【奧捷斯匈】13日東歐四國遊記 (遊記資訊+歐遊你問我答) 7

正啊
想去聖誕市集

去咩城市啊

【歐遊百幾日遊記】東歐四國篇（奧捷斯匈）（十二）DAY 7 HALLSTATT 哈修塔特 哈爾施塔特 白雪滿蓋的仙境——HALLSTATT 再去必去 Postcard 景  + 乘船到Hallstatt站 + 從Hallstatt到Vienna交通


係Hallstatt既第三日，係準備去Vienna既一日。
因為搭車要搭成四粒鐘，今日可以話係無咩特別既Transit日，去到Vienna都天都黑緊 。

同琴日一樣，食完個美味早餐，再Hea到check out時間，我地就去遊蕩 。

由Hallstatt去Vienna，我地揀左係Hallstatt火車站出發，位置係湖既對面，

基本上係個荒山野嶺上建造既站黎，附近乜都無，除左車路同鐵路路軌就乜都無，連巴士站都應該無，所以搭巴士都應該到唔到，要搭船先去到。

不過其實要用火車到或離開Hallstatt，係可以揀Obertraun站（Obertraun Dachsteinhöhlen Bahnhof），我亦相信Obertraun會好d，因為果度有住宅區，點都有野行下，而且船同巴士都去到。

事前我地並無研究點樣去Hallstatt站，所以第一日有望過下d碼頭，最後去左Tourist Information Centre問，最實際同方便 。
得到既資訊係前往Hallstatt Bahnof 可以係教堂果邊個碼頭搭船過對面，船票直接係碼頭買，船票唔貴，2.5歐左右，當「遊船」睇下風景都唔錯既。

更多資訊、時間表：http://www.hallstattschifffahrt.at/en/timetable/timetable.html
價錢表可以係Prices 果版睇
上面睇到去Hallstatt火車站好平 2.5歐；搭去Obertraun會貴D，單程7歐，佢起點唔係教堂果頭，係住宅區果邊個碼頭（亦即巴士站果頭 ）

Hallstatt午餐

除左Burger，我地今日試左另一樣野，就係教堂附近果間 餐廳X超市既合體。

我地本來係被佢門口話有Mozart's balls而吸引入去，以為有薯球 點知原來係朱古力波 不過因為附近都無野好吃，我地照係度食。好似叫左個pizza，普通pizza，無咩特別，只記得借用左佢個廁所，質素唔錯。

食完野後，我地就無野好做 ，於是去探雪人，佢仲好地地，
反而人地堆果個就被人踼到分左體 不過今日好勁太陽，佢應該好快就會…

我地係碼頭買完船票後，仲有個零鐘，於是再上多次Postcard位。

今日天氣好好，有陽光，而且藍天，所以成個鎮睇落都有生氣左！
神奇既係一上到黎竟然撞到識既人 ，真係巧合到，無諗過係淡季都會撞到人 ，第一下真係呆曬以為認錯人 。

最搞笑既係，佢係琴日黎既，當我想叫佢唔好去果間伏酒店食野時，原來佢琴日已經去左 ！佢仲中得深d，佢話佢仲叫左個完全唔好味既甜品，笑死 ，係咪個個黎到都會被間酒店呃錢 。

之後我地就瘋狂j個景 ，

同琴日角度一樣，但因為天氣唔同，成個感覺都幾唔同 。
琴日：



到咁上下，我地就落返去等船 。

碼頭果頭就會見到呢度。

之後上船了，搭船既人唔多，印象中唔夠5個 。


船上印象中無得出甲板，不過係入面都睇得好清楚 ，搭船比巴士好既係，可以從湖望返過去個鎮 ，睇住自己慢慢遠離Hallstatt真係好唔捨得



變到好細粒 Bye 仙境
我地仲漏低左我地買既磁石係間旅館 所以今次無影磁石



到左Hallstatt站，個站比想像中頹好多 ，係個可以話完全荒蕪既站，職員都無。

呢頭真係得個站




睇到迷你 Hallstatt

呢度無站牌講下班車果d，如果唔係呢度有其他人等緊，我地應該都會好質疑火車究竟會唔會黎


我就係係度等火車

過左陣，聽到火車黎緊，即訓鐵膠上身。



係個咁原始既站度見到火車在雪地上黎緊，都幾有feel。 成個地方由寂靜變到有好勁既火車聲。
好記得d車唔會自己開門，一到站，我地勁心急狂嘗試開 ，緊張死 ，好驚一陣開唔到門上唔到車就gg。

