假若大家睇到近呢幾年新增外匯儲備既變化，而家大陸要賺外匯，主力已經唔再係通過貿易去賺，而係通過大大小小既大陸銀行國企民企個體戶，去世界各地大舉美金債，靠呢部份既美金去支撐住大陸既外匯儲備。
咁既然要靠借錢，當然要形造個良好既氣氛，各位先會借得爽，借得豪氣嘛，要形造氣氛，當然少不免股樓要高升，大牛！而香港往往係呢D債券股票既主要發行地，所以我係到非常大膽假設：
今舖個牛市，係國家任務黎！
呢舖香港就威，本身係阿二，而家承接左呢個國家任務，即刻坐正做阿大
但講到呢到，關地方債乜事呢？
大家需要先認識一個事實，人民幣既發行，係建基於外匯儲備。中國要印幾多人民幣，大前題係自己個袋有幾多外匯，而由2008年到今日，中國大既印左咁多人民幣：
2008年：47.52萬億
2017年：167.68萬億
足足印多左3.52倍既銀紙出黎
而呢堆既"熱錢"，再加埋美國果邊印出黎既"熱錢"，只不過需要跌些少落黎香港，就足以炒到香港樓價：
但問題黎，近排大家都有睇過一個Post：
山東財困舉債達11000億
https://lihkg.com/thread/531007/page/1
其實唔止山東，好多省市而家都陸陸續續發生呢D問題，問題原因得一個，就係唔夠錢分，假若要夠錢分，大前題係要有更多既外匯，先可以憑呢D新增既外匯去印更多既銀紙，緩解燃眉之急，但上一段都有提及過，2017年個市咁牛，D外匯已經咁難賺，2018年個冚仲要大左，為左可以方便到大陸可以更易舉債，而家先落定時間囊：
1.債券通會火速上馬，盡量做到街邊師奶都有得買
2.為保賣債順利，個市係唔會大跌，呢個係關乎國運既硬指標
3.香港外匯儲備既投資，有機會已經比人攞左黎買中國國債
4.為左避免不穩因素影響發債市場，樓價絕對不會冧，之前林鄭都有直頭同記者講，佢從來都無唸過打壓樓價，佢只想增加供應
而家各位買股、買樓，買既唔應該仲存留係乜野技術分析，乜野獨家消息，而係對賭緊中國既國運，而中國既國運係緊緊咁扣住習近平一個人手上，所以要睇黎緊升定跌，不如搵下習近平個八字，睇下個流年盤仲實際。
