晚上，我地6點半左右出返黎食飯。本來出門口前上網搵定左一間好似唔錯既餐廳，點知去到佢話佢地要閂門了…咁早
，呢度d人幾點食晚餐架於是我地又要自由walk in…
去返鎮中心果頭，琴晚果間中伏酒店就一定不了啦…但基本上去到6、7點，呢度間間店都閂。好彩…仲有另一間酒店Heritage Hotel Hallstatt係開…不過因為琴日中過酒店餐廳伏，今日我地都唔敢抱任何期望…當填飽個肚算…入到去，好似成間餐廳得另外兩人同我地，明顯少過另一間（琴晚接近滿座…
）諗起琴晚大家集體大中伏就…雖然少人好多，但呢間絕對正常過果間唔少，至少起碼有一碟我係幾滿意既。
呢間餐廳係係鎮中心盡頭，係上打咭位果個通道果頭、Heritage Hotel Hallstatt入面，
https://www.tripadvisor.com.hk/Restaurant_Review-g190427-d3315025-Reviews-Heritage_Hotel_Hallstatt-Hallstatt_Upper_Austria.html
不過不失啦。利申，兩碟入面一碟滿意、另一碟相當一般。
我地叫左一個前菜、一個主菜，分別係茄汁矮瓜包芝士，同埋一個炸豬扒。
以下有手機劣照
前菜對我地黎講係新嘗試，因為叫之前其實都唔知乜黎，黎到先知矮瓜
，而我平時係唔食矮瓜既…已經覺得gg，不過因為見d食物放得幾吸引，加上男朋友試完話覺得我會鐘意，我就試下。
包住芝士條，令我對佢幾有興趣，於是就試下啦。
點知真係比佢講中，唔錯
！食落甜甜地又有少少茄汁既酸味吊一吊，味道幾立體，幾開胃！完全feel唔到係我平時一定唔食既矮瓜，入面個芝士口感有d似食雪糕，呢碟菜式幾驚喜 ！幾有心思！至於炸豬扒就失望d，味道無咩問題，份量亦非常大件，但佢幾乾下，有dd硬，食落覺得好熱氣，
我地兩個一齊share都食唔曬~亦無覺得一定要食曬，但d沙律就一定要食曬啦，因為歐洲西餐真係要食多d菜平衡返。
因為後來全場得我地，好似包左場咁，甚至覺得自己阻住人收工
。最後埋單都係西歐價，每碟10-16歐左右，但實際幾多真係唔記得。
食完飯後，我地未捨得返去，決定去返推雪人個公園玩雪球大戰！全程勁驚一野飛左落隻雪人度
而賽果就當然係我大敗
我連雪球都唔識整，完全唔識點樣可以utt出一個又實又大既雪球，於是被屈機不過真係好好玩，次次開局果下見bf拎左個巨雪球出黎而我得連波波池d波都大d既雪球，就嚇到痴線。
順便探下佢是常識吧
。死肥仔原來我地仲有影低另一隻人地整既雪人（下圖）
真係高大d，我覺得中間果個長既身好屈機，勁硬不過第2朝佢已經倒下左，應該係被人踏甩左，上面兩個大球同個底座分離左
因為覺得我地隻雪人太寂寞，我地就近近地再堆一隻雪人。不過因為太攰，我地今次堆到可能得45cm高已經放棄
整左隻邪惡雪鬼張相唔係我度遲d有機會再post我地係Hallstatt十分悠閒既Day 2行程就此告一段落
如果秋冬天去我諗我會再去
）動物園（好撚臭) 惡作劇之宮(好玩呀 當去水上樂園 同埋笑尻人) 遊船河(小小悶不過幾舒服) 上個castle (有guide tour都幾得意) Mozart個d完全冇興趣冇睇 淨係係條街行下睇下
同埋北山
佢係點玩法