【奧捷斯匈】13日東歐四國遊記 (遊記資訊+歐遊你問我答) 7

絲打影嘅相真係好靚
想問下你用咩相機影？

我遲啲去呢啲國家旅行
想帶部單反去
你覺得會唔會危險？

另外一般應該帶幾多錢响身好？
幾年前我去過德國 覺得好安全
但其他國家就有啲擔心

多謝
呢d國家帶單反去無問題 如果你支鏡貴既，最好摸實個鏡頭，廢時d人熟手既話一野擰走左支鏡走

呢d相我用500D加 10-18mm stm
可能因為太cheap，我單膊咁側孭都唔會覺得會被人偷 同埋冬天人少，如果行埋黎好覺眼 同d人保持到正常距離所覺得唔危險

巴打去幾耐啊
我覺得治安同德國比我既感覺都差唔多
得希臘我真係覺得治安特別差

我用緊700d 18-135
唔算好貴但都有啲擔心
會去嗰頭四個星期
包括去波蘭同克羅地亞啊
幾年前去過德國覺得好舒服好安全
希望中/東歐都係咁

另外想問下絲打有冇去過西班牙?
事關我之後會去埋嗰頭
嗰邊偷野嚴唔嚴重?

呢幾個地方我都覺得好安全，特別克羅地亞

有 但我剩係去左madrid同barca，覺得唔危險 不過Barcelona d 地鐵巴士果d真係比較多人同逼 要小心財物 但係街度行我又覺得完全無野
雖然d人講到西班牙d扒手同意大利巴黎齊名咁 可能我果時好彩
madrid我半齊一點到市中心，超多人，熱鬧到
btw 西班牙野食

推

上次講到我地hea到4點幾先出門口
出發果下個天仲係白色既。

好記得途中見到個當地小朋友，唔知做咩拎住舊雪球好似想掉我地咁但佢又無掉，只係扮掉然後跑走左

我地入左間手信店，佢店面仲寫明可以唱CZK。我地正想唱d，加上佢又幾靚rate，就唱埋。係入面買左磁石，以下係我買左既CK磁石，無冬日版。



出返黎，我地出發去彩色塔！個天開始黑。



但好靚，燈色街燈，雪景，彩色塔…嗚哇，好靚！



企係度，會有逆光既輪廓。



好靚啊CK真係每步一J。





係橋呢度睇，成座城堡、彩色塔映入眼簾。



呢張用左flash，仲有個路入入左鏡。嗚哇，d雪即時好明顯。無錯，其實一直都落緊雪架！


感覺到晚上既天清左好多。



仔細睇，會見到d雪落黎既線條架。

晚上（其實只係5點幾）既城堡幸運地仍然「開放」。應該話，其實成個冬天佢都不設導賞團同展室既入場。不過，佢既觀景台、走廊呢d得石頭既地方，似乎係長期開放既——入面根本無職員！！

於是，我地就變左夜探古堡因為太黃太黑，我一直都無影相，直至發現有觀景台（我係無上網睇過相，唔知呢度有）如果知道既我一定唔會天黑先黎啊！！！！！！！



影得好差我知，因為我極無耐性，無特登試唔同角度。當時其實漆黑一片咁濟，千其唔好以為呢度有以上夜景睇，無啊！無架！呢張係我慢快門，少少長d時間曝光先影到架！！
現實係比下圖更暗，而且係黃D：

我必須比返d現實大家睇，以免有人專程等到晚上上黎睇夜景。你肉眼根本唔會睇到咩景，我當時只係感受到遺憾，後悔無早d日光日白時出黎，甚至想聽朝一早起身再黎影相（真係只係想，懶惰既我並沒有咁做）。

曝耐少少光（真係少少，你睇d noise都知我iso推到好高），再拉光佢，

唉，不要再說了，日頭一定好靚。

好可愛既雪人仔，係唔知邊個整既，只有手掌咁大。

城堡，原來我地都行左好入，呢度離彩色塔（入口果頭）已經幾遠了。

以下係再一張高iso到3200，曝光1秒左右，再LR拉光既相

多謝科技，令我重新睇到CK城堡高空夜景 ，有點驚喜。
相信係度比d耐性，曝耐d光、低d iso，係會影到唔錯既相。如果唔係黎嘗試影相既，晚上唔洗黎了，你以睇風景既心態黎，只會見到黑色同黃色，不過都幾有feel既，你會覺得你睇緊一個沉睡緊既小鎮。

接住，我地就去食晚餐。話說本來想刻意避開出名果間地窖餐廳，食另一間D人話其實好味d既餐廳，佢位置係城堡呢頭，位於城堡公園入面，叫做Krcma Marketa（係 2018年5月睇返見佢話停止營業）：
Trip advisor上詳情：
https://www.tripadvisor.com.hk/Restaurant_Review-g274688-d1200210-Reviews-Krcma_Marketa-Cesky_Krumlov_South_Bohemian_Region_Bohemia.html

