近排發覺月供股票遇到個牛市真係幾厲計
其實月供股票最吸引都係「平均成本法」
所謂平均成本法,簡單講即係股票價有高有低,平均成本法就保障你/新手唔會係股票價最高位個陣all in哂落去
但係近排股市暢旺,睇下大家鐘意既藍籌2,3,5,6,66,823唔係年頭升到年尾,就係3年高位(例如我愛股2號仔
,今年最低試過$70,但係12-16年頭都唔過$70.5),如果每個月都供四千落去,每個月越買就越少股,呢個就係月供股票最大既問題。
仲有一直存在入市時間差既問題,遇到個牛市就浮哂出黎。首先落盤時間兩間銀行都係交易日幾日前,即係入市個價靚唔靚就好睇彩數;第二就係成個市都知你銀行入市個時間就係11點幾,跟本就睇住黎食
,唔係全日最高位已經好好彩。
反而月供股票對我黎講最吸引就係個手續費,免經紀佣金同埋其他雜費,但係呢個同股市升跌無關,所以最抵既玩法可能就係趁個市跌就月供入,個額就加到一手,跟住下個月就停供(咁樣都有個風險就係會delay幾日,呢幾日升跌可能就食左個手續費優惠)
當然如果你係一有錢就身痕想使哂佢咁梗係快d開始月供股票
利申個人意見only