【奧捷斯匈】13日東歐四國遊記 (遊記資訊+歐遊你問我答) 7

push

去荷蘭買3day pass其實抵唔抵

d pass本新唔平
睇下巴打去幾多佢會包既館
再計條數先知有無抵左
巴打會去邊

【歐遊百幾日遊記】東歐四國篇（奧捷斯匈）（十）DAY 5 HALLSTATT 哈修塔特 哈爾施塔特 白雪滿蓋的仙境——HALLSTATT （下）| 冬遊HALLSTATT 每一步都係一個POSTCARD景 + 提防難食高級餐廳



小廣場既另一個角度。完全無人架哈哈哈。

呢頭亦有幾座教堂、上面果d其實好多係因為冬天而無開既店仔、餐廳。



呢棵樹好大啊！

呢度仲有個高D既位係特別多雪，睇黎本來係個公園仔，個位好適合係度堆下雪人、擲雪球，我地呢幾日都有黎玩，晚上真係完全無人，得我地慢慢玩雪球戰。

我地入左一間係公園仔（圖中右邊）既隔離（圖左）、比較大既手信店，



入面有好多好靚既Postcard。


有白雪版架！不過兩張都被我地唔知幾時壓皺左

亦有D水彩畫風既Hallstatt，我都忍唔住買左本百幾蚊既Hallstatt水彩畫月曆！


即使我知自己唔係一個真係會用掛曆睇日子既人，但都買左，當掛畫已經好好了——有成12幅。我到兩年後既今日都仲掛緊佢。



開心買完野就繼續亂行Hallstatt。



呢個位有一個碼頭，我地第3日就係係度搭船過對面既火車站搭OBB走了。


呢個教堂，就係超級postcard景上面果個高出黎既教堂啦，postcard card景我地會聽日先睇（其實上面就係）。





頭先個廣場後面，行行下會見到呢個洞，入面沿路一直行就會見到postcard景…其實我地唔係特登唔上去睇，只係因為我地無點做research，初頭唔知呢度上去有得睇，所以day2先發現。



Day 1 我地係係度影住先相先咁，呢個位都靚。



又係黃、啡、白既世界



好靚既雪山雪山雪山



碼頭



金黃色既陽光



之後我地係碼頭附近hea。呢度有好多鴨仔、鵝、鴿，而且係飢餓既鴨仔、鵝、鴿，你求其掉舊雪落去佢都撲曬過去 玩弄左幾次後，我地決定入去呢頭一間餐廳混合超市既地方買一買包餵下佢地。買包唔洗太高成本，係好cheap又臭既麥包類排包，一歐都唔洗就有極多，但我地就玩得好開心，瘋狂餵（玩弄）d雀。



本來呢度得一少群，無啦啦好多鴨啊雀四方八面湧曬埋黎，好似識call o靚咁變左好多，仲見證左弱肉強食既動物界，總有幾隻飛得快d狼d既雀會攔截曬d包，被霸權恰得多既我當然要幫下同類們，特登掉準d同快d落d鴨仔度，等隻雀無飽飯食。

我地就係咁一路玩一行返返去。







繼續玩雀，玩到飛曬過黎。













有排你影



排曬隊咁。如是者玩下又影下，我地玩左個幾鐘，呢一歐真係洗得好抵！

一路玩住行，好快就行返到hostel果頭喇。





玩完天色已經開始暗，但其實只係4點幾5點，於是我地決定返去抖下，玩下牛頭王 ，今晚再出去搵食。

我想問東歐4國既物價如何？

留名
想問下，如果聖誕節去歐洲（未諗去邊），啲鋪頭會唔會關曬

想問絲打你搭咩航空
直飛係咪得國泰 其他都要轉機?

六月尾-七月尾去蘇黎世/慕尼黑/奥/捷/波/匈/斯洛文尼亞 再一直南下玩巴爾幹
係咪多數好熱？洗唔洗帶定件厚褸 定係薄外套都ok
怕落雨個時凍到仆街

Austria我覺得係西歐價 無論住同食、車費印象中都係比其他3國貴 但又唔係話真係貴好多既 多一兩歐咁
捷克比較平 聽人講d hostel好平 100蚊有找都有，酒店就睇月份 我淡季所以都平 捷克物價係搭車果d都見到比其他平
hungary都算平既
Slovakia 本身應該係平 不過我地剩係去古城 果頭既野唔覺得有特別平
雖然講起有d地方貴d有d平d，但入餐廳的話其實都係全部預返每個dish12歐左右 austria可能再預多幾歐

黎緊去20日度 應該兌幾錢呢？

我未試過聖誕係歐洲 不過我1月去佢地好多店都關 因為佢地冬天淡季 有d景點直頭成個冬天都唔開
xmas去歐洲 建議你去南德 紐倫堡 羅騰堡 海德堡 Colmar d聖誕市集…

