【奧捷斯匈】13日東歐四國遊記 (遊記資訊+歐遊你問我答) 7

前幾頁ck遊記有名

準備去奧地利留個名先

我無試過做呢樣野 所有電器都一野插落去

絲打去咩城市啊

紅巴
會去英國法國瑞士奧地利意大利
第1次去歐洲去得好貪心咁
btw 想問下如果係salzburg出發 朝早去國皇湖 晏就番番salzburg拎行李再出發去hallstatt會唔會好chur

另外仲想知下有冇人會21-22去呢2個地方 驚人生路不熟 我之後應該會落2日vienna~

唔會既 搭咁多個鐘去到想去多d地方都正常

可能有d chur。晏就係預幾點？如果中午1點果d就出發去hallstatt 就可能要辛苦d 6 7點出門（見太早d巴士好疏，唔知有無）國王湖d船頭班船記得係8點幾，如果你要入最靚既上湖搭船來回預起碼2粒鐘，未計你係兩個湖會分別要d時間行下影下，所以成件事由salzburg出發（一粒鐘到碼頭果頭）假設你d車係順既，計埋玩起6個鐘，返到去salzburg12點1點，咁後面去hallstatt就唔洗咁趕。

如果打算3點既，就唔洗超早起，但行程要趕少少，玩緊果時要睇住時間，無得hea耐d咁，因為如果搭巴士要留意兩班到hallstatt既巴士既尾班車時間，第2程車好似最後5 6點尾班，miss左就無，所以最好確保3點前返到salzburg，驚你會需要趕住玩湖

我黎緊月尾都會去，果日只安排國王湖一個行程，打算太早完先諗去唔去鷹巢睇風景

btw 唔搭巴士都可以搭火車既，尾班車好似無咁早，但價錢就無研究

其實hallstatt 我係book左airbnb 住obertruan
諗緊會唔會好趕咁
國皇湖諗住係晨早去 應該坐815架車 寫就寫930到
唉又鍾意影下相咁
可能睇下影下都2 3點先出得番salzburg

冇可能
伍有分上湖 下湖
你去哂就一定3-4點
好趕 無謂為打卡而去

應該要，你100v香港都要用變壓啦

岩岩睇過入Hallstatt d 巴士 坐最遲4:15個架應該ok

我自己唔敢真係揀到尾班 感覺好伏好唔安心 不過都有火車既

七月去奥匈留名

因為都唔係架架入obertraun
對上一架就勁早

係wo你仲要入埋obertraun
希望一切順利

正啊

推
終於計好曬數買曬d長途車票 黎緊可以專心d打返遊記 希望係
連瑞士玩搞到計half fare card swiss travel pass 定 eurail pass計左激耐

【歐遊百幾日遊記】東歐四國篇（奧捷斯匈）（十一）DAY 6 HALLSTATT 哈修塔特 哈爾施塔特 白雪滿蓋的仙境——HALLSTATT （1/3）| 冬遊HALLSTATT | 堆雪人、擲雪球、必去世界最美小鎮POSTCARD位


第二早上，正如住宿篇 （前往https://wp.me/p8A312-nE）所講，早上屋主就按約定時間敲門送上豐富早餐。


呢set早餐真係好豐富同現實睇相當壯觀，用上最靚既餐具，食物有幾層，剩係飲品都有幾種，一路搵野食一路有尋寶既感覺。當然，個早餐其實都係好典型既歐式早餐——用包夾火腿、牛油、果醬 ，同時又帶點奧地利特色——用左奧地利成日見到既呢種包。



雖然聽落普通，但呢餐早餐所有食材都好味，果醬一食就知唔係最平果種味道又假又怪既醬，真係覺得個果醬為早餐加分不少！火腿都係，幾好味。而最重要既係，一路望住出面既雪山，一路係室內歎呢set早餐，相當寫意 。

食飽後，我地就出發啦！
因為琴日已經行曬要行既街，今日我地有3個任務比自己——
1) 搵postcard影相位出黎
2) 整雪人！
3)攤雪球！！！





一出門，就見到前往鹽礦既纜車係度試行。其實佢成個冬天都唔開，今次會旭可能只係等佢keep 住運作下，無咁易壞。真係好想痴車上埋去。


首先，我地一樣沿路行，去返琴日講既最大果間手信店對出高d既公園仔度玩雪。





就係右邊矮牆上面果度，上面係個公園仔，積雪特別特別多，因為其他地方係街，多數都會被鏟左好多雪，而果個位唔係主要道路，所以仲有好多積雪，絕對係堆雪人既好地方，亦係雪球大戰既好地方！

