【奧捷斯匈】13日東歐四國遊記 (遊記資訊+歐遊你問我答) 7

好正啊，咁快又有得去

奧地利就仲簡單
隨手都係銀聯atm 拎到錢 （sixbankomat, 藍綠色logo)

暫時試過完全用唔到銀聯既地方：UK, Ireland, Ukraine, Estonia, Netherlands

拎幾多錢都係收一次手續費

銀聯 $15-$18 （我用中銀）
Cirrus $28 (我有渣打cirrus卡）

Cirrus 手續費太貴了

其實用信用卡好方便，當然個rate會貴少少
但免除左帶成身cash同假銀紙既煩惱

英國 荷蘭 比利時呢d真係，個fd帶張銀聯，張咭好似廢左一樣

係啊，所以果時我地點都找換店唱 有d唔收comission，拎少少既都抵玩，想大量唱錢就去有d靚rate但收1x-2x hkd 一次性comission就抵玩，方便過用咭。當年好似唔覺有咁多銀聯，唔知係無留意定點呢 如果咁多都幾好

留名做參考

thanks巴打

推一推

留名 來緊自駕德奧 跟住返布拉格走 想知其實係咪一路用Euro 都OK? 定某啲國家用當地貨幣抵玩啲？

德奧歐元區無問題， 而d歐元區邊境城市（日內瓦、克羅地亞某d城市、bosnia & herz既mostar）有時都會肯收歐元，特別餐廳超市果d，我都有時會用歐元，你比歐元佢佢找返當地錢比你再洗果d錢 但店仔就未必肯收
布拉格果d唔知又得唔得，我無試過，不過記得克羅地亞用歐元一般個rate差差地，所以其實唔係真係只留半日既，我覺得唱返d當地貨幣會好d

【歐遊百幾日遊記】東歐四國篇（奧捷斯匈）（二。二）
DAY 2 布拉格 老城區 OLD TOWN 一日遊（中）詳說天文鐘、舊市政廳登頂資訊分享





接住，我地就去睇呢個天文鐘。
天文鐘外面好多人係度圍觀，所以係度都要小心扒手。

天文鐘係1410年創造，佢有三部份：上面既細圈、上面既大圈同下面，分別作用係表達太陽月亮等位置、時鐘同日曆。（PS 日曆部份係後期先加上去既）


下面既解說我用左好耐先總結到，因為覺得個鐘既睇法幾有趣，所以想分享下。點解要總結咁耐，因為呢個鐘點睇我已經唔記得曬，當時個導遊講左好耐，但我又發呆又睇風景又影相，除左24小時制外，我咩都唔記得曬哈哈哈，係度重新整合下。

用上面Wiki張圖黎講下，上面既細圈你會見到有幾支針係連住左個太陽公仔、月球公仔、星星公仔。大陽公仔就係用黎表示太陽位置，點表達呢？原來個鐘既背景係代表緊天空：鐘既中心係地球，外邊上面既藍色係天空，橙色係日落（地平線以下既「天空」），黑色就係黑夜，太陽公仔係會沿住果個星座鐘既細圈外圍去移動，而太陽既位置就代表佢而家係天空既邊個位，所以佢每日係首先由下面黑位向左邊（反而係左邊叫東邊）升起到上面藍色既位，向右邊（西邊）移動，落入橙色區域（黃昏），再入返黑色位，咁就係一個一日啦。


由於一年到晚日照長短都唔同，果個可移動既星座鐘細圈係冬天會係鐘既偏左下方（好似上圖咁）太陽公仔個路軌自然會比較少時間係藍色地區，4點就開始黃昏——日短夜長；相反，夏天，你會估到個星座鐘細圈係係鐘既中上方——太陽公仔大部分時間都會係藍色地帶——日長夜短，因為咁，你睇個盤都會睇到埋是日個日出日落時間。哇……呢個表達方式點諗出黎………

