其實我覺得當時啲人覺得爛尾係因為覺得始祖選擇嘅係米卡莎呢樣嘢冇乜鋪陳
當全部人以為始祖係揀咗艾倫,可能因為佢反社會又好、想靠艾倫爭取自由又好
當時個主題都係圍繞住一個宏觀嘅角度講緊人性、種族、族內鬥爭之類
但突然間就同你講「係愛呀,讀者們」
一下子變咗啲咁微觀嘅嘢(仲要真係淨係針對米卡莎對艾倫嘅愛)
所以當下覺得佢爛尾真係完全唔出奇
再加埋個「窩不知道
」,真係同火水救火冇乜分別
但其實重新再睇一次成套巨人
始終都係覺得佢係神作,至少佢137話之前創作出嚟嘅內容已經可以上神枱
同埋無論係對神作黨定爛尾黨嚟講
諫山創已經係極成功咁令自己嘅作品永遠留喺讀心入面