【奧捷斯匈】13日東歐四國遊記 (遊記資訊+歐遊你問我答) 7

加埋行李好似差左差唔多3倍
咁樣諗住慳一晚酒店

CK 行程只有影小鎮景同食豬手但都無計，小鎮都係sell睇景 漫遊，真係無咩特別野做，除非好似雪糕巴咁去騎馬
不過去果時係冬天，好靚 所以好鐘意

我果次行左個山仔，可以望晒成個鎮 ，上面有間好古老既教堂仔 但個鎮就真心無咩行

btw，講起食豬手就嬲，果間好撚出名既地牢豬手，屌你老味明明有位又話NO，死鬼妹又唔識講英文，淨係識NO NO NO，我屌柒佢有位點解唔坐得，係咪要等，佢一句"You wait" 屌你老母死老豆咁撚樣，講一句Reserved洗死咩 。

話時話 果啲豬手有餐廳整到好軟好好食，有啲就un過車胎 ，係因為唔同既整法定間野廢？

係啊 個鎮個外型特別，所以高空景靚，入面行落就未必feel到佢有咩特別

我果時中午去都係咁上下，入面有幾多位但又出黎趕曬出面等緊果d人走 我地估d位被人book曬，但就唔明點解佢連等緊既人都要趕，講到做埋下一輪生意就閂店咁 唔比我等幾粒鐘入去食既 （雖然我唔會等 ）

我無啊 同埋我去天鵝堡無入埋去，幫唔到巴打

係啦，walk-in都唔俾等，唔憂做 我都無食到

你講起CK高空景，我在Hallstatt去CK之前同個鬼佬吹水，佢係咁話CK超靚值得去，我去完之後心諗，你梗係靚啦有部航拍機

btw，唔知係咪錯覺，我覺得布拉格啲野好似平過CK

d豬本身既質素加埋整法都關事

哇 通宵巴好了

我晚上去先至唔洗等，因為多數one day旅客走曬

唔怪得，絲打你去果時好唔好天

應該係，可能因為成個CK都係遊客鎮 遊客比率比prague高，物價推高曬
利申 9up

CK地牢餐廳唔覺得特別好食喎, 係D台灣BLOG講到一定要去咁

係 佢地捧到上天 搞到我本來晚餐唔想去 ，想去另一間 但果間關左 最後去返出名果間
我預左係伏，所以食落唔伏就覺得都幾好 我覺得佢所有野都係重口味，夠味所以都幾啱我地口味 都食得過，但有d人可能會覺得太鹹。

就出發 好緊張
咩都未搞好咁

【歐遊百幾日遊記】東歐四國篇（奧捷斯匈）（十六）DAY 9 維也納 VIENNA — 百水屋 — 從維也納到布拉提斯拉瓦 (BRATISLAVA, SLOVAKIA) 交通

Vienna 第2日既行程其實只有一個，就係去百水屋：下圖右手邊既地方。



Check out後，我地首先係樓下求其搵野食，入左係正樓下既中菜餐廳，印象中係叫左d餃子、炒麵之類，平平地解決個午餐。

接住，因為airbnb check out後無得放行李，而我地去Bratislava既車要5點幾先到，所以我地就要搵個locker寄存行李。但係，地鐵細站係唔會有lockers，於是我地就問職員邊個站會有，最後就去左果個站（已經唔記得邊個）放行李。

係歐洲租用一個locker放背囊，一般4-5歐會租到一個細；大D既行李就可能要6-8歐。所以行李大又多既話，其實有時比多少少錢住酒店，行李鐘意check out前後放到幾時拎都得，最後個價分分鐘都同airbnb+寄存行李差唔到幾多，但就舒服、方便唔少（我又貼錢做酒店打手）。


