其實中菜真係稱得上世一，唔計政治立場

有人話日本菜先係世一，其實完全冇point
老實講剩係計多樣性，口味多元化
由四川一路食辣，到廣東清淡，再上南京上海甜口
就算成個歐洲都冇咁多元化
你睇下美國d白人飯，口味都偏向單一

其實除咗中国人自己話自己世一之外仲有乜人會同意？

你食開呢類菜先入為主咋

過咗外國先覺得中菜世一 日日啲鬼佬同事都望住我個飯盒流晒口水

咁你講下歐洲咁多國家
D菜式有冇咁多變化？

如果講緊成世只可以食一樣...
中菜同日本菜都可以世一...主要係贏在本身唔差之外仲好多選擇...

但原因都有可能係我地對其他地方既菜式根本唔完全了解...
根本唔知人地仲有咩食...亦都無機會試...就算俾你飛過去...你都係試得好少野...

但越高級果d中菜越冇左自己特色, 似係中式西餐
高級中菜越來越細碟, 冇左中菜果種排場
同埋分開頭盤, 主菜冇左中菜果種一次過多選擇

你用英文睇下美國飲食文化既wiki就會發現自己唔識勁多野

情況同一個美國人當左中餐得拉麵同包差唔多

日本菜如果計埋佢地既中華料理同洋食既話，咁個內容都好豐富。

咁你隨口up下啲野食

間中睇下戲都會見佢地有講下菜式既，我都想試下南方辣蝦同煙燻烤肉。唔同地區個做法都有些少唔同所以想試下。

打卡就日本菜贏

一個「中」字俾你騎劫哂咁多種菜式

川湘京滬粵你唔分細啲？

屌你樓下街坊茶記個menu都豐富過佢
你係來搞笑嗎
鬼佬來講，好似公認係意粉同法國佬d野好食

拉麵壽司鰻魚飯真係食一世都唔會厭

土耳其菜都好豐富
歐亞阿拉伯特色都有

狗肉 貓肉真係除左中菜好難食到

食材多元
猴子腦，蝙蝠湯，牛歡喜，各式鞭酒，果子狸
鬼佬邊有咁多種食材

日本菜係最無聊同死板
雖然成日整色整水
但食落就會發現調味仲有烹調手法都好單一
唔好講中菜
東南亞菜式都羸幾條街
冬蔭功同pho呢啲層次咁豐富嘅口味
真係唔知發明嗰個人點諗出嚟

飲食本身就係一種文化黎，每個地方既飲食就代表左當地既文化特色，中菜本身只係一個好籠統既字眼
所以就咁中菜同日本菜比根本無意思，你講個d根本唔係多元化，而係純粹將好多完全唔同既飲食撈埋一齊就叫中菜咁
要比應該係四川菜或者廣東菜同日本菜比，咁先有可比性

中華料理同洋食勉強咗啲
拎壽司同拉麵出嚟就有得鬥下
呢兩樣好具代表性同特色

西班牙菜？？？

你地要開幾多個掛住中菜既post？