UK 租樓買樓攻略 (11)

梁潮偉 · 2024-08-21T03:45:31+08:00

繼 UK電話sim 卡攻略 https://lihkg.com/thread/2939881 之後, 我想有一個完整d 既post討論租樓同買樓. 我開呢個post, 只係開一個平台, 開個頭, 比有經驗既人去分享. 任何人有經驗既都非常歡迎幫手回答新手問題. 如果係下面個FAQ 有咩你覺得錯既, 亦請指出錯誤, 核實後會係下一個 post 修正. 不論任何情況, 先睇左首post 先做任何決定係你問有咩屋啱你租/買之前, 請睇下面其中有一個section 係推介系列. 好大機會係會搵到你想要既budget 同區份. 先睇左個個section 先. 無的話, 你如果想要呢個post 既人幫到你搵屋既問題, 你先要提供以下資料, 先會有足夠料去幫你諗 1. 租房或買屋既 budget : 2. prefer 地點 (London, Manchester, Birmingham, Nottingham...etc) : 2. 你需要幾間房 : 3. 你要 apartment (leasehold) 定 house (freehold) (租屋的話可以skip 呢條問題): 4. 番工的話, 你可以承受既commute time 係幾長? (0.5hr , 1hr, 1.5hr) : 5. 需唔需要睇校區? 小學定中學? : 6. 你會點排優先 (價錢, 校區, 治安, 交通) : 舊post 1. https://lihkg.com/thread/3022903 2. https://lihkg.com/thread/3043052 3. https://lihkg.com/thread/3114885 4. https://lihkg.com/thread/3187643 5. https://lihkg.com/thread/3187643 6 https://lihkg.com/thread/3365198 7 https://lihkg.com/thread/3443108 8. https://lihkg.com/thread/3555364/ 9 https://lihkg.com/thread/3636475/ 10 https://lihkg.com/thread/3710375 ------------------------------------------ 係揀租樓或買樓之前, 我想先講左揀去邊個地區先. 黎Uk 會Full pay 買樓嘅人, 佢地生活負膽係低好多好多. 但係對於唔係full pay 黎uk 嘅人, 係需要先理解揀地區嘅重要. 先要識一個概念叫Disposable income. 即係每月人工減去你每月嘅固定支出好似屋租, council tax, 水電煤等等. 你淨番落黎嘅錢叫Disposable income. 因為發覺好多人係揀錯地區落腳. 揀錯區所以生活會變得好辛苦. 倫敦唔係必需去嘅話, 唔好去 . 如果你係第2個地區disposable income 係高過你住係倫敦嘅話, 係完全無理由住倫敦. 倫敦並無任何野好得過其他2線city. 未來前景亦真係唔洗你落腳個刻就諗. 因為對於UK僱主黎講, 你係白紙. 倫敦喺未來有幾咁好前景, 你都先要攪得掂而家. 而你現時只係一張白紙仲要剛剛落機. 你係倫敦做張白紙同係曼城做張白紙, 收入係唔會有分別. 好多工種係英國好多2線city 都係同倫敦同價錢. 咁如果度度都係俾個個價嘅話, 自然住係支出最少嘅地方就最著數. 一定要先做左 research 你嘅經驗係呢度搵到乜野工你先好諗住黎UK. 唔好完全無準備就黎. 一定死. 好老實講, 對唔係full pay 買樓過黎嘅人, 生活環境確實並不友善. 先講呢度最低工資係£11 (8月2024年), 即係稅後約£1666 一個月. 要係呢度生活正常而過得開心嘅話, 你其實選項得幾款 1. 單人過黎, 你無專長, 唔係專業人士. 你要預左自己會由最低工資做起. 即係£11 一個鐘. 呢個收入, 千期唔好去倫敦. 因為倫敦太高銷費. 就算你有人同你share house 你都會過得比其他人窮. 我會建議去Manchester, Birmingham , Nottingham 呢啲地區. 因為最低工資係邊個地區都一樣. 即係話你搵個洗費最低嘅地方就會住得最舒服. 建議係Manchester 搵人合租2人房或直頭住share house, 一間連私人廁所嘅套房. https://www.spareroom.co.uk/ 呢d 套房最大嘅好處係包晒bill. 好多時£600 係全包連埋上網. 即係你最少仲有£1000 disposable income 一個月用就好好洗. 你搵多個人同你合租2人房嘅apartment 嘅話, 洗費會略高於你租套房, 因為所有bill 你要自己俾, 不過就成間屋都係你嘅, 你同人合租嘅話你預每月disposable income 係約£800. 2. 單人過黎, 你google 過你嘅profile 係會搵到高過最低工資嘅工作. 你有做過research 你知你嘅工作經驗係搵得到£2000 一個月或以上嘅. 去Manchester, Birmingham , Nottingham 呢啲地區. 租一人房/Stuido 嘅apartment 約£800 一個月. 另加£400 係council tax, 水電煤. 你預你每月disposable income 係約£800+. 3. 單人過黎, 你係做IT/金融而有3-5年或以上工作經驗. 或者其他你做晒research 知道係英國係專業搵到食嘅職業, 搵到£2500 一個月或以上嘅, 可以選擇去倫敦. 係可以選擇, 唔係叫你去. 因為仍然係睇份糧係咪高到可以cover 到你可以住係倫敦. 如果其他區offer 嘅人工 - 該地區洗費係多過你係倫敦嘅話, 你係無需要去倫敦. £2500 - £3000 月薪嘅租share house, 一間連私人廁所嘅套房, 約£800-£1000 不等已經包晒bill 包埋internet. 另外一個方法係搵多個人合租2人房嘅apartment , 洗費會略高於你租套房, 因為所有bill 你要自己俾, 不過就成間屋都係你嘅. 雖然計數就係話你有£1500+ disposable income 可以洗, 不過倫敦不論地鐵定係話食野都好貴. 而且誘惑洗錢嘅地方係多好多. 你每個月袋住呢£1500 都要小心地洗. 4. 單人過黎, 專業人士, £3500 以上一個月. 你可以係London 租間單人房住, 約£1400-£1800 不等. 另加£400 係council tax, 水電煤. 5. 兩公婆過黎, 要2個人都做野. £2000 稅後per head 人工嘅話住係非倫敦區. 可以住Manchester , 約800-1000 一房可以住係啲prime location. 2房就可能要次一等治安嘅地方. 會recommend 屋租control 係£1000 左右, 另加£400 係council tax, 水電煤. 咁生活上就無乜大問題. 6. 兩公婆過黎, 要2個人都做野. 稅後£3000 per head 人工. 加埋即係有£6000 稅後收入. 可以選擇住係倫敦區搵啲2房嘅flat 住. 約£1800-£2300 不等. 另加£400 係council tax, 水電煤. 生活問題不大 7. 一家大細過黎. 因為小朋友都要住, 變左你最少都要有2房. 一仔一女嘅除時要去到3房. 變左洗費係高. 2公婆需要同時都做野. 一定要靠breakfast club 同afterschool club 黎work around 接送小朋友嘅時間, 好大機會一個番早班另一個番晏小小. 2個人稅後需要 £2000 per head or more 住係非倫敦區. 因為起標都2-3房, 我會recommend 屋租control 係£1200 - 1500 左右, 另加£400 係council tax, 水電煤. 以上係跟據呢度嘅洗費, 得出黎你會住得最舒服嘅路徑. 唔好越級挑戰. 你可能會做到, 不過你唔會生活得開心.

