【奧捷斯匈】13日東歐四國遊記 (遊記資訊+歐遊你問我答) 7

如果得三日喺法國 除左巴黎仲有咩地方可去

【歐遊百幾日遊記】東歐四國篇（奧捷斯匈）（六）DAY 3 布拉格 城堡區 半日遊（下.1）布拉格城堡區 聖維特主教座堂 黃金巷

由玩具博物館出到黎發現開始落雪好開心！成個城堡景都覺得有點點浪漫氣息。我地一直向前行，就到左聖維特主教座堂 Katedrála Sv. Víta 啦！

雪啊雪雪雪雪雪雪雪雪雪雪雪雪雪雪雪雪。

呢座係聖維特主教座堂 Katedrála Sv. Víta ，係全捷克最大既教堂，的確現場睇都好大，呢張相show唔到有幾大。

再一個哥德式建築。佢真係超古老，係公元925 年已經存在！不過當時係另一個軀體完全唔係呢個樣，只係一座羅馬式圓形建築，之後係11世紀改造成羅曼式教堂，再係13世紀被下令改建做哥德式教堂，一路建一路經歷多次戰爭、破壞，影響工程進度，所以一建就幾百年，去到20世紀先完工。

原來佢有個長d既全名，叫做 聖維特、聖溫塞斯拉斯和聖阿達爾貝特主教座堂。


話說上網睇圖話呢個係舊皇宮 Old Royal Palace，係既都好低調下



咁睇好似大d！


因為算係我係歐洲第一座見到既大教堂，所以狂影影影影影

其實佢係係個好似廣場既地方入面既。呢個廣場叫第3庭院Third Castle Courtyard


呢個教堂係免費進入架。



入面都幾型，由於係第一次入大教堂，所以影多幾張，不過因為有d暗，所以都係影得比較hea。


入面好大下

入面並無我之前ff果d內壁畫曬畫果d


影完，出返黎


呢座野好大好靚，我地係度影左幾張即影即有就繼續行。



呢個高柱叫做Obelisk at Prague Castle，用作紀念第一次世界大戰（完結之時亦係當時既First Czechoslovak Republic既成立之時），係1928（大戰後10年）開始放係度。多數叫得obelisk既，都係呢個形狀。

話說…呢支野高16米，仲話本來係大好多好多，不過係運送過程中跌到斷開左，所以就keep剩呢part唔…運上山係難d既…唔…





庭院，呢個泉係有個名堂的，叫科爾噴泉。

基本上黎到呢度，都係行下睇下影下，無咩好特別既野可以做或者細閱。呢頭仲有新皇宮、皇家花園果d，有興趣都可以去睇下，有D位都可以進內參觀既，我地今次就無特別大既興趣入去，不過歐洲d皇家花園真係好頹，得個大字（凡爾賽宮花園觀後感）


去到呢個時候，你可以順路去返近城堡門口，果度有條巷仔（上圖個紅底牌 Golden Lane），叫做黃金巷，個名係源於傳說16世紀呢度有鍊金術師。佢外面睇幾特別，係一條有好多建築風格幾特別既屋仔所排成既巷仔。


erm…好多人

本身參觀黃金巷係要入場費的，係要用張連埋參觀其他宮啊、教堂咁買既套票入場，價錢係 250-350(全票)Czk；125-175(學生)CZK，唔同package唔同價錢。
價目詳情：
https://www.hrad.cz/file/edee/cs/prazsky-hrad-pro-navstevniky/vstupenky/cenik-sph-2017-english_audio.pdf

黃金巷開放時間 OPENING HOURS

NOVEMBER 11月 – MARCH 3月
每日09.00 – 16.00

APRIL 4月– OCTOBER 10月
每日09.00 – 17.00

CLOSED: 24 DECEMBER

但正當我地想行去counter買飛時，staff截停我地話等多陣，到4點（開放時間結束）後就可以免費入場，真老實，於是我地就等下，呢頭亦都開始多人。

點解過左開放時間都有得入呢？
因為原來過左開放時間，多數既屋仔都會關，會關既就係果9個用作展覽既屋仔，內容係講呢條巷既歷史、d屋仔住過咩人，佢地過d點既生活。據說連猶太作家卡夫卡都係度住過第22號屋。呢d屋仔聽落都幾有趣，關左後，剩返會開既，就係手信店。

