【奧捷斯匈】13日東歐四國遊記 (遊記資訊+歐遊你問我答) 7

感謝支持

【歐遊百幾日遊記】東歐四國篇（奧捷斯匈）（四）DAY 3 布拉格 城堡區 半日遊（上二）查理橋一帶 最好美既香腸 好睇唔好受既餐廳

沿住路行去，去到餐廳正門，叫做Velkopřevorský Mlýn，門面都好靚，好有童話feel不過唔建議大家去。

入到去，即時暖笠笠，你會見到每一張枱上都有張毛氈坐墊，成個感覺完全就係溫馨，而呢間餐廳既氣氛同店員既態度形成強烈既對比。

入到去，其實間店幾十個位但得兩三個人，我地當然就坐露台位啦，入黎就為左呢度。

會見到椅上有好暖既毛毛墊。

黎到歐洲食野，基本上大部份地方你都唔洗yap佢過黎，佢地會有人負責你張枱，到時到候就自動埋黎同你落單，你yap佢既反而會怪怪地，但係意大利既又可以同佢講聲scusi咁叫佢。不過，今次過左起碼3、4個字都無人黎，差d以為佢地唔記得左我地。我地唯有望多佢地幾下等佢人記得我地。

我地叫左每人一杯飲品，叫左一杯熱朱古力同一杯蘋果薑茶，暖下胃。基本上店員全程落員都黑住面，近乎啞（本新都唔想咁話佢，但後來既事令我覺得佢係特登）既一樣無講過野，係呢個時候，真係唔太知我地做錯乜，飲品黎到一樣係啞既一樣放低就走。

我地就廢時理佢啦，瘋狂影下飲下歎下個景。



露台位景觀其實我覺得呢個位係頭先出面望過黎係最靚，坐入黎其實無咩景可言，黎到呢度飲野完全係一樣人地睇你靚，你唔太睇到自己靚既事黎。

杯野飲其實幾好既，濃既熱朱古力，暖笠笠既薑茶，

坐落都舒服，坐到咁上下我地就埋單，奇怪既事就黎。

記得我地埋單係要找大概二十幾CZK，7個幾港幣，而每1 CZK係好細既數，近乎香港既3毫子，正常找20幾CZK會找兩個10CZK同一D碎既2 或 1 CZK，而呢間店擺明玩野，找左一共二十幾個1CZK比我地！！！ 20幾個！等於你去餐廳食飯佢找6蚊比你但比30個2毫子比你除左因為歧視而玩野外真係唔太諗到佢做乜鳩。枉佢間餐廳好好睇睇，入面d人竟然咁樣。

結果，我地就特登留返個無好過有既侮辱價 1 CZK比佢當「TIPS」，頭也不回地走左。事後睇返trip advisor既 review，見到佢勁多劣評，絕大部分都話佢服務差，再以前D既直頭話佢地會屈遊客錢同主動要求比tips忽然覺得今次無被屈錢算係咁。

收拾好心情後，我地係橋底呢頭繼續亂行。


呢度比較靜，無咩人，但都唔會覺得危險。

話說呢D屋我以前一直以為成座屋係一間大大大屋，一間入面住一家人，覺得好鬼正。到我住過airbnb後，先知道原來呢d屋入面其實可能住左幾十戶人，下面個大門打開後，係入個內庭，入面個結構有d就好似井字型公屋咁，有d就似村屋咁，一入去係樓梯或lift口，直接上唔同樓層既走廊，進入唔同既單位。之前想像得太美好。
當然，人地d單位就緊係好闊落啦點似得我地d香港人既屋。

查理橋底。穿過呢度，然後我地就聞到勁香既味——有小販賣香腸！而且個場set到係BBQ咁樣，勁有風味，即刻買返條。

哇呢條腸真係唔好講笑，絕對係世上最好味既腸！！！咩德國currywurst出名腸通通都唔夠佢黎，呢條腸食完真係會超級美滿！忍唔住食完再翻炒！本新呢條蜜糖腸已經燒到lamlam脷，再加埋佢比既醬，白色果pat到而家都唔太清楚咩黎，只記得好似係少少酸，總之成個配搭夾到要結婚，仲超juicy，嗚哇！！好想再食，下次再黎都唔知仲有無呢個小販檔了。又一樣我地由當年講到今日都成日講起既食物，真係美食黎。

