［少甜，非甜故］【為左變性，我唯有做雞。】

女女好似差咁啲野咁
btw今晩要夜啲先有文

又吊引

不知幾正

鹹鹹的海風撲鼻而至，我左手牽著微醺的海欣，右手拿著剛買來的半打啤酒，踱步朝著沙灘進發。

「想坐邊呀？」我問道。

「你揀啦。」

我們隨便找了個有樹蔭的地方，脫下了鞋子，坐在細沙之上。

「比支酒我吖。」海欣平時滴酒不沾，唯獨要吐苦水時總喝不厭。

「等我一陣。」

我從膠袋拿出兩支Hoegaarden，這才發現我應該買罐裝的。

「張海欣，你有無開瓶器？」

「有呀，你比支酒我啦。」想不到她早有準備。

她接過啤酒樽，呆呆的盯著樽蓋，沒有拿出任何東西的打算。

「喂，做咩發吽哣呀？我幫你開啦。」我攤出手心。

「呱！」海欣怪叫一聲，突然咬住酒樽，使勁地把脖子扭向左邊。

「喂傻左呀你？咁樣好易刮親個嘴架。」

我趕忙從她手中搶回Hoegaarden，原來她說的開瓶器是指那對可愛的虎牙。

「我就係傻，先會比果個衰人蒙在鼓裡…」

終於有文

睇黎唔洗變性都得啦

點解咁講

「邊飲邊講啦。邊個敢虧待你，我一定唔會放過佢！」說時遲那時快，我已經用瓶蓋對瓶蓋的方法開啓了酒樽。

「唔該。」海欣接過酒樽，續道：「其實佢真係對我幾好，只不過係我貪得無厭，無理取鬧。」
海欣口中的衰人應該就是她的未婚夫，某地產大亨的二公子Felix。

「我今次離家出走，其實係因為發現左佢出面有女人。」

「咁仆街既佢，已經有你咁正既未婚妻仲要出黎搞三搞四？」

「或者係我太煩啦。」海欣短嘆一聲。

「你係點發現佢包二奶架？」看著心愛的人被背叛還要怪責自己，我的心揪著揪著的痛。

如果是我話，我一定會好好疼愛你。

「最近一個月佢好少返屋企食飯，成日都話要加班，明明佢係老闆個仔，做唔做都好閒姐……仲唔係同啲咩淫賤秘書亂搞男女關係？」

究竟我應該煽風點火還是理性分析？我很想海欣回到我身邊，如果拆散了他們我便可以乘虛而入了。

「咁你仲想唔想同佢結婚？」我問道。

「林恩兒，如果你係男人就好啦。」

「如果我係男人既話，你會唔會同返我一齊？」

變性的事，除了王醫生外，我只同梅姨提起過。我打算在事成之後才給海欣一個驚喜，否則她一定會阻止我的。

「如果你係男人既話，呀爸呀媽都唔會迫我同你分手。」她沒有正面回答，而是提起了往事。

因為頭先睇 以為海恩會番黎 點知呢篇又講d咁既野

睇落去就知架啦！
聽日見各位

好啦

晨早報導

報到

good morning

海欣於大學畢業後不久以性格不合為由提出分手，在那之前我們是大學宿舍的室友。

換言之，我們同居了四年，那段時間可是我人生中最快樂的時光。可能是因為太快樂的緣故，我覺得那段日子很短暫，轉眼即逝。

由於海欣不懂說謊的關係，我很快就發現真正的原因是她父母。海欣出身自富裕的家庭，父親是醫生，母親是律師，他們的愛情觀念很傳統，極力反對同性戀，更特地為她安排了地產大亨的公子作對象，好讓海欣死心。

「張海欣，其實我仲好掛住你呀。不如你同返我一齊，我地搵個細細地既地方住，重新開始？」

「其實我都好掛住你。我唔介意其他人既點睇，我都唔係話貪Felix屋企有錢，但係我真係唔想再刺激我媽咪。」海欣真的很孝順。

「我可以等你架…」我不介意犧牲，我不介意等，只要你願意回到我身邊，我甚麼都可以。

「我呀媽上個禮拜覆診，醫生話佢有乳癌。我無得揀。」

「伯母佢身體點呀？醫生話第幾期？」我心裡暗暗覺得這是報應。

「第二期。呀媽已經好唔開心，再激佢我驚影響到病情。」

「第二期應該唔洗太擔心，有咩事我都會係你身邊。」我拍一拍海欣的肩膊。

「林恩兒，不如你都係快啲放棄我啦，我唔值得你為我做咁多。搵個第個女仔又好，搵個好男人都好，總之唔好再浪費時間係我身上啦。」

「呢啲係我個人選擇，我從來無怪過任何人。」我不帶絲毫動搖的答道。

「其實我已經諗住下半世乖乖地做少奶奶，所以今日見你，只係唔想帶住啲咩遺憾結婚。多謝你今日出黎陪我。」

「唔洗客氣。」我不知道如何應對。

你剛剛不是說懷疑他有外遇嗎？怎麽現在又對他死心塌地了？

「我係咪好自私呀？」海欣醉意漸濃，晃著馬尾問道。

我看著海浪慢慢地流動，卻一點都不覺得浪漫。潮水緩緩地拍打在岸，與我手上的啤酒同時吐出一層白沫。

海欣昏睡在軟沙上，我與一鎌彎月對酌到天明。

推

變咗性之後海欣都未必會同返佢一齊

睇下佢地係注重心靈定身體

愛一個人，可以去到幾盡

愈諗愈唔開心

熹微時分，嫣紅的朝陽翻過峰巒，向著水面灑下道道金光。

「起身啦，天光啦。」我嘗試搖醒睡相甚差的海欣。

「早晨。」她拭著眼皮說道。

「我約左人呀，要走先啦。」我站起來執拾空空的玻璃瓶。

「我地尋晩飲左好多咩？我無乜印像既。」海欣一副無辜的樣子。

「無呀，少少咋嘛。」

「我尋晩有無亂講啲咩呀？」

「無呀。」我拼命擠出笑容。

「多謝你陪我，遲啲見啦。」

「拜拜。」我沒有回頭，逕自走向巴士站。

究竟是海欣成長了，還是我變得不了解她了？

我好像已經不懂得分辨她是否在說謊。

手機有來自梅姨的未接來電，但在重撥給她之前，我想先找一找王偉明。

「嘟…嘟…」他沒有馬上接聽。

「嘟…嘟…」可能他在忙吧。

「嘟…嘟…喂？」

「係我。」我心情好像輕鬆多了。

「你係？」

「林恩兒呀。」

「哦，早晨。」

「岩岩起身呀？」我問道。

「唔係呀，晏啲放工先有得訓。」他的聲音帶有倦意。

「on9 36小時緊呀？」

「算係啦。」

「方唔方便講幾句？」

原來在清晨遇到徹夜未眠的同道人，可以是這般愉快。