四點好快就到，人頭湧湧，上面都見，影唔到無人既相。

右邊上面類似城牆頂既，係有個位有得上去，就係兵器館，係典型城堡入面會有既館。
我地一野上城牆果個館仔睇。
呢度都幾細下，好似係一個城牆頂既室內巷仔，所以都幾窄。

必有既展品——酷刑工具

武器一堆


見到人型咁大既野就自然會走埋去扮啦。


古代屎坑
行完一輪後，就出返去，其實都無咩好特別既野，就打左咭咁。

城堡區呢帶建築係幾靚既，黎行下影下相都幾好，
當然天氣好就更加好啦，影個布拉格高空景靚好多啊！！！

咁聽落轉完plan 會有特別d既行程咁
睇你覺得搭多2兩粒鐘車，去換一個新既行程值唔值得 聽落幾好既

btw 你原本hallstatt之後係經ck去prague定直去prague

3日都應該夠用黎玩巴黎，
不過真係好想去遠d既可以考慮下Colmar / Troyes ，唔算近 但又唔算超遠，但都2個幾鐘車程，
會係好唔同既景色

而家追應該唔洗溫書 聽日考完追
應該會好掛住個面

原本係想經ck去Prague
而家諗落轉plan都ok, 雖然多兩個鐘車, 但如果唔去鹽礦，hallstatt 幾個鐘應該行得曬

絲打有野想問
我六月頭會去歐洲
我會由nice去croatia (dubrovnik->split->zagreb) 再上budapest
想問會建議去到zagreb再去budapest定由split直上budapest?
另外我見飛機去budapest全部好貴 通常係會搭train定bus多? 唔該哂

巴打加油 重遊舊地既感覺

歡迎大家騎劫一齊開心share

想問下會唔會有阿姆斯特丹推薦
我上Agoda睇好貴

有啲遠少少係Zaandam 都成800蚊晚

哇split上bud好遠wo
記憶中croatia同好多國家既往來機票都全年過千
通常搭巴士，但巴士又搭太耐，無咩可能，要中間加個zagreb之類停一停
雖然split上zab都係要5個鐘
但都可接受既，變5+4咁搭
係zagreb睇下失戀博物館果d

但你可以計下呢d巴士加埋幾錢 vs 機票幾錢
始終飛機咁睇可以慳唔少時間 可以睇下差價值唔值
畢竟zagreb個人覺得魅力不大

無咩特別興奮
係感覺幾特別

係咪通常都係用GoEuro搵bus? 有無d係專係搵overnight bus
我6月頭出發 d inbound transport好多都未搞好

頂頭先打完一段無左


如果唔介意要轉車就shuttle時間出入既可以睇下機場ibis酒店，酒店出黎要搭shuttle到機場，係機場搭到centraal（正常價錢 10零分鐘左右），會平好多，4xx一房（果時）市內就真係貴啦


zandaam ibis有無睇過？

我用開checkmybus getbybus busradar
有時有d國家既車有d網唔齊 所以我會睇多幾個
overnight bus無搭過所以唔清楚 但見d overnight 班次都有寫出黎

哇呢個位個view好好

最後Book咗Zaandam ibis
都成7百幾一晚
不過比較之下算係幾平

係啊 hallstatt好細 好快睇完

【歐遊百幾日遊記】東歐四國篇（奧捷斯匈）（六）DAY 3 布拉格 城堡區 半日遊（下） 美麗的查理橋黃昏景色 美食推薦｜ 簡介歐遊巴士、電車買票資訊

基本上行埋黃金巷，都五點幾，冬天黎講已經開始日落了，於是我地都慢慢行落山。其實呢個時候真係已經行到腳軟，因為琴日同今日都無搭過車，完全係鐵腿遊，所以我地超想搭電車。

不過作為唔做功課既大鄉里，黎到歐洲唔知搭車點買票，上網係咁依見到人話係D售票機同火車站會有，但果個電車站就無機比我地買，我地又唔（未）敢逃票，於是係個車站企左陣望住D電車狂經過又唔敢上，站著如嘍囉，再企左陣就放棄走左。

歐洲搭巴士、電車 小資訊
係度順道講下，其實歐洲電車、巴士車票買飛方法都係大同小異，亦如上面所講，最基本就係車站、售票機可以買到車票，但唔係個個站都會有車票機，點算？

有D國家你係可以有其他方法既，例如荷蘭可以上車向司機買，意大利有D城市會有車上售票機，有D亦可以向司機買票，不過當地最常用既方法係係（都算四圍有但星期日會關既）煙仔店（tabacchi）買車票，有d大酒店都會有車票買。

咁捷克呢？上網爬文唔見有講上車買之類方法，但有趣地係網上見到個更先進既方法，就係手機購票，但首先你要有個send到訊息既手機號碼，同埋一張有錢既儲值咭：

1. 係電話用訊息set收件人做 90206
2. 係內容打以下其中一個code (e.g. DPT32)
DPT32 =買 32 CZK 90 minutes 有效車票
DTP24 =買 24 CZK 30 minutes 有效車票
DPT110 =買 110 CZK 一日 有效車票
DPT310 =買 310 CZK 三日 有效車票
3. SIM卡扣錢；2分鐘內收到SMS電子車票

