
後面呢座有兩支高塔既,係泰恩教堂 (Church of Our Lady before Týn),又稱魔鬼教堂,又係哥德式設計,自14世紀開始就係布拉格既主要教堂。不過,佢其實11世紀已經存在,係13世紀大整容,由以前羅曼式既造型改成哥德式(相信最明顯就係塔頂既尖型外形),直至16世紀先完全完工。講起佢個名,又改得好好,真係好有魔鬼感覺,再加埋前面果個黑色大雕塑,成個魔鬼感覺出曬黎

——但其實個雕像同魔鬼無咩關係,佢叫做胡斯雕像。

(…張相唔知點解會入埋果兩條友入黎…)
呢個雕像上面果個就係反教廷威權學者胡斯,果堆人就係佢果派既勇士同新教徒等人,當年呢個雕像放係度,係紀念胡斯既殉道500周年(因為佢最後被教廷以火刑處死)。有興趣補補佢既歷史背景請看
http://rthk9.rthk.hk/elearning/travel/articles/15/f15_01_04_02_04.htm。
好記得當時tour guide話,呢兩支塔其實真係一高一矮,並非角度問題,仲一肥一瘦,而高既就代表Adam 阿當;矮既代表Eve夏娃。上網睇過有人話,望住呢兩支唔對稱既野,真係會令強逼症病發


,哈哈哈,都真係有D。

頭先張相右邊矮D,呢張右邊高D…難分真與假。不過應該呢張作準,因為我記得高D果支係粗D的。

呢個表演者好勤力,我地兩日黎都見到佢

,但佢真係相當creepy,小丑樣,BB身,坐係類似bb車既野入面,好多bb玩具吊住,前面個錢箱放住藍精靈同傻豹公仔,而佢就不斷扮可愛,發出怪聲,玩口水之類,好怪異!!

圖中creepy人後面果個人玩緊果d車成個Prague都有,好多人係度玩,直頭好似係個tour,佢地會一行人咁遊,係古城入面見到呢舊先進野四圍遊走感覺怪怪地咁

。
跟住,我地就去睇天文鐘,話說天文鐘個結構幾得意,睇法都幾新奇(對我黎講),所以會特別紀錄下
(待續)