一黎佢係城堡上順路，二黎唔少人話佢無咁出名，但好味好多，於是就targer佢。
不過…

行完紅、橙色虛線，去到啡色位發現，果度有個閘關左，根本入唔到公園，無辦法穿過公園行到黃色餐廳果度頂…行到咁入先知於是我地順路慢慢行d梯級路落返去CK鎮中。

最後，我地都係廢時亂入，所以行到去出名既地窖餐廳，試試佢。

KRČMA V ŠATLAVSKÉ

呢間地窖餐廳係 CK非常出名，似乎變埋CK既行程之一！今晚我地都決定試一試。
因為當時只係6點零，其實好早，加上晚上可能無咩遊客，入面好多吉位，我地可以直接入去！中午黎既時候入面FULL到店員直頭話只限預先訂座既人。

入到黎，的確係幾好feel，整到成個山洞咁。我地叫左個烤豬手，仲有雞翼粟米。


好！巨！型！大過隻手！！成把刀插住serve，好有氣勢。


仲有粟米、雞翼。
呢間餐廳既菜式基本上都係味道偏重，所以其實幾啱我地 之前對呢個餐廳無抱咩期望，因為台妹越捧既野我地就越驚伏。試過之後，覺得其實唔錯，係個豬難切左d，但食落係幾好架。因為份量好多，豬味都唔輕，所以食到後期會開始覺得漏，絕對絕對要share食。整體黎講呢餐都係滿意！並無覺得伏，可以一戰。

食完後，我地就去附近士多仔買D果汁，好早返去休息，迎接聽日既另一個旅程重頭戲—Hallstatt。

推啊

絲打, 我最後決定會去埋brugge同ghent
我paris出發去brussels, 如果上面2個town 即日來回夠唔夠?
之前見其他巴share就3日去曬個地方都夠
但我有6日半, 有無咩好介紹加插下行程

如果加插個盧森堡/德國會唔會太趕?
我最後係brussels飛番香港

聽完絲打咁講
我個心都定返啲
隔黎post講巴黎實在講到我心慌慌

絲打個網好多有用資訊
我得閒追下先

我都係，睇到隔離post都驚驚地
嚟緊去巴黎都係小心啲

想問下絲打有冇買電話卡
下個月自己去半個月，唔知買邊張電話卡好

上面兩個town即日來回係夠的，甚至夏天的話早d出發可以一日去曬ghent同brugge
當然如果係鐘意係河邊hea返一兩個鐘、遊船果d風格就最好一日一日咁去

luxembourg都係d一個可以行完主要景點既地方

我果時係4日3夜brussels，第1日半日brussels市內，第2日ghent +brugge，第3日luxembourg，第4日brussels無野好做（本來想去下里爾 不過果日公眾假期 預左乜都唔開咁就唔去） ，全部住brussels即日來回

所以盧、比係3日去到曬

多左幾日
可以考慮下荷蘭既maastricht（go pass去單程10歐有找）、去埋荷比德交界點過下癮都得 （maastricht玩曬既應該係可以用到兩日）

我果時出發前都好不安，d人講到好似一出街就被人打劫咁款 所以我帶左把鎖去，不過最後都無用過，無想像中咁癲，唔好好似係香港日本咁鬆懈就得

放腰間既防盜腰包係幾好用，我地都係靠個腰包黎keep住d錢

多謝支持

可以睇呢篇

【資訊】歐洲上網 – 流動數據及通話 SIM CARD
https://wp.me/p8A312-d0


不過而家歐盟data可以通用，所以其實當地買simcard係好多地方都用到（新制後我無試過）
但因為我當地買我中過伏所以下次去我都係會淘寶

咁等我去深水埗睇下先

[url] Hotels.https://zh.hotels.com/dl/hotel/details.html?hotelId=594173[/url]