好長既巴士，呢度好常見。


今日個天勁清。

頭先講過，今日既行程只有一個，就係去百水屋，咁其餘時間我地做左乜呢？因為突然好想食雪糕，而Vienna冬天好多雪糕店都係唔開既，所以今日我地就展開左雪糕hunting既行程——我地用Foursquare（呢兩日成日用呢個app），揀雪糕，佢就會list out一堆最近既雪糕店。其實呢個app都唔錯，可以根據你既位置去推薦你想搵既野，去旅行想搵超市、藥店、雪糕、餐廳都可以用佢，佢仲有寫埋營業時間、用戶評分等。

不過，有d營業時間係未必準——例如一間雪糕店夏天係如佢所講開10am-7pm，但冬天完全唔開店呢樣，佢就未必會寫出黎。於是太得閒又太想食雪糕既我地就跟住4square搵雪糕店，亦摸左好多門釘，越玩越刺激，因為我地不斷抱住一絲希望等奇蹟發生，係度一路行一路揭曉答案！

途中又撞到 Nordsee，好多bell



講真快餐黎講呢個賣相真係有板有眼，除左個魚包……



我地又買薯角了（佢夾緊）

一路食住行，行左五、六間關門既雪糕店後，就黎放棄之際，奇蹟終於發生啦 ！！我地終於係近查理教堂搵到一間開門既有賣雪糕既店 ！！而且係超熱鬧既一間 ！

GELATERIA CASTELLETTO


呢間店叫做Gelateria Castelletto，係一間甜品黎，亦有賣餐飲，入面有個好大既雪糕櫃，超多當地人帶埋自己d寵物入黎high tea傾計，非常旺。

我地搵到位後，就叫左個5球既雪糕杯——搵得咁辛苦緊係要叫多d，慰勞返。



超抵，呢個雪糕只需要5-6歐左右！ 仲可以坐低慢慢歎 。有咩咁好？因為好多歐洲餐廳都會趕走d只買雪糕既人，剩係比叫食物、飲品既人坐入面。

呢個雪糕杯有yoghurt、香蕉、士多啤利、檸檬、西瓜味，當中我超超超鐘意佢個乳酪味 ，檸檬味就真係極酸哈哈哈，要混埋香蕉味先好d。

接住，其實已經兩點幾，但百水屋係同一陣個巴士站果邊近d，而佢地兩個都離市中心呢頭好遠，果度又無乜野睇，所以我地打算4點零先去百水屋，於是就去市中心hea啦，睇到日頭版本既Vienna中央大街。今日天氣比琴日好得多。

係呢個幾鐘我地做左乜，都唔太記得 ，只記得有d Gypsy派花黨係度四圍「送」花，我地當然就唔理佢地啦。





random街景

放心 有咩係度問

百水屋最近既地鐵站係Wien Mitte、Landstraße或Rochusgasse，但3個都其實唔係真係好近，到站後行9-12分鐘後先到既。

見到了，呢個係佢既側面——係咪好頹

HUNDERTWASSERHAUS 漢德瓦薩之家 / 百水屋


Hundertwasserhaus既設計師 Hundertwasser係一個藝術家，夢想係建一座「與植物一起生存的家」，歐洲各地有唔少佢設計既特色建築。圖中呢座，其實係一座有53間屋既公屋，係1977年既維也納市長邀請Hunderwasser（以及建築師Josef Krawina）去設計既。從圖中見到，百水屋上面的確有唔少樹係建築物度伸出黎，相信佢已經夢想成真喇。

百水屋呢個名，有無意思架呢？其實同個設計無關，而係漢德瓦薩Hundertwasser另一個譯名「Hunder – 百」；「Wasser – 水」，所以漢德瓦薩之家、百水屋都係用佢個名黎命名既屋。

我自己鐘意叫佢百水屋，因為比較呼應到佢作為住宅（百姓），又同自然共存既精神。



雖然間屋個名係百水先生既，不過其實法律上，呢間屋係由建築師Josef Krawina同百水先生合力創造，並非百水一人擁有呢個作品。

其實如果對奇怪建築唔係特別感興趣，又無乜時間的話，我認為唔洗特登黎，因為唔係D精彩到唔睇好可惜既景點。呢個地方我本來以為個牆會顏色鮮艷，點知實際上比想像中淺色好多，同埋好似唔會影到下圖呢種角度，

