【奧捷斯匈】13日東歐四國遊記 (遊記資訊+歐遊你問我答) 7

頂 想像到個畫面
去到發現整緊真係勁sad，我果時去天鵝堡，到左先知最佳觀景位置條橋整緊
完全睇唔到postcard果個view

其實唔係咁多人聚喺嗰個位我唔會知嗰度就係天文鐘 仲要睇完我同gf話 下完撚左架啦？

我同你個行程差唔多，日數都差唔多
不過我係salzburg>hallstatt>vienna>budapest>prague
係無玩斯洛伐克

如果會去晒ck小鎮同hallstatt，我建議一定要去左ck小鎮先，有比較之下會覺得ck小鎮不外如是

謝謝巴打

有無諗過坐巴士 其實巴士唔差得過火車好多
我自己最長坐過8個鐘巴士 （Tallinn>St. Pertersburg) 耐就耐d 但係平火車一大截
可以試下用goeuro格格價

剛剛望下 3-4.x粒鐘，都可接受，11歐就搞掂，又幾抵玩 想省錢可以諗諗

btw 8hr

變到咁都仲有人圍埋去

salzburg應該會精彩過bratislava

有道理 ，好彩我果時ck先，慢慢進化 所以去到都覺得ck好靚好鐘意 掉返轉可能會無咁鐘意，但係之後一去到vienna 就覺得vienna好無特色

樓主啲相隻色執到啲雲好似係假嘅咁 btw 樓主好用心寫 嚟緊六月就去捷奧匈 有好多有用資訊

3-4我都Ok

8hrs我就不了
淨係諗起飛機12個鐘都覺得累，再加8個鐘真係不了
我寧願比多少少賺時間

Lm

你講得好啱

多謝巴打 我會俾心機繼續打

由第一個post 已經開始睇

樓主覺得去Hallstatt Vienna Budapest Prague 要幾耐？

感謝巴打支持 好感動

#2 3 4應該幫到你

另外來緊會留3晚係Prague. 有無咩地方岩one day trip 近近地？ CK 諗過 但係都幾遠 唔係好岩

CK搭3粒鐘，咁如果CB / Karlovy Vary 呢d搭2粒鐘既呢？

謝謝巴打

推一推

上篇講到，我地唔小心中途離左Free Tour隊，於是有營養地聽故仔扮深度既時間就告一段落（會唔會太短暫），而家就展開我地遊蕩飲飲食食既旅程。


繼續不斷影街景，又一個華麗既街景。我覺得呢度幾好既係，雖然車可以入黎，但街上主要都係行人，所以你唔會行兩步又被人呠一呠，行得都好舒服。


之後我地黎到是日既目標之一——哈維爾市集 Havelské tržiště 。有睇開我遊記既，都應該發現我地好鐘意行market，因為我地咩無聊野都鐘意睇，仲要係特別鐘意睇無聊野，而market就最多呢D林什野。


呢度有一整列既檔口，基本上主要都係賣手信：畫、磁石、吊飾、明信片、杯，間中有D就賣下水果咁，主要都係做遊客生意既，如果你將左右既樓想像成唐樓，中間既變曬紅白藍膠布X棚架既檔，基本上呢度就成條女人街咁。唔…咁講好似有d大剎風景。當然呢條行得舒服得多，亦無咁多老翻，而且美觀無數倍。

係度買磁石是基本吧！

藍天既古城廣場，一定要買啦，都好似要80-120CZK 30-45HKD左右。佢仲有好多版本 例如黃昏、黑夜版本，不過因為省錢就無買曬啦。呢種磁石我好鐘意，因為你會見到好多細節，好得意，得一張相平面果d磁石我一定唔會買。

呢個另一個風格，木質version，應該平D，唔記得幾錢了，分分鐘其實係係CK買既。圖中既就係一陣會去既查理橋。

佢仲有另一set黑白紅畫風既version，都好靚，係玻璃黎，男友好似買左，仲爛埋。
係呢種畫風：

真係幾靚，唔知點解我無買返個。


呢頭附近有間其實四圍都有既Trdelník煙囪卷，似乎係捷克傳統名物啊，不過原來呢一類卷狀麵包成個東歐都有，仲要好似話各自有D唔同，匈牙利果隻叫Kürtőskalács，望落一樣咁，而我不知佢地是咪同一樣野黎。