月亮位置，同太陽差唔多方法表示，而個月亮自己果粒珠仲識自轉去show埋比你睇月相，即係今日月亮係半月、全月定點。細圈既框上就係十二星座既符號，星星篤到邊就係咩「恆星時」，呢個真係唔知佢up乜，初步睇同而家咩月份係無咩關係既，當係古人觀星睇時間既方法之一啦。總之，呢個細既係星星月亮太陽既鐘。

上面細圈以外既大鐘你會見到好多羅馬數字，佢其實係個24小時制既時鐘，係睇內圈既羅馬數字，大陽公仔所連住既針，其實亦係時針黎，最上面既12就係正午12點，所以上圖幾點呢？無錯，就係上午6點半左右啦，呢位旅者真勤力，咁早就起身出黎行。返返正題，我地用既鐘通常都係12小時制，呢個24小時制既鐘真係幾特別，外圈係咩呢？果個係古捷克時間尺，即係古代野，可以無視，睇完都唔會知咩黎。

仲有仲有，特別既係，每逢搭正，鐘上兩個窗仔就會打開，12門徒公仔會係果度自轉咁，聽落幾可愛，不妨搭正留意下，而我地，係（因為唔知所以）無留意到既。不過我係Munich廣場都見過類似既野，其實就係望全場抬頭睇，睇完就會心諗：我頭先究竟睇左D咩。

以上所有我真係睇返再研究先記得，但經過今次整合，我諗我五年內都唔會唔記得。

最後，最下既，係個日曆，點睇架呢？如果你行近d，你會見到，白色果個外圍其實寫滿字，再借下面wiki既圖黎用，果D咩字黎架呢？原來捷克每一日都有個名，所以佢除左show數字，仲會show埋個名出黎，據說佢地除左慶祝生日，仲會慶祝埋佢地生日個名既命名日，即係假如1月1號叫Mango Day，而Mango Day呢個名係10月1號作出黎既，就要慶祝埋 10月1號？都幾有趣，又可以收多份生日禮物，食多次蛋糕。（睇黎係D過節撚諗出黎既計仔）

哇…換然之，你想知今日幾多號，你首先要有對千里眼一野望上去……唔……我諗呢個就當裝飾啦…應該上面個鐘實用好多。可惜睇唔到啦，否則，一場黎到，就可以望下自己生日究竟叫做咩名，個名幾時生日啦。當然，上網實有，但係個鐘上面搵有趣好多。

講完一大輪，呢個鐘設計真係好屈機，能夠用幾個圈，幾支針去自動化地表達曬咁多複雜既天象，當中計左幾多條數，真係唔敢想像。你仲會見到，佢唔係每一個資訊分別用一支針表達，佢係幾個資訊既針連動住一齊，再加埋D圈圈既自轉去表達N個資訊，呢個人定必對天象同時間既關係非常了解，以及精通機械、數學，先造到呢個鐘出黎，佢就係…哦…原來有兩位，係Mikuláš of Kadaň同Jan Šindel，前者係鐘錶師博，後者係數學專家同天文學家，好…睇完兩位來頭，一切都明曬了。

上面講過，呢個天文鐘塔，亦即係舊市政廳既部份，係可以入去同上頂既，而我地一方面要跟tour四圍行，亦無留意可以上頂，就無去到。睇以前既遊記，登頂同參觀市政廳可以分開去，門票分開，但而家睇到資料，似乎只能夠一次過買張250CZK 100HKD既門票，無得分開買，所以想上去既，而家就貴左喇（好似係，有錯請指正）。再貼一次

(Wikimedia Commons)
入場費用：250 CZK ~100HKD （以當地物價黎講都幾貴…但呢個價包埋參觀市政廳同地底，有Lift搭上頂）

詳情請看官網：https://www.prague.eu/en/object/places/188/old-town-hall-with-astronomical-clock-staromestska-radnice-s-orlojem

另外，呢個Tower隔離有間屋，叫做一分鐘之屋，其實佢無咩特別，最特別就係個名，而佢點解有呢個名？就係因為佢一分鐘就行到過去 Old Town Hall…好…咁Central Station Studios要改名做30分鐘之屋了。

