做手術
自嗰年之後
每個月出糧有一半係還錢
淨低一半就俾家用同返工日常嘅洗費
但都係入不敷支
要靠信用卡套現渡日
滾下滾下卡數都爭廿幾個
但又唔想屋企人擔心
繼續死頂
頂到我ex覺得我冇安全感
最後戴埋帽
仲有2年就挨完依d生活喇
不過好彩身邊有班好朋友
有時冇錢借錢俾我過活又唔會追我還

咁你真係讀唔成書麻 怪得邊個

求教

咪體會到又窮又讀唔成書聽仆街 好彩最後考得好

得返幾廿蚊係身，驚第二日唔夠錢食飯，夜媽媽收工唔捨得搭車，由銅鑼灣行路返屋企筲箕灣，嗰晚仲要有毛毛雨，行行下喊咗出嚟

但你有女朋友

返pt同朋友去旅行 佢地唔理價錢卜呢樣果樣 問我去唔去跟唔跟 冇錢決定唔跟果刻 心裡面覺得自己窮 我會記住呢個感覺 去完旅行之後發誓要努力搵工 日日瘋狂ot 為上位為高薪 以後旅行唔駛再左度又度 食最好玩最豪

窮到麻木

連轉凍野$2都要考慮既時候

連個5蚊漢堡食唔起
不過屋企係小康。。

窮好多野都做唔到
讀完書而家對錢好著緊
成日想搵多d

去歐洲， 乜都唔想買，

食嘢都係買幾個冇餡包， 一共1歐羅

晚餐買一條半價蛋糕卷0.75 歐羅

投資失利，戶口得返2位數，銀包得返唔夠$200，仲有1個星期先出糧，捱左3日面包+2日$18雲吞面

利申：住新界係港島返工

細個果時小息我阿媽嚟睇我見我望住個小食部，佢問我做咩我話想買野食，最後佢俾左兩蚊我買糖，之後每日都有兩蚊零用錢，其實我知屋企果時好窮，我試過同個班入面個惡霸玩遊戲，贏左有一盒玩具加零食嘅野，我贏左兩次但係佢俾得一盒我，放學我晌商場見到佢追埋果一盒，佢唔俾仲一拳打落我個肚度痛到成個字先起到身，但係周圍d人見到個小學生瞓晌度都無人理！
不過都過左去啦，依家打份辛苦工結左婚無樓，試過有車玩左半年過車主夢就賣左！

而家，個個月份糧交租交卡數食飯日常洗費供保險供股票就冇哂，呢排做野唔開心想轉工，望一望自己銀行有幾錢，係咁同自己講算啦，頂埋佢啦，忍下啦，個人反而愈覺得委屈愈唔開心

極品

女朋友屋企好 自己屋企唔好 由中四到而家final year嘅暑假我都係自己搵自己食 冇問過屋企人攞零用錢 今個暑假我應承左同佢去兩個旅行 點知一搵機票發覺好撚貴 等於我一個月part time人工 女朋友知道我屋企唔好 即刻話不如去一個算 仲用自己啲asia miles換機票 話還掂啲miles擺喺到冇用 我到而家食左個半月$4菠蘿包做早午餐 就係為左同佢去兩個旅行 之後諗住夜晚放工再返炒散 我就真係覺得自己好撚窮

點解咁撚窮都夠膽拍拖 唔會自卑咩