致睇過/錯過《進巨》的你

雖然兩年半前已經睇哂知道結局，但依然概嘆MAPPA既威力，透過動畫將成套神作再昇華。十年了，由一開始超巨型巨人登場留下左一堆迷團，去到艾倫知道海既對面唔係自由而係敵人然後決定滅世，我好慶幸自己能夠喺已經成熟既心態去欣賞，進巨對於「愛」、「自由」同「選擇」等等既探究可以話係教科書級別。故事第一集既標題係《給二千年後的你》，當時好多人都不以為意，以為只係唔實在，懶係有深意既開頭，直至故事去到王政篇，觀眾開始了解到原來進巨唔只係單純巨人同人類既爭鬥，重涉及人類之間陰謀同慾望既描寫，原來一個政權既腐敗係會導致整個國家既衰落，亦只有團長等人發動背水一戰既政變，先可以改變命運。

直至馬萊篇，作者透過引入馬萊哩個大國再次刷新觀眾世界觀。原來牆既外面唔剩係巨人，重有視自己為惡魔既人類。作品去到哩個位置已經充滿政治氣氛，人與人之間嘅歧視、仇恨點先可以化解到，作者正正利用艾倫嚟回答，一個正氣澟然，譬要清除巨人既主角，去到最後竟然發動地鳴，控制巨人踏平整個地球，殺左全球八成人口，為既只係保護自己重視嘅人，同暫時性消除世上既仇恨同歧視。

其實咁多人去拒絕接受哩個結局，甚至認為係爛尾都好正常，因為Even喺現實社會，完全清除歧視同仇恨既方案仍然係沒有答案既議題，作者只係透過佢幻想既世界回答哩個問題，寫實之如亦帶有警世效用，畢竟現實總有艾倫是自由的💀

對於愛嘅探討，莫過於MIKASA同艾倫雙方去為佢地之間嘅「愛」而作出既選擇。艾倫只係作為自由既奴隸，將一切連接既人，但真真正正作出回答既，唔係艾倫，唔係阿爾敏，係MIKASA，由佢鼓起勇氣斬下艾倫既頭顱開始，就回應左始祖尤彌爾被愛所折磨既束縛，係MIKASA去斬斷艾倫既生命，同時解放左始祖內心既執著。無錯，十年前第一集既標題《給二千年後的你》正正就係始祖寫比MIKASA既信，而最後一集《給二千年前的你》亦作一個首尾呼應，完滿左整套作品。

作為一個自由嘅人，進巨帶比我嘅遠遠唔只係精彩嘅劇情，更多嘅係引導我去思考何為自由，何為愛，進巨既故事雖然告一段落，但作者留低比觀眾全新既《給二千年後的你》，卻成為我去面對現實生活時既一道明燈。誠意推薦大家去睇《進擊的巨人》。

你點自由呀

可以喺度覆你都算係一種自由嘅

但依然概嘆MAPPA既威力，透過動畫將成套神作再昇華????

由WIT 轉mappa之後 d打戲變到powerpoint咁
你盲？


垃圾game of throne 等級爛尾
Eren成個人設崩哂 仲變成埋crybaby beta cuck

帕島果d所謂兄弟 比人殺左咁多季 結果最後Eren出黎反殺 5秒都唔夠 呢班人就急不及待同敵人聯手背叛eren.
...........
唔好同我講咩世界和平 為人類著想

作者既結局（樹比馬雷飛機轟炸）就係講明
佢地兩邊只要一日唔殺盡 就會打黎打去

所以巨人世界既正解其實只有
1） Eren殺盡牆外人 end loop
2) Zeke令牆內人滅絕 end loop

任何左膠 “和平共存” in-between既都會係永無止境既互相殘殺

所以何謂愛？何謂自由？

垃圾番 未睇既 唔建議睇

追左10年 最後咁撚樣既結局 真係DLLM

浪費時間

係呢個年代最值得睇嘅動漫之一

問黃絲

《進擊的巨人》確實是一部極具深度和影響力的作品。MAPPA 的動畫製作水準無疑為這部已經優秀的漫畫增色不少。從故事的一開始，牆壁外的巨人世界充滿了神秘和恐懼，到後來揭示出更加複雜的人類社會和政治陰謀，這部作品逐漸引領觀眾思考愛、自由和選擇等深層次的問題。

艾倫從一個尋求自由的少年，轉變成為一個願意滅世以保護自己摯愛之人的角色，他的行為引發了許多對人性和道德的討論。故事透過艾倫的轉變，探討了在極端情況下，人類會作出怎樣的選擇，這些選擇的背後又有怎樣的動機和後果。

在愛的探討上，米卡莎與艾倫之間的關係尤為動人。最終，米卡莎作出艱難的選擇，結束了艾倫的生命，這一行動象徵著對始祖尤彌爾千年束縛的解放。這種愛的力量和勇氣，成為故事中一個重要的情感支柱。

《進擊的巨人》以其複雜的劇情、深刻的人物塑造和宏大的世界觀，挑戰了觀眾對於正義、仇恨和救贖的理解。它不僅僅是一部動畫或漫畫，更像是一部深刻反思人類社會的寓言，帶給觀眾無限的思考和啟迪。

巨人真係神作但動畫畫得好要靠wit第4季轉左mappa第一部份崩到mikasa喊樣 調查兵團包
圍鄂巨 兵長變肥
係之後第2部份開始好番d
不過當然都要多謝mappa肯接黎畫

打完篇野 自己睇翻有冇打冷震 ?

利申: 認同巨人幾好睇 不論係講島內島外 但唔多覺咁震撼 咁有啟發性 D道理其實都好淺白

始終覺得WIT勁好多
Mappe要去到最後一季先做番好

聲畫故事一流 只認巨人為第一

你可以唔鍾意mappa畫風，但唔能夠否認第四季由Mappa操刀會比WIT更deliver到個世界觀比觀眾。

馬萊篇同前面既篇章探討既維度完全唔同，由一套打打殺殺賣王道熱血既劇情昇華去講政治、人權同和平等既議題，冇錯WIT喺前面既打鬥係做得好出色，但去描寫文戲，人同人之間勾心鬥角既張力先係Mappa有優勢既地方。

如果你單純覺得MAPPA整到打鬥似PowerPoint就唔好, 咁可能你依然未睇得明哩套野

咁我都唔排除作者已死既可能，不過As一套作品佢係現今產業的確有佢既獨特性，例如伏筆回收（重要全部都回收到），同埋好人性化嘅結局（即係睇慣BBQ結局既會好失望lor)

笑撚死人咩你老母唔生你出嚟就係正解啦

Eren 人設崩？一直都係愛三明mikasa同調查團
你個end loop 咪殺哂佢哋囉

結局唔啱你心水就話人垃圾

Btw雖然我好鍾意哩套野，但佢唯一唯一嘅缺點就係前中期描寫Eren對Mikasa既感情戲太少。

哩樣野其實好緊要，因為越多既感情堆疊，先會令喺馬萊Eren 問Mikasa當佢係家人/愛人哩個問題有更震撼既explosion

艾倫根本一直都係咁，係第4季先開始獨來獨往要行自己既計劃
話人設崩其實只不過係你太中意第4季扮野既艾倫，而唔記得左其實條友一開始既人設就係咁，成日好廢好無力睇到d觀眾都燥燥地想佢生性既人設

邊度可以有動畫由頭睇到尾?
NETFLIX 果D得最後一季

Anime1.me
唔好喺前面打多個H