CK我住呢間

巴打係去完返黎定準備去？

都可以，雖然唔知會唔會話某d card其實伏黎咁樣

【住宿資訊】奧地利 HALLSTATT 住宿攻略 及 分享 HAUS HÖLL HERTA 住宿體驗

去到 Hallstatt，都會好想係呢個童話小鎮住上一兩晚既，呢篇會介紹下我地住既酒店同分享少少tips既。

首先，Hallstatt住宿係搶得好勁，一定要早！當時我地出發前近2個月book都剩返極少好選擇，而我地當時只係淡季！所以如果你夏天去，最好早早早D book。

最初揀酒店，其實都唔知邊個位先叫靚位，因為呢帶有兩個火車、4個碼頭，個個區都沿湖而建既，相信呢點係唔少人既疑惑。

TIPS

首先，我地了解下Hallstatt既結構。


鎮中最「旺」既區，即係商店、餐廳重地，係左上角果邊，而 postcard上面個景都係果帶既。另外，果度都有個碼頭，搭去對面果個Hallstatt Bahn，我最後係係果度搭火車去Vienna既。住果度應該最貴，果帶有幾間高級酒店，對正個湖，應該要千幾二千蚊晚（我覺得有D唔抵既，雖然湖景靚，但呢個價去到Santorini可以住到果D歎住私人泳池、面海既獨立白屋villa了，花係呢度就感覺無咁抵玩，當中Seehotel Grüner Baum Boutiquehotel am Hallstättersee既食物更加要以貴價劣食黎形容）。橙色帶中間條路都係D店同餐廳。

接住，要介紹價位相對正常，但位置同樣靚既地帶啦。左下方超市果帶開始，就係民居啦，當中有booking.com 既 apartment、airbnb等，酒店就少見D，鹽礦纜車車站、tourist info centre都係係果度。而我住既Haus Holl Herta就係係正個纜車車站隔離既。呢個位近超市，又近碼頭（雖然呢個我用唔著），我CK shuttle落車位都係超市出面，加上呢個鎮好細，行去最旺果區只係200m距離，所以我覺得絕對係靚位。我當時冬天黎，住雙人房（包獨立 bathroom）包超高質早餐，每人近300hkd晚，但我都聽過有人search夏天，係要千幾蚊晚既……

綠色一帶就係入D既民居，位置無上面果D咁近車站、鎮中心，但以呢帶咁細既面積黎睇，佢地遠極有限。

最後，就係黃色Obertraun一帶，其實我覺得佢都係個靚位，首先果帶有曬火車站同碼頭，到埗/走可以用火車，而去Hallstatt果區都只係一個短短既船程（記憶中唔貴），就可以到達超市果邊個碼頭，遊覽Hallstatt。另外，佢一樣沿湖、果頭又有自己既餐廳果D，最重要係價位應該會比住Hallstatt平一截，所以到左旅遊旺季，呢度都係個唔錯既選擇！

至於最頂既Hallstatt bahnof果邊，以我經驗，果度係荒山野嶺咁，應該無得住。

然後，就係揀酒店時候啦。

你可以係唔同既酒店網（hotels.com / booking.com / hotelscombined.com / agoda / trivago etc ）search Hallstatt，
再用地圖搜索，之後zoom去上面提及幾個較好既area，一次過見到果帶酒店每晚既價錢，crl+click開曬你覺得位靚又平既幾間酒店，
作出選擇。
如果全部都好貴，可以試搵遠少少既位，都唔掂再試下airbnb。

住宿推介
我地住左 Haus Höll Herta 兩晚，係1月出發前2個月（11月）左右book既，我地住既係一間連私人浴室同廁所既雙人房，一房每晚包早餐近600hkd，即係每人300hkd晚，比其他城市價位高出唔少，但已經好抵了，呢帶好多住宿真係貴得驚人。不過，夏天既話，房價會貴幾倍…我試過睇佢夏天價位，係要千幾蚊一晚 而且都好搶手。



呢個酒店係booking.com搵到既，係類似Airbnb既private room，因為佢唔係酒店format，有屋主，佢比其中一間套房你住，出面個廚房可以共用。比Private room好既係，佢係帶私人bathroom既private room，無論係房定浴室都相當闊落。
https://www.booking.com/hotel/at/haus-hoell-herta.zh-tw.html
你會見到佢冬天同夏天感覺好唔同，而網上面既室內相有D頹，我果時都覺，仲有點驚伏，不過佢係當時望落算正常D既住宿入面最平既選擇，所以就照揀試下先。結果去到發現其實好舒服、乾淨、企理，位置又靚，仲有每朝高質早餐，非常滿意！


呢個係屋主每朝早（約好時間）敲門揣到門口比你既早餐。全部都係好靚既餐具（所以好重手），上面既食物都好高質，雖然只係火腿、芝士、包、果醬、果汁，但你會feel到全部都唔係好cheap既貨種（有d酒店自助早餐果d好 cheap），因為D果醬超好味（你都知好多味都好假，我去到荷蘭超市都買唔返有咁好味既jam），火腿唔會臭、包又好好味唔頹，果汁都唔係水溝糖果類，仲有新鮮水果，奶+茶比你自己調，成set野真係好正好正。

我地打開個窗，係暖氣房入面一邊欣賞雪山景色（PS，呢個位置應該係無湖景），一邊利用呢D餐具享用呢個優質早餐，嗚呀好有度假感覺！

極力推介呢間酒店！

個推介好正
我同等女朋友諗住去捷克 假期得7到8日
但如果加埋維也納會唔會好趕
因為女朋友好喜歡音樂

11月去啊 我見捷克0到10度