成功登上火車後，我地就settle。 架車每set座位隔離都有d勾比人掛外套，啱曬冬天一入到室內就除褸既我地。之後我地就食下tea，係果汁、蘋果同乳酪（係歐洲作用重大）。

記得之後仲剝左個酸到仆街既奇異果（今朝早餐送）

接著就係4粒鐘既瘋狂轉車之旅，
由Hallstatt站去Vienna搭OBB奧地利國鐵，
係需要4小時車程，我地當時既車費係19EU，
奧地利既長途車票有早鳥優惠，所以最好早D買

另外近來發現，如果有打算去 Salzburg既，其實由Salzburg去Vienna（2個幾鐘）係仲方便過由近d既Hallstatt去（4個幾鐘），所以不妨先去Hallstatt，後去Salzburg，再去Vienna（或從Vienna去Salzburg再去Hallstatt）。
實際搭咩、點搵可以參巧交通篇。

好記得沿途景色見到唔少同Hallstatt好似既雪地聖誕小鎮 ，有d都係沿湖，睇黎係真正既隱世仙境小鎮 。

搭下搭下，到Vienna已經天黑（4點幾5點）

（待續）

交俾佢啦

push

呢幾日盡量出多d 希望出發前完曬

自推

AMS住到無雷公咁遠

睇完樓主你篇文
想知Group tickets 去羊角個玩法轉成點

呢幾日係Vienna 都食nordsee既炸魚包充飢

以前group ticket係幾個人夾份買就得，唔洗同行，但而家group tickets變左真係要一group人同行，以一個main holder帶3個人或以上同行，好似德國既拜仁邦票咁，要成隊人咁行，但佢限制更多，最少要四人同行（30歐，每人7.5）然後每多一個人就比多1.5歐。比起以前，而家有d鐘數無得用（以前無限），只能單程（以前係來回）係無咁抵玩，人地拜仁邦票係可以無限用。

所以而家變相一、二、三人遊就可能無得用/無咁抵啦
不過，三人遊我覺得有走盞位既，因為佢話四人要同遊，任何時間都一定要有mainholder有場，但勒他成員可以係中途站先上車，即係可能Abc3人遊既，佢可以買4張既gp tix連埋d既資料，全程得3個人搭，有人check飛時話d未上車，係某某站先上，咁來回3人就比30+30，即係每人20歐——都係貴過以前
而一、兩人都可以呢個方法既，不過就無乜必要啦…唔覺得有平幾多，除非真係去好遠（如果去羊角村2個人 來回一個30歐既，都平過正價50既）
所以可以再睇下有無其他啱用d既pass

唯一一樣比前好既係，終於唔洗再要荷蘭bank acc先比到 可以master visa ae比錢

詳情：https://www.ns.nl/producten/en/meest-gekocht/p/groepsticket-daluren

sorry打錯字

任何時候都一定要有main holder在場，但其他成員*

好唔好味 黎緊都考慮下佢d bell
我只食過炸薯、炸蝦

邊度黎

【歐遊百幾日遊記】東歐四國篇（奧捷斯匈）（十四）DAY 8 維也納 VIENNA 一日遊（上）| 英雄廣場一帶華麗建築巡禮 自然史博物館（入內參觀） 國立圖書館 國會大廈 霍夫堡皇宮 藝術史博物館


係東歐懶人包提過，維也納呢個地方，對於唔係對音樂有特別興趣、又唔係想睇好多好多博物館既人黎講，呢度真係無咩特別——古城唔夠布拉格美麗；亦無Hallstatt既童話小鎮感；湖光山色就更加唔洗講。除左名氣外，佢真係無咩突出，不過佢既建築風格上就比較Grand，的確係有種皇家既感覺既，有時間都可以黎一黎，當感受多一類型既歐洲城市。但若果你無時間想略過既，我並唔會覺得好可惜～

