NEW YORK CAFE 甜品
好多人黎Budapest都會黎呢度,作為景點撚既我當然都去埋


呢度既特色就係入面個環境好grand好靚,亦係佢最吸引我既地方。
外面睇平平無奇,入到去就見到了。
皇家感覺

影得唔好,白平衡無set好就影,救唔返
因為都夜,我地無打算食野,黎叫下飲品就夠了。我地叫d特飲。
印象中我地係叫左一個白朱古力奶昔,仲送幾塊餅仔。
仲有士多啤利奶昔,因為我鐘意飲麥記果個,想睇下靚野有咩唔同
基本上呢d都係不可能係伏既飲品,除非犯溝左太多水呢d低級錯誤。
呢兩杯都符合預期,甜度啱啱好(我鐘意食甜野)夠creamy 好好飲 奶味幾香

唯一要挑剔既係舊忌廉太大,少d反而會再好飲d ,雖然大大舊會靚d

唔太記得幾錢了,不過我地晚上黎坐下飲下甜品又覺得幾值得
重點係歎呢度既環境
叫侍應幫我地影張相,晚上得四、五張台有人。
真係幾奢華,歐洲d皇宮咁,一路飲一路j呢度既裝修

。
呢度的確係幾靚架,有時間不妨黎飲杯野。
離開呢度,我地就行去車站,途中路過左一間sports bar,見到啱啱好係場利記波,當然睇埋先走,結果睇完尾班車都無埋

不過以十二點一點黎講,呢頭路上感覺都唔覺得特別危險,因為係大馬路黎,加上我地一男一女啦,一個女仔就點都唔建議咁夜仲係街度行啦。
其實旅程黎到呢度,已經係last night啦,翌日早上我地就搭飛機去荷蘭,結束呢個歐洲首個trip,同時正式展開我地既exchange(瘋狂旅行)生活

我覺得如果第一次去歐洲,奧捷匈係幾適合既目的地,
呢度有大古城,又有童話小鎮,亦都有大自然景色,全部都好靚,
每轉一個國家,即使只係幾個鐘既車程,
一落車都會比到我好唔同既感覺,唔會覺得度度一樣,
想睇彩色既古城靚景有PRAGUE、想睇夜景同玩有BUDAPEST、想睇館有VIENNA、想睇小鎮有HALLSTATT CK等、想睇大自然可以去AUSTRIA西部睇湖、睇雪山,
所以行程都幾精彩同豐富。
另外佢治安都算正常,感覺比希臘雅典、西班牙、意大利、巴黎等安全得多,
歐遊新手可以唔洗太擔心;
交通亦都唔會太複雜,好多時可以輕易順住路咁玩;
物價亦都唔會太高,無必要窮遊,可以玩得舒服輕鬆,
所以如果第一次去歐洲,絕對推薦奧捷匈!
【13日東歐四國遊記 完結】