因為其實佢對面有橦樓，影呢個角度要行到對面樓入面/天台先會影到，我係地面用廣角鏡都完全影唔曬。


真實望，我唔太識得欣賞呢座建築，你可以做既都係係外面睇下、影下，同埋入佢手信店買紀念品，特登黎一黎就唔太值得。特別係冬天，你只會見到枯枝，感覺太頹啦，有點恐怖。如果係夏天，見到好多綠葉係座建築度，應該會好睇好多！



佢係幾特別，但講唔上美觀，不過有d人係鐘意呢d風格既建築（例如我男朋友）。


上圖左下角由正常屋突變成彩色屋呢下我就幾鐘意，幾得意。


手信店入面賣既都係好彩色既畫作。
男朋友仲見到手信店既中下方呢張相後念念不忘，最後仲用廿歐買左佢返去，佢話佢係呢張相度睇到夢想。不過，呢張相係幾靚既，起碼一定靚過是日見到既實物好多！與其話係相，不如話係畫，因為真係好假。



地面呢層仲有得落去basement，都係手信店，幾靚既，但我竟然無咩影相，下面仲有個廁所，d室內裝飾都係幾不規則既風格。不過廁所內部就係正常風格啦



如果好鐘意呢種建築既，你除左黎呢度，仲可以去埋附近既維也納藝術之家，都係百水既作品，亦都係呢種奇怪風格，入面仲有百水既常設作品展覽，可以一次過睇到佢既其他作品。


睇完百水屋，都開始天黑了，我地係超市買d果汁後，就準備去搭車喇。

VIENNA – BRATISLAVA 交通
由Vienna 去 Bratislava，只需搭1小時既巴士，我地搭Flixbis，票價係7.5歐一人，係各大巴士網都輕易搵到車。
【【歐遊新手必看攻略 尋找歐洲交通、車票方法】歐遊交通起步攻略 （巴士、火車、機票、渡輪）】

今次我地既上車站係
Vienna – Vienna Erdberg (VIB) – Vienna International Busterminal
咁樣睇離中心都好遠下，不過從百水屋搭地鐵去，其實只係15分鐘車程。
呢度有大量國際線既巴士站。


落車站係
Slovakia (Bratislava) -Bratislava Novy Most，即係多瑙河既橋既古城端。
我記得落車時係係橋底咁上下（下圖紅色釘位置），我地就係果度行去我地酒店 (Loft Hotel Bratislava)，行左19分鐘。不過如果住入Old town內，其實行8分鐘都到了。



呢程巴士全程 1小時 ，到Bratislava時，係晚上7:35，當時天都黑曬，由車站去酒店，途經古城，四圍都有唔少人，古城出面係 H&M街（現代化既購物街），果度勁多人係度玩，好多都係黑人青少年，不過佢自己玩姐，架電車開果時跳上電車尾，架車行幾步後又跳返落黎做乜鬼

下篇，會講我地到埗後超超超好味晚餐，以及我地係Bratislava呢3晚住既兩間推薦酒店！

係到睇 已經幫左好多

推一推

樓主可唔可以比少少意見..如果9月中開始去玩3個月
Backpack會唔會好唔方便 畢竟要帶埋好多禦寒衣物

哇 9月要帶埋d褸走黎走去都幾煩
如果真係要呢個range去
我可能會到時要果時先買褸
或者託人寄/帶比自己

係咪正常都唔會咁樣玩
好想試下做backpacker玩幾個月，加上今次好貪心想一次過去晒想去既地方..所以都幾麻煩咁

都幾好既，睇曬夏、紅葉、冬天
巴打會去邊啊

但行李方面真係唔知點搞
首先緊係要跟你去玩東歐喇 之後德國荷蘭英蘇格蘭愛爾蘭都有興趣，再貪心d想去埋冰島/北歐追極光

瞓前一推
聽日同樣時間應該係土耳其了