好彩當時咁啱我初到歐洲，對所有歐洲既館、建築都好有興趣，所以係維也納都無覺得悶，都行得幾開心，但我都聽過唔少人覺得維也納好悶。不過，我亦見過音樂迷會去幾次呢個地方，甚至話係度留左四日都唔想走！（至於佢做左d咩，我就唔太清楚啦哈哈）所以呢個地方點樣，見仁見智啦！


係維也納既一日半，我地基本上就去左上圖所講既行程啦。

早上9點幾，我地首先去最多建築物景點既英雄廣場，果度有奧地利國會、國家圖書館、自然史博物館等等，景點好集中，全部都幾有皇家氣派。


係就黎到英雄廣場既路上，奧地利建築既色調都係米白同金色為主，比較大座，並唔係好似意大利、南法果d咁色彩繽紛。



落過大雪後，地面都濕曬。



今日天氣一般般。



好歐洲既石柱。



奧地利國會大廈，佔地超過13500平方米，係呢帶最大既建築物。



國會大廈係希臘復興式既建築，呢種風格比較明顯既特徵係就係同希臘果D神殿門口好似樣既三角形的門楣、下面有多條愛奧尼柱式既圓柱，即係每條圓柱頂都有一對向下的渦卷裝飾，顯得優雅高貴。呢座建築係奧地利既希臘復興式建築代表作黎架。



建築物前方既，就係希臘神話既雅典娜女神啦。上網睇話佢係噴泉黎，但我看不到水？？



國會兩邊既銅像係1990年代進行左大修復，因為佢地被酸雨侵蝕得太勁。佢地都係由一個神去拉住隻馬，象徵一個成功、民主既國會係要馴服（野獸既）激情——以理性既辯論去取代野蠻既爭鬥。不過佢地佢地永遠都係維持住一個爭扎既狀態，係咪象徵住馴服野蠻係一個永恆既挑戰呢？

可惜現今就算我地肉眼睇唔到肢體上既野蠻鬥爭，一個政權仍然可以無形地用橫蠻手段去操縱一個社會。



呢個位見到Rathaus (City Hall) （亦即奧地利既市政廳）既頂部。佢都幾靚，係哥德式既風格，但我地無去到果邊。





淡季，街上好冷清。



呢度附近有個電車站，入面有野食，我地就係度買左個早餐啦。



橙色果個係咪磅黎？哈哈



正好好肚餓，買左個熱狗，不過…都幾乾…



我真係唔鐘意質地硬既包。



繼續向前行，就係博物館一帶啦。呢頭係英雄廣場，入面基本上有曬維也納最著名既博物館。


綠色既草地係冬天變成白暟暟既雪地。

（待續）

配埋呢個天空、上面既雀，更顯蕭條。上圖既係霍夫堡皇宮（Hofburg Palace），以前係冬天時用既皇宮（佢地夏天會住係市外既 美泉宮（Schloss Schönbrunn）好似中國皇帝咁，有避暑山莊，美泉宮而家係景點黎，可以入內參觀，因為係市外，想去就要預多大半日啦，不過入面唔比影相），霍夫堡皇宮而家就係總統官邸。






Statue of Archduke Charles，係卡爾大公 特申公爵既雕像，佢以前係元帥，做過總司令，曾領軍令拿破崙一世第一次打輸杖！
有趣既係，佢有幅畫係咁：


不過，因為佢體態瘦弱（唔知同患有癲癇病有無關係），佢其實無舉起過沉重的旗幟。唔通因為咁，雕像上面支旗都整得特別細支？



雖然成組係一個宮殿，但其實下面呢一部分今時今日係國立圖書館。





獅子上面有堆雪好可愛

國立圖書館入面好靚，我地無入去，但其實應該要入去行個圈，可以google睇圖。

嗚哇！！點解無入架！！最靚果度係State Hall，官網參觀資訊：
https://www.onb.ac.at/en/visitors-information/fees/museums/