講開又講，呢個exchange真係好抵，我地可以一齊去咁多旅行，然後就算返到黎兩年，但每隔一排一諗起又拎d果時旅行期間食過既好野、發生過既痴線事出黎講下回味下，睇黎之後都會年年講下…有排講，想唔記得都難，真係好慶幸有呢段經歷。



Hea行完橋底，被條靚腸開左個胃，前往城堡期間覺得好肚餓，就快手搵間餐廳黎入。附近真係無乜野餐廳，咁啱見到有間出面menu講到計返10歐左右就有個扒咁，我地就入去啦。（待續）

絲打 想問下你有冇去國王湖？
如果去完國王湖 嗰晚去邊度訓好？
薩爾斯堡定慕尼黑？
我plan緊之前一日去Hallstat 之後去國王湖 再之後一日就去慕尼黑

我無去 不過我會揀Salzburg，因為近好多（1hr vs ~3 hr to munich），
我會想行完一日trip快d返到去休息既地方，晚上係果個城hea下 ，第2日再轉城市
munich好遠，感覺玩完仲要搭好耐先返到去好chur，
但都可以當搭車係休息既 同埋可以慳左第2朝搭車既時間…
所以都係睇你想舒服d定爭取時間

Pish

我果陣係Prague都試過係餐廳找左一堆勁細銀碼既CZK比我 好似大概廿幾CZK左右
果陣廢事袋著 當tips比哂佢


我是唔是算比佢呃左

絲打!!!!哈哈我上年plan去荷蘭比利時都有問過你問題架 不過你可能唔認得我嚕 今年plan去東歐之前一直都搵唔到你寫東歐果part 原來係未出 加油呀努力寫 希望係你啲遊記到拎下靈感! 月尾就出發喇我

又係全部1CZK?
已經分唔出係玩野定佢地d人興咁樣特登博人想留比佢做tips ，
如果係搏你比tips既又唔算呃既
但就離譜d，比人感覺似玩野多過想要tips
多數找散d博收tips係33CZK入面比正常既25CZK(10CZK,3個5CZK)加8個1CZK咁分佈，
但比足 33個1 CZK就…

絲打玩得開唔開心啊
無錯啊拖左好耐終於的起心肝出
又去歐洲 玩得開心d！

佢果陣有同我係咁講sorry既
我都分唔到 不過佢唔咁做我都會比
因為個店員幾靚女

Salzburg 方便d 係hbf兩程巴士45分鐘可以到國王湖
Munich要轉三次車先去到國王湖 加埋成兩粒幾鐘

上次去完覺得歐洲應該要襯自己仲係學生果陣要去多次 所以今年發咗癲咁搵錢去grad trip
上次都去得幾開心呀！brugge同ghent真係幾靚~不過一個人去就無食得咁多野囉…但荷蘭啲薯條真係 好鬼好食

exactly 25完前一定要去多d，有youth好多野平好多
無錯 我本新對比利時0期望，去到好驚喜
荷蘭既薯條好出色 加埋onion食痴線

屌
你地咁講完搞到我好期待個Trip

我果陣入咗primark迷失咗成粒鐘搞到勁趕要仆去撘火車 所以求其問條友邊隻味最popular 佢話mayonnaise 我就買咗 佢細杯都好大杯 最後我食唔曬dum咗 sorry 手機up相搞到大家睇到頭已側唔好意思


25歲之前!!!!我應該仲有一次機會嘅!!!諗緊南歐定北歐

荷蘭真係好正 值得去 羊角村啲交通係kick手少少 其他都無乜問題
想平去超市大把平野買 有啲類似波仔嘅叮叮意粉 都係3歐左右

起碼係等緊去，我剩係可以回味 好想去啊

primark黑洞黎 一入去有排行
真係好大，我係買黎share當lunch咁 薯條真係應該要配mayonnaise才是正確 加埋onion就更痴線
南歐

plan到頭痛

睇一半先俾正評, 好有心

kick左係邊啊

如果跟絲打個行程去玩 再去埋Munich 預多兩日夠唔夠

感謝巴打

我個行程日子有d地方預多左，最好唔好跟，但個路線ok
不過去munich就唔順路 成個路線應該要改

日子上加兩日去munich既就可以去到一日國王湖一日天鵝堡 但想去埋楚格峰呀鷹巢果d就要再預日子