梁潮偉

1001 回覆

29 Like 4 Dislike

小明明白白 2024-09-05 19:17:59

無芝麻仁係蘑菇既 2024-09-05 19:43:36

依排研究左陣發覺多數NEW BUILDj都集中係RG40 (Wokingham附近) / MK附近 / Stevenage附近
RG 40就一定唔會考慮我直程唔明點解佢賣咁貴交通又唔好出入倫敦都麻煩
MK 同 Stevenage都吸引既但唔知點解Stevenage樓價係特別平可能太多公屋市容無MK咁好

發長商方面:
Bellway, David Wilson, Barratt, Redrow, Taylor Wimpey 都睇過曬
其實睇Show Room真心好難睇到咩手工野因為一定包裝得好好
但我睇過Reddit Quora lihkg 多數都會話David Wilson係唔差 TW就REDDIT 同 QUORA都話OKAY LIHKG就好反對所以其實都唔太識點入手

SherlockHomeless 2024-09-05 20:17:57

工黨起屋計劃聽吓好
保守黨以前講過話起屋但都起唔夠target
同埋起係nowhere 你都唔會想住

自住都係計岩數就買租金升得太勁

望貓止渴 2024-09-05 20:39:07

唔預十年內升值都會買嘅咪照買

呢邊炒樓個啲係玩翻新舊屋再賣賺差價唔係就咁擺起到會升

無芝麻仁係蘑菇既 2024-09-05 22:23:52

翻新舊屋再賣賺差價唔係咁平個起動資金好大你要玩依招間屋個格甚至個地一定唔可以太差唔可以太差起碼都五六百萬加埋裝修你無幾球流動資金玩唔起

我有幾球我唔洗咁玩啦我ALL IN VOO唔好?

望貓止渴 2024-09-05 22:45:38

佢哋咪用buy to let mortgage(25%deposit) 買爛屋返嚟裝，裝完咪remortgage套錢

YouTube大把教學

係裝修個part如果唔係自己識搞無數圍所以少人做

有幾球又唔係做開裝修真係買股算

英國自住樓唔好諗短炒

下下都Covid之後大爆升咩

無芝麻仁係蘑菇既 2024-09-05 22:57:18

你望都唔好望工黨搞咩起樓計劃佢地係諗住起新市鎮跟住起60%公屋 60%公屋只會爆多左成堆slough luton 堆shit town 出來

無芝麻仁係蘑菇既 2024-09-05 23:00:26

有無人答到new build 發展商問題其實有無話邊間手工好D 無咁多奶野除左 berkeley特別好 Barratt new build感覺特別麻麻其他都差唔多

梁潮偉 2024-09-06 04:23:34

我google 左一下..

The top 10 house builders in the UK for build quality are The Hill Group, CALA Homes, Bloor Homes, Fairview New Homes, Story Homes, Berkeley Homes, Telford Homes, Countryside, Taylor Wimpey and Barratt Homes, according to HomeViews Resident Choice Awards 2024.

不過, 係英國買樓叫做易玩. 價格通常反影晒地區治安, 同校網. 而新樓就仲會包埋用料質素. 亦即係話, in general 係uk 買樓, 係同區嘅另一個發展商比你睇緊個個貴嘅話, 即係你睇緊個間用料差啲. 而手工哩, 就所有平價嘅都係賭運氣, 睇你咁啱做個班builder 係撞啱係好野定係仆街. 根本無路捉嘅, 有路捉知道實無乜獲氣個d new build, london 內都唔會係1M 樓下嘅貨式.

畢仕仁 2024-09-06 05:52:20