睇完呢個天文鐘，我地就繼續去其他地方。個Guided Tour真係會帶你去每間屋仔，你睇落覺得無乜野既，佢都講到個故比你聽，所以，係幾好既，而且免費——當然啦，佢會預你比下tips既，5歐10歐20歐不等，隨你鐘意。


我地係度都聽左d故事，不過因為佢講野唔算大聲，我地又懶得湧埋去聽，好多時我地都好分心，所以我都唔太記得內容…



呢間屋幾得意，突然有個好Harry Potter既騎樓類物體，有d覺得佢以前應該成座都係果個style，不過翻新完就只保留果度。


呢兩間屋有兩條橋連接住，呢個風格令人聯想起劍橋。

話說呢個 Tour suppose會一直帶我地四圍睇，最終會去到查理橋既。不過…我地就係係行呢段路既途中有d肚餓…又見到有街邊賣香腿既檔，於是就停低買一買一陣再追上，點知一買完…成個tour唔見左無錯，我地走失左所以後最係想比tips都比唔到

因為我地聽左陣都有D眼訓…所以我地決定將錯就錯，唔刻意搵返佢地，就當中途離隊自己遊蕩下發現咁樣自己行就反而更加適合我地

講開又講，唔知點解買條腸，個店員會送埋杯酒比我地飲，佢話hot wine叫我地飲下，我地又真係接黎飲雖然我地唔飲酒，但又幾暖胃，所以就飲下啦不過之後都發現呢度係好興飲hot wine。

接住，就係我地半日漫遊布拉格古城區喇。（待續）

樓主
想講教下
我同fd嚟緊去grad trip 16日
英法比利時荷蘭
機票連保險都6000 （連埋LHR-CDG)
有無可能15000完成到
利申搵緊啲250蚊晚嘅hostel
但交通同食嘢好貴
第一次去歐想問個邊啲物價點樣
有無咩窮遊大計

好有心寫

肯自己煮下野食應該無問題
訓就訓 dorm啦

巴打幾月去？咁計剩9000去16日，平均每日560hkd，同我果時每日550hkd budget差唔多
如果唔係旺季例如五月都可以玩得幾舒服，一餐好一餐頹同住酒店，但6月果d開始旺季住宿會貴d，就可能要頹食多d同住頹d，但實有可能完成

比利時既話，我果時250hkd一人既話已經可以住到市中心唔錯既私人房（連浴廁）（一晚雙人房500內）唔洗住hostel，仲要多數 220有找。不過巴黎就無咁易有，果時4月頭得返少少每人250/晚既酒店，英國london都可能唔易，但hostel應該易搵既，荷蘭Ams就無可能250住得舒服，真係要搵hostel分分鐘連hostel都要3xx 不過我果時住機場/zaansedam ibis酒店有得250以下/人。

荷蘭交通一張張火車飛正常咁買貴到嘔，市內巴士3歐起都算，長途火車去羊角村果d可以搞到成500蚊來回 可以留意下佢d weekend ticket果類pass，有朋友係荷蘭exchange既託佢幫手過數買張group ticket可以慳唔少 ，逃票果d就千其唔好諗， check到傻
Group Ticket資料（https://mangotofufa.wordpress.com/2017/04/04/%E3%80%90%E8%B3%87%E8%A8%8A%E5%88%86%E4%BA%AB%E3%80%91%E8%8D%B7%E8%98%AD-amsterdam-%E7%AF%87-%EF%BC%88%E4%BA%94%EF%BC%89%E5%B9%AB%E4%BD%A0%E6%85%B3%E6%A5%B5%E5%A4%9A%E6%97%A2-group-ticket/）

另外荷蘭物價都唔平，入餐廳食意粉16歐走唔甩咁，貴過其他國家（多數10-12歐都ok），但日頭食d 5歐左右既Kebab/薯條果d，晚上係超市買野自己返hostel煮就可以幾平下，實慳唔少（2歐有食幾日既意粉量、唔洗5歐有d用好耐既意粉醬…肉…）當地無咩特色菜，唔洗曬quota係度食好野