呢個卷唔好睇佢只係個包，大舊到，我地兩個share食，塞到我地飽曬。食落本來諗住係糖包，原來係有d玉桂味，因為佢外面果層係塗左層玉桂糖，個味都幾特別，頭一兩啖都幾惹味，黎到東歐點都要買件試下啦！不過，其實可以揀下店先，因為有d店賣既現代版本係會加下雪糕加下醬咁，個味同口感會立體d，因為全舊咁食都會食食下悶，我地share一件食都有食剩。

話說返黎之後我係香港就食過現代版（加雪糕），勁好味，一熱一凍既配搭真係不得了，係香港食果個感覺啱我口味多過圖中食既呢碌，想試下可以去尖沙咀既 「煙囪捲 Chimney Ice-cream」。


繼續無限亂影。

基本上沿途你會見到好多好多中小型既theatre，乜都有得睇：魔術、音樂劇、雜技、馬戲、歌劇等等，好多人會R你入去睇，其實有時間既不妨去睇下，係古城區既某個角落入面即興睇場show感覺幾正咁，不過我地無咩時間


係歐洲買既第一支雪糕！（雖然背景係starbucks但唔係starbucks買）之後就展開我地每日一雪糕既習慣呢支雪糕唔知係咪因為我地第一次係度買既雪糕，佢成為左我地整個百幾日歐遊入面最好味雪糕既TOP3之一我地由年頭講到年中都會數佢出黎佢係一支焦糖味雪糕（印象中好似係），我都唔記得有幾咁好味，只記得第一下食果下就雙眼發光，覺得好幸福然後我地就搶住食

行下行下，不知不覺我地就遊到去查理橋喇。（以下其中有d相係翌日既相黎）
呢條橋係布拉格既一大景點，又一古建築——查理四世係1357年開始建佢，到15世紀初完成工程，建左起碼五十年！不過，當時佢無名，大家只叫佢石橋，直到查理先生過身多年後，19世紀後期先將橋叫做查理大橋。佢條橋除左老，仲好威水，由以前直到1841年，佢都係布拉格唯一一座大橋——個個想陸路往來古城同城堡都要靠佢，所以佢非常重要。

我係一個超懶既人，並無走高走低去搵個靚位影大景所以是日查理橋既相只有在橋上既角度呢個時候，其實都開始天黑，而應該只係4點幾左右。

查理橋底下既，係伏爾塔瓦河，呢條河係捷克境內最長既河流。
呢個時候，望住查理橋兩邊既景色，我地係度諗，唔知頭先個free tour到左呢度未呢

查理橋真係好闊下，根據維基，佢全長516米，寬約10米，有16個橋拱，兩端共有3座橋塔，其中兩座位於布拉格小城（我成日講既城堡區）一側，一座位於布拉格老城一側（頭先一直行既古城區）。唔好睇佢咁硬淨，當年佢N度被洪水玩殘過。

以前佢係可以比馬車通過，期後電車、汽車都可以通過，所以以前橋面係有瀝青路面。不過，到20世紀末，因為大橋大重修加上其他橋樑陸續建成，查理橋上面就全部轉曬做石面，並規定只有行人可以通行佢——簡直係德政，咁樣靚好多呢。

日頭，呢條橋非常熱鬧，好多遊客、賣藝、地攤檔主係度聚集；晚上，呢度非常寧靜，都好浪漫下。







個人鐘意城堡區果端既橋塔多D，相當有feel。發現我幾buy哥德式既塔，見親都讚。

呢個橋塔所見到既景絕對係我最深刻既景之一，真實型過上鏡更多。

晚上未黑曬既布拉格景不得了啊，呢d燈光配上呢D建築，成個聖誕小鎮咁啊！！！真係覺得呢個世界如果無左古代歐洲人，絕對會少左超多靚野。

之後我地因為有d凍，求其入左間店飲杯熱朱古力。黎到歐洲，係冬天我地特別鐘意飲熱朱古力，而布拉格既熱朱古力係從來無令我地失望！不過呢個時候，相機無電加上天黑，所以都無乜相了。

因為城堡區果邊我地係留返聽日行既，所以我地係度不留太耐，聽日再黎，於是就慢慢行返去老城廣場，係果度坐左陣，感受下晚上既歐洲廣場氣氛，就返去酒店。

基本上是日我地1點開始行古城，行到5點左右天黑，就已經行完一轉古城區同查理橋，如果早d出發，絕對係可以上中午行完古城區，下午行埋城堡區。

留名支持

我岩岩去完
見到你打啲嘢
好回味
Budapest
Hallstatt 係必去👍🏻

多謝絲打支持

留名暑假去

Btw咩相機影？幾靚