我未親身試過，不過咁睇相信多數我地遊客張sim咭應該都用唔到呢招。咁點算？
咁你只能路過有車票機既站就買定幾張，或直接一開始就買day pass，以備不時之需了。

至於逃票，都係唔好搏了，捷克係興便衣查票員的，你隔離個呀婆隨時就係果個有查票員章既便衣！好多台妹都話被人查過幾次

再順帶一提，實體車票上車一定要係部機度打咭啊，否則無效，被查票員check到無Validate係無得扮無知的。

無辦法只能行路既我地繼續行，但真係塞翁失馬，焉知非福？

我地行行下就見到河邊有好多好多天鵝！！！鐘意（玩）動物既我地就狗衝過去睇啦！！！！
如果搭車，我地就會錯過呢度啦！


黃昏既查理橋係呢個角度睇到曬，期間有d人係度餵麵包，嗚哇好想餵，而偏偏呢d時候我地都係無包係手的。

超多天鵝啊！！！好得意。



比起夜景，我更加鐘意呢D就黎開始暗，四圍開曬燈，但個天又未黑曬既黃昏景色。
呢度d鵝聲好好聽啊哈哈哈。


玩完一輪後，我地繼續爬返去我地間「30分鐘之屋（追開就知講咩）」，抖下就準備出去食晚餐同睇演唱會！

今晚呢餐係Tripadvisor上面搵定既，終於有美食落肚啦！！
（去到最後既南歐Trip，我地已經好識搵，所以係咁多個trip入面食到最多美食既）

晚上演唱會係8點開始，我地抖左陣6點幾就出返黎食野，然後就搭的士去O2 Arena睇演唱會。係布拉格搭的士幾平，40CZK 14HKD起標；28CZK 10HKD/KM；6CZK 2HKD/分鐘停車時間…所以我地來回場館同最後搭去較遠既巴士車站都係用的士——但當然，巴士/電車會更平。

今日既晚餐係trip advisor上搵既，係位於我地30分鐘之屋出面果條街，位置好方便（對我地黎講），因為其實我地都係特登搵間近又多正評既黎食，所以先咁方便。

呢間餐廳叫做Kredenc Restaurant，係係火車站附近既，呢餐真係可以話係我地係歐洲第一次真係食到好味既一餐：
https://www.tripadvisor.com.hk/Restaurant_Review-g274707-d7148069-Reviews-Kredenc_Restaurant-Prague_Bohemia.html

（無影相，用官網相頂住先）

環境幾好，係我自己幾鐘意既風格~


我地今晚叫左一個牛扒 ，一個家禽類既食物，唔太確實記得係雞定鴨，再加個薯仔球。好記得其中一個扒係好似鐵板咁上菜，個牛扒仲有個蘑菇醬/配菜既，個醬勁好味，好香菇味 ！個薯仔球都係不得了 ，好驚喜不過因為無圖…如果有圖我會記得仔細d，可以講得準確d
總之，呢間係間令我地滿意既餐廳 ，我地仲好想再有機會返炒 ，不過今晚Last Night了…

因為趕時間去Imagine Dragons演唱會，我地埋單後都急急腳要走。其實店員仲送左幾粒糖同一杯酒比我地，係一個 shot，真係warm，可惜我地唔飲得，而且趕時間，飲左少少就要走了。

呢度就係演唱會既場地，我地幾乎遲到，於是要急急腳走入去



影緊乜放心，唔係爆炸



好記得我地好趕咁去，但Imagine Dragons遲左起碼半粒鐘未黎之前有另一隊不知名band係度表演…勁難聽…勁悶全場由一開始好high變到坐定定直至真正開show ~


呢個場好大
有趣地，睇返d相，無一張係影到Imagine Dragons既任何一個人的

完Show後，個天落大大大大雪地面直頭係有積雪狂風暴雪
造就左聽日一出門口既驚喜

push

我會去完巴黎去london, 再落番Brussels走
咁樣行有冇咩小鎮啱路去下

咁你入完倫敦再出返嚟咪唔抵囉
兩程內陸機/車

我嚟緊6月嘅玩法就倫敦先再順住巴黎比利時荷蘭咁玩返上去

我都唸過london入, 咁就得番5日係london
會唔會唔夠, 因為我本身唔係趕行程嘅人
不過搭thalys 巴黎去比利時又真係平d

好耐冇上黎
我又plan下東歐行程先

想問多樣野
nice去dubrovnik都好似唔係咁方便，係咪得飛機可以選擇
想問有無咩方法可以參考

有無plan去belgium既brugge同ghent啊 離brussels 0.5-1小時車程ja