最唔鐘意係呢d環境下見到現代汽車。



見到呢d車就啱啦不過路過後隨即聞到陣屎味。





呢個位置係國立圖書館左邊既一個門，叫做Äußeres Burgtor。



呢個gate頭先個角度睇好睇d。

（待續）

依家係budapest搭緊flixbus去vienna，睇到呢個post好有味道

就黎同步行程

（續上）


經個門行出去，就到呢度，遠處見到市政廳，左邊就係我地今日即興地入左既自然史博物館啦。





又一個華麗既建築。如果你未去過自然史博物館 Naturhistorisches Museum ，好推薦黎行個圈！因為入面好靚行得會開心過其他城市既自然史博物館。

官網資料： http://www.nhm-wien.ac.at/en/information



右邊條柱，上面個銅像生鎊甩色甩到下面個石柱立下眼成條玉柱咁。



每座建築前都有一個大雕塑。其實呢帶d建築真係幾靚架。





仲有隻象仔



係咪太鐘意佢，點解我影左咁多張



準備入去喇！



睇到呢張相我就亂啦，媽啊點解對面座野同我身後果座一樣野既！！原來佢係維也納藝術歷史博物館（Kunsthistorisches Museum Wien ；Art History Museum）驟眼睇同自然史博物館真係一樣樣，上面有d相好可能其實都係藝術館黎。我諗個分別係牆身既顏色，自然史牆身係金D。

今次真係入去啦。下圖自然史博物館既大堂。



一入就係Ticket Counter，我地首次用到我地張國際學生證！正價10歐，學生5歐（2018年票價）最新票價請睇官網 http://www.nhm-wien.ac.at/en/information

過左大堂，一上梯已經呆左，因為唔知入面係咁樣，加上第一次見華麗既歐式裝修。如果你行過曬d凡賽爾宮、總督宮、羅浮宮、乜乜皇宮先入黎，可能就會覺得無乜野。



呢個館好大，而且有曬英文，你要真係有睇內容咁行曬一定要起碼4粒鐘，我地初頭真係每個展板睇字咁睇，勁認真，不過當然認真左一個鐘左右，就開始只睇圖或物件，有興趣先睇字。不過大到之後飛快咁睇都行左起碼3粒鐘。



入面真係展室都係華麗風格，個櫃都用返古典既風格。

自然史博物館其實有咩睇架呢？基本上就係睇生物既進化史、絕種生物、史前生物既痕跡、標本，另外仲有多種唔同既地球資源樣本，例如岩石、玉石、礦物等。仲有好多好多，不能盡錄。



據說係已絕種既鳥類，我地又走去扮不過呢張相重點應該係個展館既環境！



史前生物



呢個真係怪物黎…



呢度真係睇建築都抵

（下續）

呢個館就係睇岩石、礦物等。



好靚。



哇…



好多好靚既石紋



呢個係呢個館最出名既展品，我果時都唔知，睇返先知佢係恐龍既骨架，呢隻龍叫梁龍，但我張相竟然只影到一部份



都唔知黎睇自然史定睇裝修了，why not both？



入面仲有個餐廳，呢個時候好似都兩三點，超肚餓！不過呢度買野食好唔抵，我地就快手行完個館就出去搵食了。



大到剩係雀都要開個館展夠幾百隻。



鼠形蜈蚣



呢個咪牙JOE？



可愛

行完呢度，我地都終於行曬成個館喇！！！好腳軟出到黎，個天都靚埋。







於是唔小心影左好多張一樣既相。



自然史館好似真係金d。





個窗反射左粒太陽光。



痴線，同今朝個天無得比。





再見啦，令我地行得好開心既館（都唔知我影緊自然史定藝術史館了…）！





出去搵食啦！

（待續）

推一推

漏左：

當然，仲要行埋手信店啦！呢個手信店幾識做，d postcard用既圖都揀得幾好
我係仲買左兩個磁石

因為真係幾鐘意個館，加上一pair咁買又幾型，就買左班馬同長頸鹿成個館都係動物，配合返！