話說係呢度附近本身已經有個起碼130高既雪人，由3個大圓球組成（無影低）。我地都想整個大大隻既，之後我地揀左個靚位，然後就開始堆啦！



發現堆雪人比想像中難，本來以為只係堆沙咁，但其實d雪好難會變到好實，你要用力不斷壓實佢。



另外，上圖所見，其實我用果個係冷手套黎，d雪痴曬上去之後，成隻熊掌咁大。不過完全無問題，用落唔會話d雪溶曬滲水入去，因為呢隻旺角女人街50蚊既加絨冷手套真係好屈機，完全保暖，手既暖氣完全trap住左，所以唔會傳到外層，搞到面果度溶雪；而你一路堆雪，對手完全唔會覺得凍，好屈！不過你玩完雪後就潑唔走面果d雪，會一直keep住個熊掌，直至到室內 反而日本買既皮製手套就一潑就ok ，不過保暖力較弱，一路堆對手會覺得凍

以前睇得得B見到電視機入面d人推雪人係滾雪球咁滾大佢，而我不知佢地係點樣做到既。
我一滾，成舊野都變曬形，就散咁，所以都係踏踏實實慢慢補雪上去加大佢。



而由於長期踎住真係好辛苦，所以索性坐落雪地。又話說呢條家姐之前淘寶買返黎既雪褲真係無得頂，防風都算，原來防水防雪係咁勁，我坐落d雪度只係覺得少少涼，個涼感比起你著褲坐落張冷氣底下既金屬椅仲細，坐落去堆完全無問題。反而我bf條 Aigle雪褲一坐落去好似唔止凍，印象中仲會濕左d，所以其實唔可以坐落雪地。不得不讚下呢條（好樣衰）既雪褲。今次d保暖衣物真係帶得啱。

由於要堆個巨雪人實在太吃力，我地堆到咁上下決定堆個雪人bb算，呢個size，70-100cm高，已經係用左唔少時間同力氣去堆架！人地果個130以上既唔知堆左幾耐呢，果個真係又圓又實又大舊，見到有個細路路過勁大力一野踢過去佢都唔散。



三層既身。因為咁樣實在太單調，一定要比d手呀眼耳鼻口佢。係呢方面bf真係天才黎，全部都係佢拾返黎，放到上去又好啱用。

仲加埋個髮型比佢



bb出世了 ，勁得意 ，個樣勁得戚 。

人生第1個堆既雪人 ，當然要從小灌輸正確價值觀，洗下佢腦，要佢做利迷啦 。


勁襯佢，笑死。



加個光環先 變身全實錄。



大功告成。


個鼻真係不得了



我地晚上都有黎探佢，第2朝都有，哈哈哈，到離開Hallstatt果時仲健在
（附近130高果個雪人第3日見到佢被人整甩左個頭 斬頭咁成個頭係地面 ）。
不過記得離開果日好好太陽，相信佢都應該會好快溶了 。嗚哇 。



同佢瘋狂影完合照、又影下即影即有後，
我地就去下一站——postcard位啦！


（待續）

push

前2日去完Hallstatt 其實唔止木屋打卡位
Salt mine個skywalk 同obertraun嗰面個5fingers都好正
遺憾係去5fingers無時間去埋ice cave

果時上唔到去
唔緊要 遲d去冰島再睇ice cave

無記錯既話同你一樣HALLSTATT食過同一間伏野
見奧地利出名炸豬扒就叫左一份, 雖然我覺得唔應該咁樣比較但大家樂都好食過佢
之後同你一樣又係上trip advisor睇到最高分個間餐廳, 去到門口發覺貴到仆街之後就走左

後來兩餐都決定係超市買野返去自己煮

你最好睇定你嗰日係hallstatt去obertraun嘅尾班係幾點 唔洗驚佢早左走 因為呢邊d車一定等到夠鐘先走 同埋如果你唔怕行嘅話 hallstatt係可以行到去obertraun 大約45分鐘左右 沿路風景都好靚
巴打你住obertraun邊度？
記得有時間上埋5fingers

奧地利食野真係好貴 仲要有時收tips收好多
我又唔敢出聲

其實貴都唔緊要, 但貴得黎唔好食
尤其個時我由匈牙利過奧地利, 個落差真係超大
唔知係我唔識揀定點啦, 係奧地利食過幾餐都好差