UK 租樓買樓攻略 (11)

TBH 我唔會建議你買 你ALMOST係自殺 我當你做八成按 借280萬 當你5%息口 你每月還款係1500GBP 你肯定出年/後年經濟差 你一定有野做? 有野做又一定維持到依個收入 你兩個小朋友頭暈身㷫 突然要用錢 你果個月點算

租樓幫人供樓係一回事 亂咁跳入個火圈 博自己唔俾人燒死係另一件事

財務穩健啲嘅做法係兩個人都返工，低人工啲嗰個份糧都夠供樓加basic水電煤council tax等必要基本支出先買

老實講搵40k有兩個細路唔應該target呢個價位嘅樓，如果按返無父幹/唔係帶一大舊錢過嚟嘅標準計應該買250k以下嘅樓會貼地啲

不過千金難買心頭好啦

我都仲未計還老豆老母果筆 如果老豆老母出盡奶力都係借得40萬 即係佢地本身都唔係好掂 我當佢地後生D 60歲 佢地俾盡做多五六年就退休 到時你諗住點俾家用 佢地入院你諗住點幫手俾醫療支出 甚至安老院費?

但認真 我真心好奇點樣每月支出2500GBP 正常四人家庭 應該都要3500-4000 你地幾多錢租

我俾你嘅意見係, 當你同你老婆都一齊有工之後, 計番你每月稅後家庭收入有幾多錢係袋, 再加埋你所有績蓄 + 你2老幫你個£40000 之後, 再跟據番對上一年每月平均所有洗費嘅數字, 再上黎問.

因為我計嘅話, 我肯定唔會攞到盡咁計, 我實會留最少一年可用資金. 減除左個一年資金, 之後先係可以用嘅錢. 留一年可用資金係最低限. 我個人最少預2年, 主要係現時個jjob market 稍為冷左d.

又諗起Fiona 條片佢舊老闆唔明點解啲香港人做最低工資但住貴屋

一年係合理 香港我直程建議係兩年/三年

你唔可以拿LOCAL堆人來同亞洲人比 佢地太洗腳唔抹腳

倫敦計 家庭月入稅前約90K 就算你一年去兩三次旅行 其實一年大既儲到20萬 我當你兩人加埋已經儲左50萬 你儲多四年大既130萬 其實伯明翰 我唔覺得你儲錢會有咩大分別 人工低左VS租低左 其實最尾都差唔多

130萬買350萬咁又太過保守 我覺得大既450-500萬都仲合理 就算你住伯明翰 我唔覺得低過350萬你買到D咩 LOCAL太鐘意做10% 甚至5% DEPOSIT就去買樓 依D人加息 甚至 經濟一差會死得好慘

佢兩個加埋搵80k咁可以買貴啲嘅，宜家得40k買350k要好大首期

如果加埋搵60k當做盡4.5倍都係只借到270k，有130k首期都係買得到400k何況有兩個細路唔會借到4.5倍

唔係保唔保守問題，係根本買唔起

條數無計錯, 亦所以我叫佢老婆搵到工, 攞到稅後家庭收入, 再計番每月真正平均開支 (扣除房租)嘅費用, 同銀行內存款先有得諗.

60k 家庭收入嘅4.5倍係270k. 你要買350k 嘅屋, 就咁減條數就要多80K 存款. 但係, 你仲要睇埋stamp duty , 律師費, surveyor 費用, 小量裝修, 家品添置, 同其他雜費. 即係你存款要去到95k.

咁但係, 你做完上面嘅野, 你係0存款係袋. 我當扣除房租, 你每月用£2000 一個月開支. 2000 x12個月 = £24k . 亦即係你存款最少要有 £119k.

而呢條數只保到你一年, 而且你好好彩攞足4.5倍借貸, 而你後備支金係頂到你一年完全無收入嘅開支. 我個人係最少會留2年, 即係跟據上面條數嘅例子嘅話, 我買屋前最少要有£143k 存款係袋. (given 我買350k 嘅屋, 借到4.5倍, 家庭收入60k 黎計算)

都係咁 無咩特別 有個好大既香港人GP囉 但其實都係咁生活 但Watford好貴租喎

係， 買機再builder拍博頭平價裝

唔好
人多車多勁塞車
又雜治安又唔好
起勁多高樓但配套又唔完善
明明唔屬於倫敦但樓價同倫敦差唔多

60k 家庭收入頂盡借270k (當你借到4.5倍). 首期80k. 你買到350k 嘅屋, 你淨番70k 係袋. 我唔會叫你洗多過呢個錢, 因為你買左屋, 未計開支之前, 你仲要供間屋.

我搵左個mortgage calculator 篤下, 當你供25年, 4.7% interest rate, 你每月morgage 供款係£1531. 呢個係未計你每月所有開支. 你袋住70k, 開頭仲要俾stamp duty 5k, surveyor + Conveyancer = 2.5k. 再執下呢樣執下個樣裝修先住得人, 同小量電器添置, 你實側最後可能係得番50k 係袋.

worst case scenario 2個失左業, mortgage 供款 + 每月洗費+供屋好慳 £2500. 頂到20個月, 叫應該穩陣. 因為衰極斷估你洗左一半錢都會識去搵倉做頂住先 (given 你有車楂到去倉嘅位置, 做倉無車去唔到).

係, 我係一定用最worst case scenario 黎計, 我唔會搵人個未來黎賭.