但係拍拖同讀書已經用晒啲時間，根本無時間返part-time. 係冇收入情況下，又不斷用好多嘅錢，搞到自己超級窮。
我仲記得，個陣時，間中節日或者生日，我送啲嘢比佢，可能幾舊水至一千到啦（冇錢買太貴嘅嘢）
，或者出街我儘量如果我有錢都唔AA啦。跟住，返學嘅時候，如果自己一個嘅話，中午可能食個三文冶就算。記得有一次，我望住支5蚊嘅水，諗咗好耐買唔買好，最後好口乾咁返屋企，唔係買唔起，而係想儲多啲錢，同佢一齊去玩。平時放假多數叫外賣，但係同佢拍拖嘅時候，多數自己煮算，＄10六個麵餅，食足6日。跟著佢生日，送咗條頸鏈俾佢，其實我儲咗好耐錢，餓咗好多餐飯，先買到比佢。
最後，佢收到條頸鏈冇耐，就同左第二個一齊。
呢啲嘢，你永遠唔會知。
或者，可能，對你來講，唔重要。
我最窮，唔係冇錢
係冇咗你
餓就飲水充飢