如果搵返歐洲d航空公司就有直航去佢所屬國家
我之前搭漢莎，去德國有直航，但去四國我係搭內陸機去既（我歐洲exchange）

黎緊會搭荷航、法航，去巴黎/AMS都係有直飛，但如果搭佢地去歐洲其他城市基本上都要轉機，直飛到巴黎/Ams要再搭一個幾鐘去eg prague …zurich…etc
至於其他公司d機我無留意開

厚褸就應該唔洗，去荷蘭果頭就要厚褸 薄外套就要了，一無陽光就會涼

會熱，但熱起黎都幾爽 唔似香港咁辛苦 因為有風同唔濕，果時我7月中離開歐洲既，走之前係南法既個幾星期無落過雨 日日好太陽，但唔辛苦，就算德國陰天（6月尾7月頭）都唔覺得話凍

【歐遊攻略】BUDGET篇—超常問題目——帶幾多錢好？預算及控制洗費大全

https://mangotofufa.wordpress.com/2017/06/01/budget/

呢篇希望幫到你

利申 果時個 rate 係8.5-6

我喺prague 阿
好趕d行程 跟唔到
尋日去舊皇宮嗰頭都行左我4個幾鐘 本來想去睇埋猶太區都去唔切 有1 2個地方去到先話呢幾日maintain
宜家嘆緊杯chocolte

Thank you

巴打本身係布拉格嘅行程係點嘅?
一睇就覺得好濃

中伏貴晚餐 – RESTAURANT IM SEEHOTEL GRUNER BAUM
呢度想警惕一下大家一個伏 ，不過因為相機手機都無電，所以無影相，純文字報告。

話說晚上我地想好好地、舒服咁食一餐，於是上 trip advisor搵美食啦。
我地就見到有間全Hallstatt排名第一既 Restaurant im Seehotel Gruner Baum
https://www.tripadvisor.com.hk/Restaurant_Review-g190427-d2140524-Reviews-Restaurant_im_Seehotel_Gruner_Baum-Hallstatt_Upper_Austria.html

網上圖片：

佢係呢頭一間酒店既餐廳黎，環境好好，我地日頭都有經過望到入面好靚，
日頭去個窗望過去大大片湖景，好似好高級咁 ，於是一見到原來佢排第一，緊係要試。

晚上去到，氣氛真係好好，晚上比較昏暗，有曬燭光晚餐咁，所以非常有好感 。

然後，我地叫左兩碟意粉，好期待咁等佢地黎。
而實際上係咩意粉…真係唔太記得…好大程度係因為兩碟都無味 所以根本唔知自己吃左咩意粉 ，只記得其中一碟有隻蝦，但真係又無味又乾，成碟意粉只有意粉、蝦同野菜，然後…無啦 無醬的，完全無味！好似用水白烚完就拎出黎咁…兩碟都係呢個質素……每碟起碼15歐。酒店餐廳喎 點解我唔去食旅館出面個burger算…？？ 我肯定你自己去超市買麵條、即食醬都會好味過佢

最搞笑係我地係兩日後撞到個fd，佢又係被trip advisor fake左黎食而且中得更深 佢話佢叫左個幾貴既牛扒，點知件扒係浸係水入面咁serve出黎張相好癲，塊扒變到好似去食日本拉麵果d豚肉咁笑死痴線餐廳之後佢同我一樣都有叫個蝦意粉 又係無味 證明唔係我地失去味覺

我唔明點解佢會排第一！不過 Hallstatt 呢頭食野真係無咩選擇，但點都好，唔好入黎呢間門面靚，但賣無味食物既餐廳！

第二日Hallstatt既行程，我地會去睇Hallstatt必去postcard位影相，同埋砌雪人。

（Hallstatt Day2 待續）

第一次去Hallstatt時真係覺得超靚, 不過去一次就夠
而家睇返又唔係話覺得超級勁靚, 因為佢其實都係得一兩個POSTCARD位
另外想講去Hallstatt真係至少stay一日
到左下午大部份遊客走晒時慢慢周圍行同影相先正

冬天去stay左一晚
第二朝專登買左袋包餵鴨餵天鵝
人間仙境

半個月後會去peague+vienna
有一日會去hallstatt 同salt mine
好期待
樓主個遊記好informative
有無食豬手？

果時我頭幾日去到歐洲，第一次見雪山同呢d景真係…
但如果去過國王湖果d先去呢度，就可能會覺得無咁震憾
雖然多數人黎黎去去去到剩係影果個打咭位，但果時我反而覺得行到邊都覺得好靚 仲係度講 可能7-10年後會再去多次 可能因為雪鎮加上好少人 真係覺得好舒服
如果夏天景，加埋堆人頭的話 我想像到應該無咁震憾同享受

無錯 無人先有果種feel

巴打同我一樣，玩餵雀
冬天真係可以用仙境形容
加上無人，完全覺得自己去左另一個世界

想問樓主去呢幾個國家嗰時係幾月？

多謝絲打
有 我地係ck食左豬手 一去到austria就無啖好食