法國最好一場黎到起碼食一餐好，其他可以頹食既，果d博物館好多時都有學生證就某d時段免費入，可以留意下，頹食方法都係同荷蘭差唔多，但會有多d法包咬下頂下肚

比利時物價好dd，記住搭火車去brugge同ghent的話要揀go-pass，youth ticket黎，6歐左右一張，會平過自己去買普通飛，仲有可以一日內去曬brugge同ghent，所以可以直接買brussels->brugge，中途係ghent站落車玩再去brugge，唔洗brussels->ghent; ghent-> brugge一張張咁買，咁就可以全日只需12歐左右去曬3個城市（分開買就計起碼要18歐）
食野可以試下d青口（正常15-20歐一大碗食飽到兩個人），廣場果d店多數劏遊客既，上網搵d好食先好入，其餘既食下waffle（5歐內）又一餐，食個薯條（3-4歐）又一餐 都多kebab，多頹食選擇，一餐5、6歐無問題

英國london我只係路過左個機場，無真係玩，不過相信都係果d方法，超市買野返 hostel煮

關於budget ，之前寫左篇講我地點解控制到自己每日平均唔多過550：
https://mangotofufa.wordpress.com/2017/06/01/budget/

我二月去果陣天文鐘大修

自膠上面死link

【資訊分享】荷蘭 AMSTERDAM 篇 （五）幫你慳極多既 GROUP TICKET

原價50歐變7歐既Group ticket，我諗唔到理由唔去學下點買啊！！！

https://mangotofufa.wordpress.com/2017/04/04/%E3%80%90%E8%B3%87%E8%A8%8A%E5%88%86%E4%BA%AB%E3%80%91%E8%8D%B7%E8%98%AD-amsterdam-%E7%AF%87-%EF%BC%88%E4%BA%94%EF%BC%89%E5%B9%AB%E4%BD%A0%E6%85%B3%E6%A5%B5%E5%A4%9A%E6%97%A2-group-ticket/

我二月去果陣天文鐘大修

我打遊記果時見到官網好似話咩變左個數碼化既mon扮住天文鐘個鐘面先 係咪真係有

我3月頭去就係整緊
就係睇住個mon,好撚on9

樓主痴線架？咁好心機打咁多嘢覆我
好滾動

我同另一個fd
暫時計劃係6月頭去 4/5號
預計倫敦玩4日
法國4-5日
比利時2-3日
阿姆斯特丹4-5日
其實Budget又唔係真係咁緊一定要15000內
可以多23千都得，只係我想控制下
本身都有搵火車飛，見到比利時上阿姆斯特丹30歐
GROUP tickets 又唔夠人，而家睇你咁講先知有方法


多謝你啊樓主

樓主有冇sim卡推介
會係巴黎入 去幾個國家 用大半個月
剩係試過係英國買3同ee啲卡 可以玩曬全歐洲
但係法國就search唔到

我好明白四圍上網搵都搵唔到答案既感受 所以寫詳細d幫下巴絲打

多2 3 千會鬆動舒服好多 返工再賺返

go pass好似入唔到amsterdam，最多去到邊境d既城市，30歐brussels->ams 好似多數都係呢個價，go pass/ group tickets都好似唔太用到，我無試過go pass去邊境城市 + group tickets荷蘭境內，可能work
但有次有位巴打神奇地日日去官網 click票價，clickclick下無啦啦見到有日做discount平左幾歐 到而家我都唔知點解有

btw gp tix唔夠人既話好似篇文咁講入fb gp湊人數就可以了

有咩問題隨時上黎問啦

我用開淘寶買既呢張，次次d fd講起我都推薦呢張，幾好用
係去到比利時就要手動set，因為佢成日自動search左d垃圾台
我去南法都work
https://traveldetail.taobao.com/item.htm?spm=a1z09.2.0.0.RZX3aQ&_u=3kluh453f1c&id=43842272131&